ކުންފުނިތަކުން ވައްކަން ކުރަނީ ރައީސަށް ބައި އަޅައިގެން: އުމަރު

އުމަރު ނަސީރު: ކުންފުނިތަކުން ވައްކަން ކުރަނީ ރައީސަށް ބައި އަޅައިގެން ކަމަށް ވިދާޅުވި -- ފޮޓޯ؛ މިރާޝް ނާޝިމް / އަދަދު

އުމަރު ނަސީރު: ކުންފުނިތަކުން ވައްކަން ކުރަނީ ރައީސަށް ބައި އަޅައިގެން ކަމަށް ވިދާޅުވި -- ފޮޓޯ؛ މިރާޝް ނާޝިމް / އަދަދު

ސަރުކާރުގެ ކުންފުނިތަކުން ވައްކަން ކުރަމުން ދަނީ ރައީސް ޑރ. މުހައްމަދު މުއިއްޒަށް ބައި އެޅޭ ގޮތަށް ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެ އެވެ.

ޗެނަލް 13 ގެ ނިއުސް ޓޯކްގައި އުމަރު ވިދާޅުވީ ރައީސް މުއިއްޒަށް ބައި ނޭޅޭ ގޮތަށް ސަރުކާރު އެއްވެސް ކުންފުންޏެއްގައި ވައްކަން ނުކުރެވޭނެ ކަމަށާއި ކުންފުނިތަކުން ވައްކަން ކުރަމުންދަނީ ރައީސަށް ބައި އެޅޭ ގޮތަށް ކަމަށެވެ.

"އެސްއޯއީތަކުން، ޕަބްލިކް ކުންފުނިތަކުން މި ފެންނަ ވައްކަން މިއީ އެއްގޮތަކަށް ވެސް އެތާ ތިބޭ މީހާ ކުރާ ވައްކަމެއް ނޫން އެނގޭތޯ. މިއީ ހަމަ މުއިޒަށް ބައި އެޅިގެން ކުރާ ކަންތައްތައް. ރައީސުލްޖުމޫރިއްޔާއަށް ބައި ނޭޅޭ ގޮތަކަށް ސަރުކާރުގެ ކުންފުންޏަކުން ވައްކަމެއް ނުކުރާނެ އެނގޭތޯ،" އުމަރު ވިދާޅުވި އެވެ.

"ހަމަ މުއިއްޒަށް ބައި އެޅިގެން ހަމަ އެދަނީ އެނގޭތޯ. މުއިޒަށް ބައި އެޅިފައި، ދެން ތިބި މީހުންނަށް ވެސް ބައި އެޅިފައި، އަދި ވަގަށް ނަގާ މީހާއަށް ވެސް ބައި އެޅިފައި."

ދައުލަތުގެ ހުރިހާ ކުންފުންޏެއް ރައީސް މުއިއްޒު ބޭނުން ކުރަމުންދަނީ ވައްކަން ކުރުމަށްކަން ފާހަގަކުރައްވާ އުމަރު ވިދާޅުވީ އެ ވައްކަންތައް ކުރަމުންދަނީ ރައީސްގެ އިތުރުން ކުންފުނިތަކުގެ ވެރިންނަށް ވެސް ބައި އެޅޭނެ ގޮތަށް ކަމަށެވެ.

ވެރިކަމުގައި ތިބި ބޭފުޅުން ދަނީ ސަރުކާރު ކުންފުނިތަކާއި ރިސޯޓުތައް ހިމެނޭ ގޮތަށް ހުރިހާ ތަނަކުން ވައްކަން ކުރަމުން ކަމަށާއި މިހާ ހާމަކަންބޮޑުކޮށް ވައްކަން ކުރާ ސަރުކާރަކާ ދިވެހި ރައްޔިތުންނާ ދިމާ ނުވާ ކަމަށް ވެސް އުމަރު ވިދާލުވި އެވެ.

އުމަރު އިތުރަށް ވިދާޅުވީ ކޮރަޕްޓް ހުރިހާ އެންމެންނަށް ދިވެހި ރައްޔިތުން ނޫނެކޭ ބުނަން ޖެހޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox