ސުޕްރީމް ކޯޓަށް ބަންޑާރަ ނައިބު ޖަވާބުދާރީއެއް ނުވޭ، ފަހުވަގުތު އެދުނީ މުއްދަތު އިތުރުކޮށްދޭން

ދައުލަތުގެ ބަންޑާރަ ނައިބު، އަހުމަދު އުޝާމް: ސުޕްރީމް ކޯޓަށް ޖަވާބުދާރީވާން ދިން 10 ދުވަހުގެ މުއްދަތު އިއްޔެ ހަމަވަވިއިރު، ދައުލަތުގެ ފަރާތުން ޖަވާބުދާރީއެއް ނުވޭ -- ފޮޓޯ: އޭޖީ އޮފީސް

ދައުލަތުގެ ބަންޑާރަ ނައިބު، އަހުމަދު އުޝާމް: ސުޕްރީމް ކޯޓަށް ޖަވާބުދާރީވާން ދިން 10 ދުވަހުގެ މުއްދަތު އިއްޔެ ހަމަވަވިއިރު، ދައުލަތުގެ ފަރާތުން ޖަވާބުދާރީއެއް ނުވޭ -- ފޮޓޯ: އޭޖީ އޮފީސް

ރައްޔިތުންގެ މަޖިލިސް މެންބަރުންގެ ގޮނޑި ގެއްލުވައިލުމުގެ ބާރު ސީޔާސީ ޕާޓީތަކަށް ލިބޭ ގޮތަށް ގާނޫނުއަސާސީ ބަދަލުކުރި މައްސަލައިގައި ޖަވާބުދާރީވާން ދައުލަތަށް ސުޕްރީމް ކޯޓުން ދިން 10 ދުވަހުގެ މުއްދަތު އިއްޔެ ހަވަމަވާން ކުޑަތަންވެފައި އޮއްވައި ދައުލަތުގެ ބަންޑާރަނައިބުގެ އޮފީހުން އެދުނީ ޖަވާބުދާރީވުމުގެ މުއްދަތު އިތުރު ކޮށްދޭންކަން އެނގިއްޖެ އެވެ.

އަދަދު ނޫހަށް އެނގިފައިވާ ގޮތުގައި އެ މައްސަލައިގައި ޖަވާބުދާރީވުމަށް ސުޕްރީމް ކޯޓުން ދިން މުއްދަތު އިތުރު ކޮށްދޭން ބަންޑާރަނައިބުގެ އޮފީހުން އެދުނީ އިއްޔެ އެވެ.

މާނަ ކުރުމުގެ ހަމަތައް ބަޔާން ކުރުމުގެ ގާނޫނުގެ 35 ވަނަ މާއްދާގައި ބަޔާންކުރާ ގޮތުން، އިއްޔެގެ މެންދުރުފަހު 1:00 އަކީ ދައުލަތަށް ޖަވާބުދާރީވާން ސުޕްރީމް ކޯޓުން ދިން މުއްދަތު ހަމަވާ ސުންގަޑި އެވެ.

އެ މާއްދާގައި ބަޔާން ކޮށްފައި އޮންނަނީ ވަގުތު ނުވަތަ މުއްދަތު ވަކި ގާނޫނެއްގެ ބޭނުމަށްޓަކައި ބަލަން ޖެހިއްޖެ ހިނދެއްގައި އެ ގާނޫނުގައި އެހެން ގޮތަކަށް ކަނޑައަޅާފައި ނުވާނަމަ، ދެ ކަމެއްގެ ދޭތެރޭގައި ހިނގާ މުއްދަތަށް އިޝާރާތް ކޮށްފައިވާނަމަ، އެ މުއްދަތު ގުނަންވާނީ އެ ދެ ކަމެއް ހިނގާ ދެ ދުވަސް ނުހިމަނާ ކަމަށެވެ.

ގާނޫނުއަސާސީ ބަދަލުކުރި މައްސަލައިގައި 10 ދުވަސްތެރޭގައި ޖަވާބުދާރީވުމަށް ސުޕްރީމް ކޯޓުން ދައުލަތަށް އަމުރުކުރީ ފެބްރުއަރީ 18، ގަ އެވެ. އެހެންކަމުން 18 ވަނަ ދުވަހަކީ ޖަވާބުދާރީވުމަށް 10 ދުވަސް ދައުލަތަށް ދިނުމަށް ސުޕްރީމް ކޯޓުން އަމުރުކުރި ދުވަސް ކަމަށް ވާތީ އެ ދުވަސް އުނި ކުރުމަށްފަހު ޖެހިގެން އައި ފެބްރުއަރީ 19، އިން ފެށިގެން ރަސްމީ ދުވަސްތައް ގުނާއިރު ދިހަ ދުވަސް ވާ ދުވަހަކީ މިދިޔަ ބުދަ ދުވަހެވެ.

ނަމަވެސް މާނަ ކުރުމުގެ ހަމަތައް ބަޔާން ކުރުމުގެ ގާނޫނުގައި ބަޔާން ކޮށްފައިވާ ހަމައިގެ މަތިން، މުއްދަތު ހަމަވާ ތާރީހު ނުގުނާނަމަ، 10 ދުވަސް ހަމަވާ ތާރީހަކީ އިއްޔެ، މާޗު 6، 2025 އެވެ.

މާނަ ކުރުމުގެ ހަމަތައް ބަޔާން ކުރުމުގެ ގާނޫނުގެ ރ. ގައި ބަޔާން ކޮށްފައިވާ ގޮތުން ވަކި ކަމެއް ރާއްޖޭގައި ކުރަންޖެހޭ ކަމަށް ބުނެފައިވާ ނަމަ އެ ވަގުތު ބަލާނީ ދިވެހިރާއްޖޭގެ ރަސްމީ ގަޑީގެ ވަގުތުގެ ގޮތުގައި ކަމަށެވެ. އެހެންކަމުން ސުޕްރީމް ކޯޓަށް ޖަވާބުދާރީވުމުގެ ސުންގަޑި އަކީ އިއްޔެގެ މެންދުރުފަހު 1:00 އެވެ.

ގާނޫނުއަސާސީ ބަދަލުކުރި މައްސަލައިގައި ޖަވާބުދާރީވާން ސުޕްރީމް ކޯޓުން ދިން މުއްދަތުގައި ދައުލަތުން ޖަވާބު ހުށަހަޅާފައި ނުވާ ކަމަށާއި އެގޮތަށް ކަން ކުރުމަކީ ކޯޓުގެ ހުރުމަތް ކެނޑުން ކަމަށް ބަލައި ބަންޑާރަ ނައިބަށް ފިޔަވަޅު އަޅައި ދިނުމަށް އެދި ކެންދޫ ދާއިރާގެ ކުރީގެ މެންބަރު، އަލީ ހުސެއިން އިއްޔެ ވަނީ ސުޕްރީމް ކޯޓަށް ސިޓީއެއް ވެސް ފޮނުއްވައިފަ އެވެ.

އެ ސިޓީގައި ބުނެފައި ވަނީ ގާނޫނުއަސާސީއަށް ބަދަލު ގެނައި މައްސަލަ ސުޕްރީމް ކޯޓުގައި ކުރިއަށް ގެންދެވޭނެ ކަމަށް ނިންމައި، އެ މައްސަލައިގައި ޖަވާބުދާރީ ވުމަށް މިދިޔަ ފެބްރުއަރީ 18، ގައި ދައުލަތަށް 10 ދުވަހުގެ މުއްދަތެއް ދިން ކަމަށާއި އެ މުއްދަތު ހަމަވިއިރު ވެސް ދައުލަތުން ޖަވާބު ހުށަނާޅާ ކަމަށެވެ.

ނަމަވެސް އަލީ ހުސެއިންއަށް ރައްދު ދެއްވައި އެކްސްގައި އުޝާމް ކުރެއްވި ޕޯސްޓެއްގައި ވިދާޅުވީ ޖަވާބުދާރީ ވާން ސުޕްރީމް ކޯޓުން ދިނީ ރަސްމީ 10 ދުވަހުގެ މުއްދަތެއް ކަމަށާއި އެ މުއްދަތުގެ ތެރޭގައި އޭޖީ އޮފީހުން ކުރަންޖެހޭ ކަންކަން ވާނީ ކޮށްފައި ކަމަށެވެ.

އެއީ ކޮން ކަމެއްތޯ ކަށަވަރު ކުރުމަށް އަދަދު ނޫހުން ގުޅުމުން އުޝާމް ވިދާޅުވީ ސުޕްރީމް ކޯޓުން ޖަވާބުދާރީ ވާން ދިން މުއްދަތުގައި ހުށަހެޅަންޖެހޭ އެެއްޗެހި ކޯޓަށް ހުށަހަޅާފައިވާނެ ކަމަށެވެ. ނަމަވެސް ތަފުސީލެއް ނުދެއްވި އެވެ.

"އަޅުގަނޑުމެން އެ މުއްދަތަށް ހުށަހަޅަންޖެހޭ އެއްޗެހި ހުށަހަޅާފައި ވާނީ،" އުޝާމް ވިދާޅުވި އެވެ.

އުޝާމްގެ އެ ރައްދާ ގުޅިގެން، ގިނަ ބަޔަކަށް ގަބޫލު ކުރެވުނީ ދައުލަތުން އޮތީ މުއްދަތު ހަމަވުމުގެ ކުރިން ޖަވާބު ހުށަހަޅާފައި ކަމަށެވެ.

ގާނޫނުއަސާސީ ބަދަލުކުރި ކުރުން ގާނޫނުއަސާސީއާ ހިލާފު ކަމަށް ބުނެ އަލީ ހުސެއިން ސުޕްރީމް ކޯޓަށް ހުށަހެޅި މައްސަލައިގައި ބުނެފައި ވަނީ ގާނޫނުއަސާސީގެ 73 ވަނަ މާއްދާއަށް ގެނައި ބަދަލު، ގާނޫނުއަސާސީގެ ހަތަރު ވަނަ މާއްދާގެ ދަށުން ދިވެހި ދައުލަތުގެ އެންމެހައި ބާރުތައް ދިވެހިރައްޔިތުންގެ ކިބައިގައި ދެމި އޮތުމުގެ އަސާސާއި، ގާނޫނުއަސާސީއާ އެއްގޮތްވާ ގޮތުގެ މަތީން ދިވެހި ދައުލަތުގެއެންމެހައި ބާރުތައް ހިންގަންވާނޭ ކަމަށް ގާނޫނުއަސާސީގެ އަށް ވަނަ މާއްދާގައި އޮންނަ އަސާސާ ހިލާފު ކަމަށެވެ.

ގާނޫނު ހެދުމުގެ އެންމެހައި ބާރެއް ލިބިގެންވާ ވަކި މިނިވަން ބާރެއްގެ ގޮތުގައި ރައްޔިތުންގެ މަޖިލިސް ދެމި އޮތުމަށް ގާނޫނުއަސާސީގެ ފަސް ވަނަ މާއްދާއިން ކަނޑައަޅާފައި އޮތް ދުސްތޫރީ ހަމައާ ވެސް އެ އިސްލާހު ހިލާފު ކަމަށް އަލީ ހުސެއިން ހުށަހެޅި މައްސަލައިގައި ބުނެފައިވެ އެވެ.

އޭގެއިތުރުން އެ މައްސަލައިގައި ވަނީ ގާނޫނުއަސާސީއަށް ގެނައި އިސްލާހު ގާނޫނުއަސާސީގެ 26 ވަނަ މާއްދާ އާއި ގާނޫނުއަސާސީގެ 75 ވަނަ މާއްދާ އާއި، 90 ވަނަ މާއްދާއާ ވެސް ފުށުއަރާ ކަމަށާއި އެ އިސްލާހުގެ ސަބަބުން ތިން ބާރު ވަކިވެފައިވާ ރިޔާސީ ނިޒާމު ގަޑުބަޑުވެގެންދާނެ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox