ރައީސްގެ ވިސްނުން ހުރީ 2008 ގެ ކުރިން އޮތް ހާލަތަށް ރާއްޖެ ވައްޓައިލަން: ހަސަން ލަތީފް

އެމްޑީޕީ ހަރުގޭގައި ރޭ ބޭއްވި ޖަލްސާގައި ހަސަން ލަތީފް ވާހަކަދައްކަވަނީ -- ފޮޓޯ: އެމްޑީޕީ

އެމްޑީޕީ ހަރުގޭގައި ރޭ ބޭއްވި ޖަލްސާގައި ހަސަން ލަތީފް ވާހަކަދައްކަވަނީ -- ފޮޓޯ: އެމްޑީޕީ

ރައީސްގެ މައިގަނޑު ވިސްނުން ހުރީ 2008 ވަނަ އަހަރުގެ ކުރިން ރާއްޖެ އޮތް ހާލަތަށް އަލުން އަނބުރާ ރުޖޫއަކޮށް، ދައުލަތުގެ ހުރިހާ ބާރުތަކެއް އެމަނިކުފާނުގެ މުށުތެރެއަށް ލުމަށް ކަމަށް އެމްޑީޕީގެ ކުރީގެ ޗެއާޕާސަން، ހަސަން ލަތީފް ވިދާޅުވެއްޖެ އެވެ.

ބުރާސްފަތި ދުވަހުގެރޭ އެމްޑީޕީ ހަރުގޭގައި އޮތް ޖަލްސާގައި ވާހަކަދައްކަވަމުން ހަސަން ވިދާޅުވީ ރައީސް މަސައްކަތް ކުރައްވަނީ ރައްޔިތުންނަށް ވެވަޑައިގެންނެވި ވައުދުތައް އެއް ފަރާތުގައި ބެހެއްޓުމަށްފަހު އެމަނިކުފާނަށް ފެނިވަޑައިގެންނެވި ގޮތަކަށް ކަމަށެވެ.

"2008 ވަނަ އަހަރުގެ ކުރީގައި މި ރާއްޖެ އޮތް ގޮތަށް އަނެއްކާ ވެސް އަނބުރާލަން މަސައްކަތް ކުރަމުން ދަނީ، އޭގެ މާނައަކީ ރައްޔިތުންގެ މަޖިލީހުގެ ފުލް ކޮންޓްރޯލް ރައީސް މުއިއްޒު ނަންގަވަނީ، ހަމަ އެއާއެކީ މިނިވަން މުއައްސަސާތައް ރައީސް މުއިއްޒުގެ މުށުތެރެއަށް ލައްވައި، ފަނޑިޔާރުންނާއި ކޯޓުތަކަކީ ހަމަ ސީދާ ރައީސުލްޖުމްހޫރިއްޔާ އެންގެވީމާ އެ އެންގެވި ގޮތަކަށް ޝަރީއަތްކޮށް ހުކުމް ކުރަން ހުރި ތަންތަން ކަމަށް ބަދަލުކޮށް، ތިޔަ ބޭފުޅުންގެ ހަޒާނާ، ރައްޔިތުންގެ ހަޒާނާ ރައީސް މުއިއްޒުގެ ފައިކޭޓަށް ޖެހުން،" ހަސަން ލަތީފް ވިދާޅުވި އެވެ.

ނަމަވެސް އެކަން އެގޮތަށް ކުރުމުގެ ފުރުސަތު އެމްޑީޕީން ނުދޭނެ ކަމަށާއި ކަސްދޮޅު އަޅުވާފައި ތިބި މަޖިލިސް މެންބަރުން ވެސް އެމްޑީޕީން މިނިވަން ކޮށްދޭނެ ކަމަށް ހަސަން ވިދާޅުވި އެވެ.

"އަޅުގަނޑުމެންނަށް ކުރަން ޖެހިފައި މިއޮތް މަސައްކަތަކީ އަޅުގަނޑު ހިތުން ވަރަށް ފަރިތަ މަސައްކަތެއް، އެމްޑީޕީއަށް ވަރަށް ފަރިތަ މަސައްކަތެއް، އެއީ ނުލަފާ ސަރުކާރެއް ސައިޒްކުރުމާ އެކީގައި އަނބުރާ ވެރިކަމަށް އައުމުގެ މަސައްކަތް، އެހެންނަމަވެސް އެއީ އަޅުގަނޑުމެން ކޮންމެ ދުވަހަކުމެ ކުރާ މަސައްކަތަކުން ހާސިލުވާ އިރުން ވާ ކަމެއް،" ހަސަން ވިދާޅުވި އެވެ.

ސަރުކާރެއް ވެރިކަަމަށް އަންނަނީ ރައްޔިތުންނަށް ކަންތައްތަކެއް ކޮށްދޭން ކަމަށާއި ވެރިކަމަށް ބަޔަކު ގެނައުމަށް ރައްޔިތުން ވޯޓު ދެނީ ވެސް އެ ބަޔަކު ކެމްޕޭނު ކުރާ މެނިފެސްޓޯއަކަށް ބެލުމަށްފަހު ކަމަށް ހަސަން ވިދާޅުވި އެވެ.

ސަރުކާރަކުން ރައްޔިތުންނަށް ކޮށްދޭނެ ކަންކަން ހަގީގަތަކަށް ހަދައި ދިނުމަށްޓަކައި ރައްޔިތުންގެ މަޖިލީހުން ކޮންމެ އަހަރަކު ވެސް ބަޖެޓެއް ފާސް ކޮށްދޭކަން ފާހަގަ ކުރައްވައި ހަސަން ވިދާޅުވީ އެ ބަޖެޓުން ހަރަދު ކުރާ ގޮތުގެ ތަފުސީލު ވެސް ރައްޔިތުންނަށް އެނގެން ޖެހޭ ކަމަށެވެ.

ނަމަވެސް މިދިޔަ އަހަރަށް މަޖިލީހުން ފާސްކުރި 55 ބިލިއަން ރުފިޔާއަށް ވީގޮތް ސަރުކާރަށް ބުނެ ނުދެވުނު ތަނުގައި ސަރުކާރުގައި ތިބި ސިޔާސީ މުވައްޒަފުންގެ އަދަދު ވެސް ބޮޑު ސިއްރަކަށް ހައްދަވައިގެން ރައީސް އުޅުއްވާ ކަމަށް ހަސަން ވިދާޅުވި އެވެ. އަދި އެފަދަ މައުލޫމާތުތައް ރައްޔިތުންނަށް ސިއްރު ކުރުމަކީ ސަރުކާރާ ރައްޔިތުންނާ ދެމެދު އޮންނަ ގުޅުން ކެނޑިގެން ދިޔުން ކަމަށް އޭނާ ވިދާޅުވި އެވެ.

"ސަރުކާރަކާ ރައްޔިތުންނާ އޮތް ގުޅުން ނެތުނީމާ އެ ސަރުކާރު އޮތުމުގެ ބޭނުމެއް ނެތް، އޮންނާކަށް ނުޖެހޭ،" ހަސަން ވިދާޅުވި އެވެ.

އޭނާ ވިދާޅުވީ ސުޕްރީމް ކޯޓަށް މިހާރު ހުށަހަޅާފައި އޮތް މައްސަލަ ސަރުކާރާ ދެކޮޅަށް ނިމޭނެ ކަމުގެ އުއްމީދު ބޮޑު ކަމަށާއި މި ސަރުކާރު ހަމަ މަގަށް އެޅުވުމުގެ މަަސައްކަތުގައި އެމްޑީޕީ ސާބިތުވެ އޮންނާނެ ކަމަށެވެ.

"އަޅުގަނޑަށް އަނެއްކާ ވެސް އޮތް އުއްމީދަކީ އެކަހަލަ ވެރިއަކަށް އެކަލަ ރައީސްއަކަށް ފުރުސަތު ދޭނެ ޖާގަ ދޭނެ ޕާޓީއެއް ނޫން، އަޅުގަނޑުމެންނެއް މަޑުން ތިބެގެނެއް ނުވާނެ، މި ދެންނެވި ހުރިހާ ކަމެއް އެ ދަނީ ރޭވުންތެރިކަމާއެކީ ކުރަމުން،" ހަސަން ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox