ގޯލްޑަން ފުޓްސަލް ޗެލެންޖުގެ ގދ. އަތޮޅުގެ އެންމެ ފަހުގެ ޗެމްޕިއަން، ވާދޫ އިން މި ފަހަރުގެ މުބާރާތުގައި އަތޮޅު ތަށި ދިފާއުކުރަން ފައިނަލުގައި ގައްދޫއާ ދެކޮޅަށް ނުކުންނަން ޖެހިއްޖެ އެވެ.
ގައްދޫ އާއި ވާދޫ ޓީމު ގްރޫޕް ސްޓޭޖުގައި ކުޅުނު މެޗު ނިމުނީ 1-1 އިން އެއްވަރުވެގެންނެވެ. ގައްދޫން ފައިނަލަށް ދަތުރުކުރީ ސެމީ ފައިނަލުގައި މަޑަވެލި އަތުން 4-1 އިން މޮޅުވެގެންނެވެ. ވާދޫން ވަނީ ސެމީ ފައިނަލުގައި 5-1 އިން ތިނަދޫ ބަލިކޮށްފަ އެވެ.
ސެމީ ފައިނަލުގައި، ގައްދޫން ރަނގަޅު ޕްލޭނަކާ އެކު މޮޅު ކުޅުމެއް ދެއްކިއިރު، އެ ޓީމުގެ ކެޕްޓަން، އަހުމަދު ރިފްޝާން ދެ ގޯލު ޖެހި އެވެ. ގައްދޫގެ އަނެއް ގޯލުތައް ޖެހީ، މެޗުގެ މޮޅު ކުޅުންތެރިޔާ، ރިފްޝާންގެ އެހީއާ އެކު، މިރާސު މުހައްމަދު ޒުހައިރު އާއި އަނޫ އަހުމަދެވެ.
މެޗުގައި، މަޑަވެލިން ޖެހި ހަމައެކަނި ގޯލު ޖަހައިދިނީ ބަދަލަކަށް ކުޅެން އެރި އަހުމަދު އައިމަން ސައީދު އެވެ.
މީގެ ކުރިން ތިން ފަހަރު އަތޮޅުގެ ޗެމްޕިއަންކަން ހޯދާފައިވާ ވާދޫން މި ފަހަރުގެ ސެމީގައި ތިނަދޫ ކައިރިން ހޯދި ތަފާތު މޮޅުގައި އެންމެ މޮޅު ކުޅުމެއް ދެއްކީ ވާދޫގެ ހަތަރު ގޯލު ޖަހައިިދިން، ނަޝާހު އަހުމަދު (ނައްޓު) އެވެ. ގދ. އަތޮޅުގެ ލަނޑު ލިސްޓުގެ ކުރީގައި ނައްޓު އޮތީ ހަތް ގޯލު ޖަހައިގެންނެވެ
ހިތްވަރު ދައްކައި، ވާދޫ ކައިިރިން ގޯލު ޖަހަން ފުރުސަތުތަކެއް ހޯދި ތިނަދޫން މެޗުގައި ޖެހި ހަމައެކަނި ގޯލު ކާމިޔާބުކުރީ އިބްރާހީމް މުހައްމަދު އެވެ.
ގޯލްޑަން ފުޓްސަލް ޗެލެންޖް (25 ޖެނުއަރީ 2025)
16:00: ށ. ފައިނަލް: ކަނޑިތީމު - މިލަންދޫ
16:00: ނ. މިލަދޫ - ނ. ވެލިދޫ
------------------------------------------
20:00: ފ. މަގޫދޫ - ފ. ދަރަބޫދޫ
20:00: ފ. ބިލެއްދޫ - ފ. ފީއަލި
21:00: ދ. ކުޑަހުވަދޫ - ދ. ބަނޑިދޫ
21:00: ބ. އޭދަފުށި - ބ. ފެހެންދޫ
22:00: މ. ސެމީ ފައިނަލް: ދިއްގަރު - މުލި
22:00: މ. ސެމީ ފައިނަލް: ކޮޅުފުށި - މުލަކު
