ރައީސް މުއިއްޒު އއ. އަތޮޅުގެ ތިން ރަށަކާއި ކ. އަތޮޅުގެ ތިން ރަށަކަށް

އެއާޕޯޓުން ތޮއްޑުއަށް ފުރާވަޑައިގެންނެވުމުގެ ކުރިން ސަރުކާރުގެ ވެރިންނާ ރައީސް މުއިއްޒު ސަލާމްކުރައްވަނީ. -- ފޮޓޯ: ރައީސް އޮފިސް

އެއާޕޯޓުން ތޮއްޑުއަށް ފުރާވަޑައިގެންނެވުމުގެ ކުރިން ސަރުކާރުގެ ވެރިންނާ ރައީސް މުއިއްޒު ސަލާމްކުރައްވަނީ. -- ފޮޓޯ: ރައީސް އޮފިސް

ރައީސް ޑރ. މުހައްމަދު މުއިއްޒު އއ. އަތޮޅުގެ ތިން ރަށަކާއި ކ. އަތޮޅުގެ ތިން ރަށަކަށް ކުރައްވާ ދަތުރެއް ފަށްޓަވައިފި އެވެ.

ސަރުކާރުގެ އޮފިޝަލަކު އަދި ރައީސް ވަޑައިގަންނަވާ ބައެއް ރަށްތަކުން ކަށަވަރުކޮށް ދެއްވި ގޮތުގައި، އެ މަނިކުފާނު މިއަދު ވަޑައިގަންނަވަނީ ތޮއްޑޫ އާއި، ރަސްދޫ އަދި މަތިވެރި އަށެވެ.

ރައީސް މުއިއްޒު ދެ ދުވަހުގެ ދަތުރެއް މި ފެއްޓެވީ، އަންނަ އަންގާރަ ދުވަހު، އިދިކޮޅު އެމްޑީޕީން މާލޭގައި ބޮޑު ޖަލްސާއެއް ބާއްވަން އިއުލާނުކޮށް، އެ ޖަލްސާއަށް ރަށްރަށުން މީހުން އައުމަށް ގޮވާލާފައި ވަނިކޮށެވެ.

މާލޭގައި ބާއްވާ ސިޔާސީ ބޮޑެތި ޖަލްސާތަކަށް މާލެ އަތޮޅުންނާއި އަރިއަތޮޅުން މާލެއަށް މީހުން އާދެ އެވެ.

ސަރުކާރުގެ ތަރުޖަމާނު ހީނާ ވަލީދު ވިދާޅުވީ ރައީސް މުއިއްޒު މިއަދު ފެއްޓެވި ދަތުރަކީ ކުރިން ފައްޓަވާފައިވާ ސިލްސިލާގައި ދަތުރުތަކުގައި ވަޑައިނުގެންނެވޭ ރަށްތަކަށް ކުރައްވާ ދަތުރެއް ކަމަށެވެ.

"މާލެ އަތޮޅު ބައެއް ރަށްރަށް އަދި އަރިއަތޮޅަށް އަދި ވަޑައިނުގަންނަވާތީ ވަރަށް އަވަހަށް ދަތުރުފުޅު ކުރައްވާނެ ކަމަށް ވާނީ ވިދާޅުވެފައި،" ރައީސްގެ މި ދަތުރާ ބެހޭ ގޮތުން ހީނާ އަދަދު ނޫހަށް ފޮނުއްވި މެސެޖުގައި ވިދާޅުވި އެވެ.

އއ. އަތޮޅުގެ ތިން ރަށަށް ފަހު ރައީސް މުއިއްޒު ގާފަރަށް ވަޑައިގަތުމަށް ނިންމަވާފައި ވަނީ މާދަމާ ހެނދުނު ކަމަށް އެނގިފައިވެ އެވެ.

އެ މަނިކުފާނު މި ދަތުރުގައި ތޮއްޑު އަށް ވަޑައިގެންނެވީ މޯލްޑިވިއަންގެ ސީޕްލޭނެއްގަ އެވެ.

ރަށްރަށުގެ ކައުންސިލްތަކާއި، އަންހެނުން ކުރިއަރުވާ ކޮމިޓީ އާއި ރައްޔިތުންނާ ބައްދަލު ކުރެއްވުމަށް ރައީސް މުއިއްޒު ދަތުރުކުރައްވާއިރު، ސަރުކާރަށް ވަނީ މާލީ ގޮންޖެހުންތައް ކުރިމަތިވެފަ އެވެ. އަދި އަންނަ އަހަރަށް ފާސްކޮށްފައިވާ ދައުލަތުގެ ބަޖެޓުގައި ރަށްރަށަށް ކަނޑައަޅާފައިވާ ވަކިވަކި މަޝްރޫއުތައް އެނގެން ނެތުމުން، އިދިިކޮޅު މެންބަރުންނާއި ބައެއް ކައުންސިލްތަކުން ވަނީ ކަންބޮޑުވުން ފާޅުކުރައްވައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox