ރައީސް އޮފީހުގެ މީޑިއާ ޓީމުގައި 35 މުވައްޒަފުން، މުސާރަ އާއި އިނާޔަތްތަކަށް މަހަކު 900،000ރ.

ރައީސް މުއިއްޒު، އެމަނިކުފާނުގެ އޮފީހުގެ ސްޓްރެޓަޖިކް ކޮމިއުނިކޭޝަންސް މިނިސްޓަރު ހަލީލު އާއެކު: ރައީސް އޮފީހުގެ މީޑިއާ ޓީމުގައި 35 މުވައްޒަފުން އެބަތިބި --- ފޮޓޯ: ރައީސް އޮފީސް

ރައީސް މުއިއްޒު، އެމަނިކުފާނުގެ އޮފީހުގެ ސްޓްރެޓަޖިކް ކޮމިއުނިކޭޝަންސް މިނިސްޓަރު ހަލީލު އާއެކު: ރައީސް އޮފީހުގެ މީޑިއާ ޓީމުގައި 35 މުވައްޒަފުން އެބަތިބި --- ފޮޓޯ: ރައީސް އޮފީސް

ރައީސުލްޖުމްހުރިއްޔާގެ އޮފީހުން ނޫސްތަކަށް މައުލޫމާތު ދިނުމަށާއި މީޑިއާގެ އެހެން މަސައްކަތްތަކަށް ހާއްސަކޮށްފައި އޮންނަ ޓީމުގައި ޖުމްލަ 35 މުވައްޒަފުން ތިބި ކަން ހާމަވެއްޖެ އެވެ.

އެ އޮފީހުން މިދިޔަ މަހު އަދާހަމަކޮށް ނެރެފައިވާ މުވައްޒަފުންގެ ލިސްޓު، އަދަދު ނޫހުގެ ނޫސްވެރިން ބެލުމުން އެނގުނު ގޮތުގައި މި ޓީމުގައި ރައީސް އޮފީހުގައި މީޑިއާ އަދި ކޮމިއުނިކޭޝަނަށް ހާއްސަކޮށްފައިވާ ވަޒީރުގެ އިތުރުން ފޮޓޯ އަދި ވީޑިއޯ ނަގާ މީހުން ހިމެނެ އެވެ.

މި ލިސްޓުގައި ހިމަނާފައިވާނީ ރައީސް އޮފީހުގެ ލިސްޓުގައި ސީދާ ކޮމިއުނިކޭޝަންސް ޔުނިޓުގައި ނުވަތަ މީޑިއާގެ އެކި މަސައްކަތްތައް ކުރާކަން ފެންނާން ހުރި ފަރާތްތަކެވެ. އެއްވެސް ތަފުސީލެއްނެތި ޖަހާފައި ތިބި އަންޑަ ސެކްރެޓަރީންނާއި ޑިރެކްޓަރުންގެ ތެރެއިން މީޑިއާގެ މަސައްކަތް ކުރަނީ ކިތައް ފަރާތްކަން ސާފެއް ނޫނެވެ.

ރައީސް އޮފީހުގެ މީޑިއާ ޓީމު

  • ސްޓްރެޓެޖިކް ކޮމިއުނިކޭޝަން މިނިސްޓަރު
  • އިސް ތަރުޖަމާނު
  • ދެ އަންޑަ ސެކްރެޓަރީން
  • ދެ ޑެޕިއުޓީ އަންޑަ ސެކްރެޓަރީން
  • ޗީފް ވީޑިއޯގްރާފަރު
  • ޗީފް ފޮޓޯގްރާފަރު
  • ފަސް ސީނިއާ ކޮންޓެންޓް ކްރިއޭޓަރުން
  • ސީނިއާ ޕްރޮޑަކްޝަން އޮފިސަރު
  • ކޮންޓެންޓް މާކެޓިން، ޕީއާރު އެގްޒެކެޓިވް
  • މަލްޓިމީޑިއާ ޑިޒައިނަރު
  • ފަސް ކޮންޓެންޓް ކްރިއޭޓަރުން
  • ދެ ފޮޓޯގްރާފަރުން
  • ހަތަރު ވީޑިއޯ ގްރާފަރުން
  • ދެ ޕްރޮޑަކްޝަން އޮފިސަރުން
  • ކޮމިއުނިކޭޝަންސްގެ ޑެޕިއުޓީ ޑިރެކްޓަރު
  • ކޮމިއުނިކޭޝަންސްގެ ދެ އެސިސްޓަންޓް ޑިރެކްޓަރުން
  • ކްރިއޭޓިވް ޑިރެކްޓަރު
  • ޑިޒައިން ކޮންސަލްޓަންޓު

ރައީސް އޮފީހުން ހާމަކޮށްފައިވާ މައުލޫމާތުން އެނގޭ ގޮތުގައި މީޑިއާ ޓީމުގައި ހިމެނޭ 35 ފަރާތަށް ދައުލަތުގެ ބަޖެޓުން މަހަކު 913،222ރ. ހަރަދުކުރެ އެވެ. އެއީ އަހަރަކަށް 11 މިލިއަން ރުފިޔާ އެވެ. ރައީސް މުއިއްޒުގެ ފަސް އަހަރުގެ ވެރިކަމުގައި އެމަނިކުފާނުގެ މީޑިއާ ޓީމަށް 55 މިލިއަން ދައުލަތުން ހަރަދުކުރާނެ އެވެ.

މީގެ ތެރެއިން އެންމެ މަދުން މުސާރައާއި އިނާޔަތްތައް ލިބޭ ފަރާތަށް ވެސް 15،000ރ. ލިބެ އެވެ. މި ޓީމުގެ އެވްރެޖް މުސާރައަކީ 26،000ރ. އެވެ.

ރައީސް އޮފީހުގައި މިވަގުތު 349 މުވައްޒަފުން އެބަތިއްބެވެ. އެހެންކަމުން ރައީސް އޮފީހުގެ ޖުމްލަ މުވައްޒަފުންގެ 10 އިންސައްތަ އަކީ އެ އޮފީހުގެ މީޑިއާ ޓީމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox