ވިނަރެސް ފްލެޓު އެޅި ކުންފުންޏަށް ވޭރިއޭޝަންގެ ގޮތުގައި 138 މިލިއަން ރުފިޔާ ދީފި

އާޓް ވޯކް: އިސްމާއިލް އިމްދާދު / އަދަދު

އާޓް ވޯކް: އިސްމާއިލް އިމްދާދު / އަދަދު

ވިނަރެސް މަޝްރޫއުގައި އިތުރަށް ކުރަންޖެހުނު މަސައްކަތްތަކަށް ކަމަށް ބުނެ، އެ މަޝްރޫއު ހިންގި ޗައިނާ މެޝިނަރީ އެންޑް އިންޖިނީރިން ކޮމްޕެނީ (ސީއެމްއީސީ) އަށް ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އިން 9 މިލިއަން ޑޮލަރު (138 މިލިއަން ރުފިޔާ) ދީފި އެވެ.

އަދަދު ނޫހަށް ލިބިފައިވާ ލިޔެކިޔުންތަކުން އެނގޭ ގޮތުގައި މި ފައިސާ ދޫކުރަން އެޗްޑީސީގެ ބޯޑުން ނިންމީ ޑިސެމްބަރު 25، 2023 ގަ އެވެ. ވޭރިއޭޝަންގެ ގޮތުގައި ސީއެމްއީސީ އަށް ފައިސާ ދިނުމަށް ދެ ނިންމުމެއް ބޯޑުން ނިންމި އެވެ. އެއީ؛

  • އަލިފާން ނިއްވާ ސިސްޓަމާއި ފެން ސަޕްލައި ކޮށްދޭ ނިޒާމު ގާއިމުކުރުމަށް ދިޔަ ހަރަދު ކަމަށް ބުނެ ދެ މިލިއަން ޑޮލަރު (30.8 މިލިއަން ރުފިޔާ)
  • މަޝްރޫއުގެ މުއްދަތު ދިގުލައިގެންދިޔަ ކަމަށް ބުނެ 7 މިލިއަން ޑޮލަރު (108 މިލިއަން ރުފިޔާ)

ދެ މިލިއަން ޑޮލަރު 60 ޕަސެންޓު ޑޮލަރުން، އަދި ހަތް މިލިއަން ޑޮލަރުގެ ދެ ބައިކުޅަ އެއްބައި ދެއްކީ ޑޮލަރުންނެވެ.

މަޝްރޫއުގެ ވޭރިއޭޝަންގެ ގޮތުގައި ފައިސާ ހޯދަން އެޗްޑީސީގެ ކުރީގެ މެނޭޖުމެންޓަށް ވެސް ހުށަހެޅި ކަމާއި، ނަމަވެސް އެރު ހުށަހެޅި ޖުމުލަ ހަތް މިލިއަން ރުފިޔާ ވެސް ބޮޑުވެގެން އެ ފައިސާ ދޫކުރަން އޭރު ނުނިންމާކަމަށް ކުރީގެ މެނޭޖުމެންޓުގައި އިސްކޮށް އުޅުނު މީހަކު ބުންޏެވެ.

"އަޅުގަނޑުމެން ވާހަކަ ދައްކަމުން ދިޔައީ ހަތަރު ވަރަކަށް މިލިއަން ޑޮލަރަށް،" އޭނާ ވިދާޅުވި އެވެ.

ކުރީގެ މެނޭޖުމެންޓުން ހަތް މިލިއަން ޑޮލަރު ދޫނުކުރަން ނިންމާފައި އޮތްވައި، އެ އަގުގެ މައްޗަށް ދެ މިލިއަން އިތުރުކޮށް ފައިސާ ދޫކުރި ކަމަށް، އެ މައުލޫމާތު އެނގޭ މީހަކު ކަށަވަރުކޮށް ދެއްވި އެވެ.

ވިޔަފާރިތަކަށް ހާއްސަ ކޮށްގެން ހުޅުމާލޭގައި ތަރައްގީކުރަން ޗައިނާގެ ހުނާން ނަމްބާ ސިކްސް އިންޖިނިއަރިން ކޯޕަރޭޝަން ލިމިޓެޑްއާ ހަވާލުކޮށްފައިވާ "ކޮމާޝަލް ސްޕައިން" މަޝްރޫއުގެ އެއްބަސްވުމުގައި ސޮއިކުރިތާ އަހަރަކަށް ވުރެ ގިނަ ދުވަސްވީއިރު ވެސް އެ މަސައްކަތް ފަށާފައި ނުވާއިރު، މަޝްރޫއުގެ އެޑްވާސް ޕޭމެންޓުގެ ގޮތުގައި ޖުމްލަ އަގުގެ 15 ޕަސެންޓަށްވާ 7.6 މިލިއަން ޑޮލަރު (117 މިލިއަން ރުފިޔާ) ވެސް އެޗްޑީސީން ވަނީ ދޫކޮށްފަ އެވެ.

ހިޔާ ފްލެޓުގައި އިތުރު ލިފްޓު ހަރުކުރަން 18.3 މިލިއަން ޑޮލަރު (278 މިލިއަން ރުފިޔާ) ވެސް ވަނީ ދޫކޮށްފަ އެވެ.

މިހާރުގެ ރައީސް ޑރ. މުހައްމަދު މުއިއްޒު ހައުސިން މިނިސްޓަރަކަށް ހުންނެވިއިރު އެޅި ހިޔާ ފްލެޓުގެ 16 ޓަވަރުގައި އިތުރަށް ޖުމުލަ 32 ލިފްޓު ހަރުކުރަން ހަވާލުކޮށްފައި ވަނީ ޗައިނާގެ ޝެންޔެންގެ ޔުއަންޝާ އިންޓެލެކްޗުއަލް އިންޑަސްޓްރީ ގްރޫޕާ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox