ގޯލްޑަން ފުޓްސަލް ޗެލެންޖް 2025ގެ އައްޑޫ ސިޓީގެ ފައިނަލުގައި، ޕެނަލްޓީ ޖަހައިގެން 7-6 އިން އެންމެ ފަހުގެ ޗެމްޕިއަން، ހިތަދޫ ބަލިކޮށް ފޭދޫން ޗެމްޕިއަންކަން ހޯދައިފި އެވެ.
ޖެހިޖެހިގެން ދެ ވަނަ އަހަރު އައްޑޫގެ ޗެމްޕިއަންކަން ކަނޑައަޅަން ޖެހުނީ ޕެނަލްޓީ ޖަހައިގެންނެވެ.
މިދިޔަ އަހަރުގެ ފައިނަލުގައި، ހިތަދޫ އާއި ފޭދޫ ކުޅުނު މެޗު ފުރިހަމަ ވަގުތު ހަމަވިއިރު، އޮތީ 3-3 އިން އެއްވަރުވެފަ އެވެ. ޕެނަލްޓީ ޖަހައިގެން، ހިތަދޫ މޮޅުވީ، 7-6 އިންނެވެ. މި ފަހަރުގެ ފައިނަލުގައި، ފުރިހަމަ ވަގުތު ހަމަވިއިރު، ހިތަދޫ އާއި ފޭދޫ އޮތީ 2-2 އިން އެއްވަރުވެފަ އެވެ. ޕެނަލްޓީގައި، ފޭދޫ މޮޅުވީ 7-6 އިންނެވެ.
މި ފަހަރުގެ ފައިނަލުގައި ފުރަތަމަ ލީޑުނެގީ، މުހައްމަދު ދާނިޝް އިބްރާހިމް ޖެހި ގޯލުން ހިތަދޫންނެވެ. އެކަމަކު، ދެ ވަނަ ހާފުގައި، އިބްރާހިމް މަހުދީ ހުސެއިން (ފޭދޫ އިއްބެ)ގެ އެކްރަބެޓިކް ކިކް ގޯލާއި އަހުމަދު ބަލްސަމް އަލީ ޖެހި ގޯލުން ފޭދޫން ނަތީޖާ އަނބުރާލި އެވެ. ހިތަދޫ އަށް އެއްވަރުކޮށްދިނީ، ޝާޝް ޝަރީފް އެވެ.
ޕެނަލްޓީގައި، ހިތަދޫގެ ޕެނަލްޓީތައް ކާމިޔާބުކުރީ، ހާޒިމް ފައުޒީ (ހަތީ)، މުހައްމަދު އިންޝާލް، ޝާޝް އަދި ހުސެއިން ފަސާހު އެވެ. ފޭދޫން ޕެނަލްޓީތައް ކާމިޔާބުކުރީ، ހުސެއިން ގައްސާން ލަބީބް (ހުސީ)، ސިމާއު ސައީދު، ފޭދޫ އިއްބެ، ޔޫސުފް ސިދާމް އަލީ (ސިއްކޮ) އަދި އަހުމަދު ޒައުލް ނާޒިމް އެވެ.
އައްޑޫ ސިޓީގެ އަތޮޅު ބުުރުގެ އެންމެ ގިނަ ގޯލު ޖެހި ކުޅުންތެރިއަކީ، ދާނިޝް އެވެ. ފައިނަލް މެޗުގެ މޮޅު ކުޅުންތެރިޔާގެ މަގާމު ފޭދޫ އިއްބެ ހޯދިއިރު، އަތޮޅުގެ މޮޅު ކުޅުންތެރިޔާގެ މަގާމު ލިބުނީ ހުސީ އަށެެވެ.
ޒޯން ހަތެއްގައި، ހިތަދޫ އާއި ފޭދޫން ނުކުންނާނީ ގއ. ގެ ޗެމްޕިއަން، ދެއްވަދޫ، ރަނަރަޕް، ވިލިގިނލި، ގދ. ޗެމްޕިއަން، ވާދޫ، ރަނަރަޕް، ގަައްދޫ އަދި ޏ. ފުވައްމުލަކު، ދަނޑިމަގު ޓީމެވެ.
