ރައީސް މުއިއްޒު އަބުރުގެ ވާހަކަ ދެއްކެވީ ދިވެހިންގެ އަބުރަށް ކޮޅުފައިން އަރައި ހުންނަވައި: ޝިފާޒް

މުހައްމަދު ޝިފާޒް: ރައީސް މުއިއްޒު އަބުރުގެ ވާހަކަ ދެއްކެވީ ދިވެހިންގެ އަބުރަށް ކޮޅުފައިން އަރައި ހުންނަވާ ކަމަށް ވިދާޅުވި -- ފޮޓޯ: އަދަދު ފައިލް

މުހައްމަދު ޝިފާޒް: ރައީސް މުއިއްޒު އަބުރުގެ ވާހަކަ ދެއްކެވީ ދިވެހިންގެ އަބުރަށް ކޮޅުފައިން އަރައި ހުންނަވާ ކަމަށް ވިދާޅުވި -- ފޮޓޯ: އަދަދު ފައިލް

ރައީސް ޑރ. މުހައްމަދު މުއިއްޒު އަބުރުގެ ވާހަކަ ދެއްކެވީ ދިވެހިންގެ އަބުރަށް ކޮޅުފައިން އަރައި ހުންނަވައި ކަމަށް ބާރަށު ދާއިރާގެ ކުރީގެ މެންބަރު މުހައްމަދު ޝިފާޒް ވިދާޅުވެއްޖެ އެވެ.

"އަދަދު" ނޫހުގެ "އެއްޗެއް ކަޅެއް" ޕްރޮގްރާމުގައި އިދިކޮޅު މައި ޕާޓީ، މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ނައިބު ރައީސްކަން ވެސް ކުރެއްވި ޝިފާޒް ވިދާޅުވީ އެންމެ ބޮޑަށް އިންސާނެއްގެ އަބުރާއި ކާރާމާތަށް އަރައި ހުންނެވި ބޭފުޅަކީ ރައީސް މުއިއްޒު ކަމަށެވެ.

"ރައީސުލްޖުމްހޫރިއްޔާއަށް ނޭގޭތޯ ހަތަރު ލައްކަ މީހުންގެ އަބުރަށް އަރައިގެން ހުންނަވައިގެން އެ ވާހަކަ ވިދާޅުވެނީ ކަމެއް. މުޅި ޖުމްލަ ދިވެހި އާބާދީގެ އަބުރާއި ކަރާމާތާއި އިއްޒަތާއި ޝަރަފަށް ކޮޅުފައިން އަރައިގެން ހުންނަވައިގެން އެ ވިދާޅުވަނީ ކޮންމެ މީހެއްގެ ވެސް އަބުރެއް އޮންނާނެއޭ. އެންމެ ބޮޑު އަބުރުގެ އިންސާނެއްގެ ކަރާމާތަށް އަރައިގެން ހުންނެވި ބޭފުޅަކީ މިއަދު ރައީސުލްޖުމްހޫރިއްޔާ،" އޭނާ ވިދާޅުވި އެވެ.

Advertisement

އިންސާނެއްގެ އަބުރާއި ކަރާމާތް އެންމެ ބޮޑަށް ގުޅިފައި އޮންނަނީ އަމިއްލަ ނަފްސަށް އޮންނަ މިނިވަންކަމުގެ މައްޗަށްކަން ފާހަގަކުރައްވައި ޝިފާޒް ވިދާޅުވީ އެންމެ ބޮޑު ކަރާމާތަކީ މީހަކަށް ނުދަރާ ހުރެވޭތޯ ބެލުން ކަމަށެވެ.

އެކަމަކު އޭނާ ވިދާޅުވީ ރާއްޖޭގެ ރައްޔިތުން ހަރަދުކުރާ ކޮންމެ 100ރ. އަކުން 30ރ. ސަރުކާރަށް ދިނީ އެ ރައްޔިތުންގެ ކަންކަން ބަލަހައްޓަން ކަމަށާއި ނަމަވެސް އެ ފައިސާ އަމިއްލަ ޖީބަށް މަހާލައި ފައިސާއަށް ވީގޮތް ވެސް ބުނެ ނުދީ އަބުރުގެ ވާހަކަ ދެއްކުމުން ހައިރާންވާ ކަމަށެވެ.

"އަހަރުމެންގެ ދަރިންނަށް ކިޔަވައިދޭނެ ގޮތެއް ހަދައިދޭށޭ. ފްލެޓްގަނޑެއް ދޭށޭ. އަރައި ފޭބޭނެ ގޮތެއް ހަދައި ދޭށޭ. ބަނދަރެއް ދޭށޭ. ފެންވެރޭނެ ގޮތަށް ފެން ހޮޅިއެއް ލައިދޭށޭ. މިކަންކަން ކުރަން ލާރިދިނީމަ އެ ލާރި އަމިއްލަ ޖީބަށް މަހާލާފައި، އެ ލާރިއަށް ވީ ގޮތް ނުބުނެދީ އެހެން މީހުންގެ ވެސް އަބުރާއި ކަރާމާތް އޮންނާނެއޭ އެގޮތަށް ވިދާޅުވީމަ ހަމަ ވަރަށް ހައިރާންވޭ،" އޭނާ ވިދާޅުވި އެވެ.

އޭގެއިތުރުން ޝިފާޒް ވިދާޅުވީ ރައީސް މުއިއްޒު ސަރުކާރު އަތުރާފައި ވަނީ އެންމެ މޮޅަށް ވައްކަން ކުރަން އެނގެނީ ކޮން ބައެއްތޯ ބަލައިގެން ކަމަށާއި ސަރުކާރުގެ ވެރިން ކުރައްވާ ހުރިހާ ކަމެއް އެމަނިކުފާނަށް އެނގިވަޑައިގަންނަވާ ކަމަށެވެ.

ހއ. ދިއްދޫ ރައްޔިތުންނާ ބައްދަލުކުރައްވައި މިދިޔަ އަންގާރަ ދުވަހު ރައީސް މުއިއްޒު ވިދާޅުވަނީ ސަރުކާރަށާއި އެ މަނިކުފާނަށް ރައްދުކޮށް ކޮންމެ އެއްޗެއް ކިޔަސް އެއީ މައްސަލައެއް ނޫން ކަމަަވެށެ. އެއަށް ފަހު ޖެހިގެން ވިދާޅުވީ "ކޮންމެ މީހެއްގެ ވެސް އަބުރެއް އޮތްކަން ގަބޫލުކުރަން ޖެހޭނެ" ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox