ލަންޑަން (ޑިސެމްބަރު 3) - އިނގިރޭސި ޕްރިމިއާ ލީގުގެ އިޕްސްވިޗު ޓައުން އަށް ކުޅޭ މިސްރުގެ މިޑްފީލްޑަރު، ސޭމް މޮރްސީ، އެއްޖިންސުގެ ގުޅުމަށް (އެލްޖީބީޓީ) ހިތްވަރުދޭ ކެމްޕެއިނުގައި ބައިވެރިވާން އަޅާ ވިއްސާރަދުނީގެ ކުލަތައް ހިމެނޭ ކެޕްޓަން ބޭންޑް ނާޅަން ނިންމައިފި އެެވެ.
އިނގިރޭސި ޕްރިމިއާ ލީގުގެ 20 ޓީމުގެ ކެޕްޓަނުން އެލްޖީބީޓީ އަށް އޮތް ސަޕޯޓް ދައްކުވައިދޭން ނޮވެމްބަރު 29 އިން ޑިސެމްބަރު 5 އަށް ކުޅޭ މެޗުތަކުގައި ވިއްސާރަދުނީގެ ކުލަތައް ހިމެނޭ ކެޕްޓަން ބޭންޑް އަޅަ އެވެ.
އެކަމަކު، މި ހަފްތާގެ މެޗުތަކުގައި ހުރިހާ ޓީމެއްގެ ކެޕްޓަނުން އެ ބޭންޑް ބޭނުންކުރި ނަމަވެސް، އިޕްސްވިޗުން ނޮޓިންހަމް ފޮރެސްޓާ ކުޅުުނު މެޗުގައި މޮރްސީ، 33، އެ ބޭންޑް ނާޅަ އެވެ.
މިސްރު ގައުމީ ޓީމަށް ކުޅޭ މޮރްސީގެ އެ ބޭންޑް ނާޅަން ނިންމީ އޭނާގެ ދީނީ ކަމެއްގެ ގޮތުގައި އައި ނިންމުމެއްގެ ސަބަބުން ކަމަށް އިޕްސްވިޗުން ނެރުނު ބަޔާނުގައިވެ އެވެ. އަދި މޮރްސީގެ އެ ނިންމުމަށް ކްލަބުގެ ފުުރިހަަމަ އިހުތިރާމް އެބައޮތް ކަމަށް ވެސް ވަނީ ބުނެފަ އެވެ.
ޕްރިމިއާ ލީގުން ހިންގާ މި ފަދަ އިސްލާމްދީނުގެ ގަބޫލުކުރުންތަކާ ހިލާފު ކަންތައްތަކުގައި މުސްލިމް ކުޅުންތެރިން ބައިވެރިނުވެ އެވެ.
އެހެން ނަމަވެސް، އެލްޖީބީޓީ އަށް އޮތް ސަޕޯޓް ދައްކުވައިދޭން އިޕްސްވިޗުން ހަރަކާތްތަކެއް ކުރިއަށް އޮތް މެޗުގައި ރޭވިފައިވާ ކަމަށް އެ ކްލަބުން ވަނީ ބުނެފަ އެވެ.
