ޑިސްކައުންޓު ދޭނެ ކަމަށް ބުނި ކަރަންޓު ބިލު ބޮޑުވުމުން އާންމުން ރަތަށް!

ސްޓެލްކޯގެ އެމްޑީ ފަހުމީ: ކަަރަންޓު ބިލު ބޮޑުތައް ބޮޑުވެގެން ގިނަ ބަޔަކު އަންނަނީ ސްޓެލްކޯއަށް ފާޑުކިޔަމުން -- ފޮޓޯ: އަދަދު

ސްޓެލްކޯގެ އެމްޑީ ފަހުމީ: ކަަރަންޓު ބިލު ބޮޑުތައް ބޮޑުވެގެން ގިނަ ބަޔަކު އަންނަނީ ސްޓެލްކޯއަށް ފާޑުކިޔަމުން -- ފޮޓޯ: އަދަދު

ރޯދަމަހު ސްޓެލްކޯއިން ޑިސްކައުންޓު ދޭނެ ކަމަށް ބުނި ކަރަންޓު ބިލު މާ ބޮޑުވުމުން ރައްޔިތުންގެ ފާޑުކިޔުންތައް ސަރުކާރަށް އަމާޒުވެއްޖެ އެވެ.

ސްޓެލްކޯ އިން ބުނީ ރޯދަމަހުގެ ބިލުތަކުގައި ޑިސްކައުންޓު ހިމެނީ މިދިޔަ އަހަރުގެ އެންމެ ހޫނު ކަމަށް ރެކޯޑު ކުރެވުނު ތިން މަސް ކަމަށްވާ ފެބްރުއަރީ، މާޗު އަދި އެޕްރިލް އުނިކުރުމަށްފަހު ބާކީ ނުވަ މަސް ދުވަހުގެ އެވަރެޖެއް ހަދައި އެ އެވްރެޖަށް ވުރެ ބޮޑު ނުވާނެހެން ކަމަށެވެ.

ނަމަވެސް ބައެއް އާންމުން ސޯޝަލް މީޑިއާގައި ހިއްސާކޮށްފައިވާ ބިލުތަކުން އެނގޭ ގޮތުގައި ޑިސްކައުންޓު ދިނުމަށްފަހު ސްޓެލްކޯއިން ހަދާފައިވާ ބިލުތައް އާންމު މަސްތަކަށް ވުރެ ބޮޑެވެ. އެގޮތުން ބައެއް ބިލުތަކުން އެނގޭ ގޮތުގައި ޑިސްކައުންޓާ އެކު އެހެން މަސްތަކަށް ވުރެ ދެގުނަ ވެސް ބޮޑުވެފައި އެބަހުއްޓެވެ.

ބައެއް އާންމުން ބުނި ގޮތުގައި މިދިޔަ ރޯދަ މަހަށް ނުވަންނަ ދުވަސްތަކާ އެކު ރީޑިން ނަގާފައި ފޮނުވި ބިލާއި ރޯދަ މަހަށް ވަކިން ފޮނުވި ބިލު އެއްކޮށްލުމުން ވެސް އެހެން މަސްތަކަށް ވުރެ ބޮޑުކަން ފާހަގަކުރެވިފައިވާ ކަމަށެވެ.

ބައެއް މީހުންގެ ކަންބޮޑުވުން ހުރީ މިދިޔަ މަހު ގޭގައި ގިނަ ދުވަހު ނޫޅުނު ނަމަވެސް، ކަރަންޓު ބިލަށް ބަދަލެއް އައިސްފައިވާކަން ފާހަގަ ނުކުރެވޭ ކަމަށާއި ގެއިން ކަރަންޓު ބޭނުން ނުކުރުމުން ވެސް ބިލު ބޮޑުވާން ޖެހޭ ސަބަބެއް ނުވިސްނޭ ކަމަށެވެ.

ސްޓެލްކޯއިން އެވްރެޖް ބިލެއް ހެދި ނަމަވެސް އެ މަހުގެ އެކްޗުއަލް ރީޑިންގް ބިލްގައި ހިމެނިފައިވާއިރު، ނުވަ މަހުގެ ބިލް ހިސްޓްރީ ނެތްތަންތަނަށް އެންމެ މަދުވެގެންވެސް 10 ޕަސަންޓުގެ ޑިސްކައުންޓެއް ދީފައިވާނެ ކަމަށް އެ ކުންފުނިން ބުންޏެވެ.

ރޯދަ މަހު ކަރަންޓު ބޭނުންކުރާ މިންވަރު މާލެ އާއި ހުޅުމާލޭގައި ޕީކް ގަޑިތަކުގައި 104 މެގަވޮޓްއަށް އަރައިގެން ދިޔުމާ ގުޅިގެން ކަރަންޓު އިގްތިސޯދު ކުރުމަށް ސްޓެލްކޯއިން އެދުނެވެ. އަދި އެވްރެޖުކޮށް 100 މެގަވޮޓަށްވުރެ މަތިން ރޯދަ މަހު ކަރަންޓު ބޭނުންކުރިކަން އެ ކުންފުނިން ފާހަގަކުރި އެވެ.

މިދިޔަ ރޯދަ މަހު ވެސް ސަރުކާރުން ކަރަންޓު ބިލުން ޑިސްކައުންޓު ދީފައިވެ އެވެ. ނަމަވެސް މުޅި ރޯދަ މަހަށް ޑިސްކައުންޓު ދެވިފައި ނުވާތީ މިދިޔަ އަހަރު ދެ ފަހަރެއްގެ މަތިން ޑިސްކައުންޓު ދީފައިވެ އެވެ. އެފަހަރު ބިލުތަކުން ޑިސްކައުންޓު ދެވަނަ ފަހަރަށް ދޭން ނިންމީ ބިލު ބޮޑުވެގެން އާންމުންގެ ފާޑުކިޔުން ސަރުކާރަށް ވަރަށް ބޮޑަށް އަމާޒުވުމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox