ރާއްޖެ އާއި ޖަޕާނުން ފަސްވަނަ ޕޮލިސީ ޑައިލޮގު ކުރިއަށް ގެންގޮސްފި

ރާއްޖެ-ޖަޕާނު ޕޮލިސީ ޑައިލޮގުގެ ތެރެއިން --- ފޮޓޯ: ފޮރިން މިނިސްޓްރީ

ރާއްޖެ-ޖަޕާނު ޕޮލިސީ ޑައިލޮގުގެ ތެރެއިން --- ފޮޓޯ: ފޮރިން މިނިސްޓްރީ

ދިވެހި ސަރުކާރާއި ޖަޕާނުގެ ސަރުކާރާ ދެމެދު ފަސް ވަނަ ފަހަރަށް ޕޮލިސީ ޑައިލޮގެއް ބާއްވައިފި އެވެ.

މާލޭގައި ހުންނަ ފޮރިން މިނިސްޓްރީގެ އިމާރާތުގައި ކުރިއަށްދިޔަ މި ޕޮލިސީ ޑައިލޮގު ނިންމާލީ މިއަދު އެވެ.

މިކަމާ ގުޅިގެން ފޮރިން މިނިސްޓްރީން ނެރުނު ބަޔާނެއްގައި ބުނީ މި މަޝްވަރާތަކުގައި މީގެ ކުރިން ބޭއްވުނު މިފަދަ ހަތަރު ބައްދަލުވުމުގައި ބަދަލުކުރެވިފައިވާ ހިޔާލުތަކަށް އަލިއަޅުވާލާ، ދެ ގައުމުގެ ވަފުދުންވެސް އެކުގައި މަސައްކަތް ކުރުމަށް އައު ހިޔާލުތަކެއް ހުށަހެޅި ކަމަށެވެ.

މަޝްވަރާތަކުގައި ބައިވެރިވި ދިވެހި ވަފުދު ލީޑުކުރެއްވީ ފޮރިން ސެކްރެޓަރީ ފާތިމަތު އިނާޔާ އެވެ. ޖަޕާނު ސަރުކާރުގެ ވަފުދު ލީޑުކުރެއްވީ ޖަޕާނު ސަރުކާރުގެ ސައުތު އީސްޓް އަދި ސައުތު ވެސްޓު އޭޝިއަން ޑިޕާޓްމަންޓުގެ ޑިރެކްޓާ ޖެނެރަލް މިޔަމޮޓޯ ޝިންހޯ އެވެ.

ފޮރިން މިނިސްޓްރީން ބުނީ، މި މަޝްވަރާތަކުގައި މައިގަނޑު ގޮތެއްގައި އަލިއަޅުވާލި ދާއިރާތަކުގެ ތެރޭގައި ވިޔަފާރިއާއި އިގުތިސޯދު ގެ އިތުރުން ތަރައްގީއާއި ސަގާފީ ގޮތުން ރާއްޖެއާއި ޖަޕާނުން ބާއްވާ ގާތް ގުޅުން ހިމެނެ އެވެ.

"މިހާރު ގާއިމުވެފައިވާ އިގުތިސޯދީ ގުޅުންތައް ބަދަހިކޮށް، ވިޔަފާރީގެ އާ ދާއިރާތަކުން ގުޅުން ގާއިމުކުރުމަށް ދެ ގައުމުން ވަނީ އެއްބަސްވެފަ،" ފޮރިން މިނިސްޓްރީގެ ބަޔާނުގައި ބުނެފައިވެ އެވެ.

އަދި، ޖަޕާނަކީ އަބަދުވެސް ރާއްޖޭގެ ތަރައްގީއަށް އެހީތެރިވެދޭ ގައުމެއްކަން ފޮރިން މިނިސްޓްރީގެ މިއަދުގެ ބަޔާނުގައިވެސް ފާހަގަކޮށްފައިވެ އެވެ.

މީގެއިތުރުން، މި ބައްދަލުވުމުގައި އިންޑިއާ ކަނޑުގެ ސުލްހައަށް ދެ ގައުމުން ގުޅިގެން ކުރެވޭނެ މަސައްކަތްތަކަށާއި މޫސުމީ ވިލުންތެރިކަމުގައި އެހީވުމަށް މަޝްވަރާކޮށް ހިޔާލު ބަދަލުކުރި ކަމަށްވެސް ފޮރިން މިނިސްޓްރީން ބުނެފައިވެ އެވެ،

"މޫސުމީ ބަދަލުތަކާއި ފަލަސްތީނުގެ ހާލަތާ ގުޅޭގޮތުން ބައިނަލްއަގުވާމީ ފެންވަރުގައި ގުޅިގެން މަސައްކަތް ކުރުމަށްވެސް މިއަދުގެ މަޝްވަރާގައި ވަނީ ވާހަކަދެކެވި ހިޔާލު ބަދަލުކުރެވިފަ،" ފޮރިން މިނިސްޓްރީން އިތުރަށް ބުނެފައިވެ އެވެ.

ދެ ގައުމުން ދެން ޕޮލިސީ ޑައިލޮގެއް ބާއްވާނެ ތާރީހެއް ފޮރިން މިނިސްޓްރީން ބުނެފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox