ވިނަރެސްގެ ޕާކިން ޖާގަތައް ވިއްކުން ހުއްޓުވައި ދޭން އެދި ޕެޓިޝަނެއް ހުށަހަޅައިފި

ވިނަރެސް ފްލެޓުތައް. -- ފޮޓޯ: އަދަދު

ވިނަރެސް ފްލެޓުތައް. -- ފޮޓޯ: އަދަދު

ވިނަރެސް ޓަވަރުތަކުން އަގުބޮޑުކޮށް ކާރު ޕާކް ކުރަން ޖާގަތައް ވިއްކުމަށް ކޮށްފައިވާ އިއުލާނު ބާތިލްކޮށް ދިނުމަށް އެދި، ވިނަރެސްގައި ދިރިއުޅޭ 400 އަށް ވުރެ ގިނަ މީހުން ސޮއިކޮށް، ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ) އަށް އިއްޔެ ޕެޓިޝަނެއް ހުށަހަޅައިފި އެވެ.

ނޮވެމްބަރު 25، 2024 ގައި އެޗްޑީސީން ވިއްކަން ހުޅުވައިލި 154 ޕާކިން ޖާގައަކީ ވިނަރެސް ޓަވަރުތަކުގެ އެތެރެއިން 76 ޖާގަ އަދި އެ ޓަވަރުތަކުގެ ބޭރު ސަރަހައްދުތަކުން 78 ޖާގަ އެވެ.

އިމާރާތުގެ ތެރެއިން ޕާކިން ޖާގަ ދޫކުރުމުގެ ބީލަން ފެށޭ އަގަކީ 650،000ރ. އެވެ. އިމާރާތުގެ ބޭރުން ދޫކުރާ ޕާކިން ޖާގަތަކުގެ ބީލަން ފެށެނީ 2000ރ. އެވެ. މިތަންތަން ވިއްކައިގެން އެންމެ މަދުވެގެން 50 މިލިއަން ރުފިޔާ ލިބޭނެ އެވެ.

މާލޭގެ މަގުތަކުން ޕާކިން ޒޯނަށް ޖާގަތައް ވިއްކަން ފެށީ، ރައީސް ޑރ. މުހައްމަދު މުއިއްޒު މާލޭ ސިޓީގެ މޭޔަރަކަށް ހުންނެވި ދުވަސްވަރު އެވެ. އެއާއެކު މާލޭގެ ޓްރެފިކް މައްސަލަ އިތުރަށް ގޯސްވެގެން ދިޔަ އެވެ.

ހުޅުމާލޭ ފޭސް 2 ގެ އާބާދީ ބޮޑުވެ، ޕާކްކުރުމުގެ ދަތިކަން ބޮޑުވަމުން އަންނައިރު، ވިނަރެސް ފްލެޓުތަކުގެ ޕާކިން ޖާގަތައް ވިއްކާލާތީވެ، އެކަމުގެ ކަންބޮޑުވުން ފާޅުކޮށް، މިހާރު ކޮށްފައިވާ އިއުލާނު ބާތިލްކޮށް ދިނުމަށް ހުށަހެޅި ޕެޓިޝަންގައި ގިނަ ކަންތައްތަކެއް ފާހަގަކޮށްފައިވެ އެވެ.

ވިނަރެސްއިން ވިއްކާ ޕާކިން ޖާގަތަކުގެ އަގަކީ ހުޅުމާލޭގެ ޕްރިމިއަމް ސަރަހައްދުތަކުން ބިން ވިއްކާފައިވާ ރޭޓާއި އަމިއްލަ ރިއަލްއެސްޓޭޓް އިމާރާތްތަކުގެ ޕާކިން ޖާގަތަކަށް ވުރެ ވެސް ބޮޑު ރޭޓެއް ކަމަށާއި އެހެންވެ، ވިނަރެސްއިން އެޕާޓްމެންޓު ގަނެފައިވާ މަދު ބަޔަކަށް ނޫނީ ޕާކިން ޖާގަ ނުގަނެވޭނެ ކަމަށް ޕެޓިޝަންގައި ބުނެފައިވެ އެވެ.

އެހެންވެ، މިހާރު ވިއްކަން ހުޅުވާލާފައިވާ ޕާކިން ޖާގަތައް މާކެޓް ރޭޓަށް ތިރިކުރަން އެދިފައިވެ އެވެ.

ޕާކިން ޖާގަތައް އަގުބޮޑުވުމުގެ ސަބަބުން، އެތަންތަން ނުވި، ވިނަރެސްގައި ނޫޅޭ ބަޔަކަށް އެ ޖާގަތައް ވިއްކުމުގެ ފުރުސަތު ބޮޑުވެގެންދާނެ ކަމަށް ބުނެފައިވެ އެވެ. އަދި ޕާކިން ސްލޮޓު ދޫކުރާ އިރު ވިނަރެސްގެ ގްރައުންޑް ފްލޯގެ ކެމެރާތައް މަސައްކަތް ނުކުރާ ކަމާއި ބައެއް ބްލޮކްތަކުގައި ކެމެރާ ނެތް ވެސް ބުނެފައިވެ އެވެ.

ޕެޓިޝަންގައި ފާހަގަކޮށްފައިވާ އިތުރު ކަންބޮޑުވުންތައް

  • ވިނަރެސް އެޕާޓުމަންޓް ވިއްކިއިރު ޓަވަރު ތަކާއި އެޕާޓުމަންޓްތަކުގެ ލޭންޑް ޔޫސް ޕްލޭންގައި މިހާރު ދިމާވެފައިވާ ބްލޮކޭޖްތަކާއި ޕާކިން ޖާގަތައް ފެންނަން ނެތުން.
  • ވިނަރެސް ޓަވަރުތަކުގެ ވޯކްވޭ އަދި ޑްރައިވްވޭ މިހާރު ވަކިކޮށްފައި ނުވުމުގެ ސަބަބުން ޑްރައިވްވޭ އަށް ވަންނަ ކާރުތަކާއި ޕާކުކުރުމަށް ވަންނަ ކާރުތަކުގެ ސަބަބުން ޑްރައިވްވޭގެ ރައްކާތެރިކަމާއި ގުޅޭގޮތުން ކަންބޮޑުވުން.
  • ސްޕީޑް ލިމިޓް ބޯޑުތައް ނެތުމާއި އަދި ބަންޕަރު ނެތުމަކީ ހިނގާ މީހުންނަށް ނުރައްކާތެރި ކަމަކަށްވުން. އެހެންކަމުން، އިމާރާތުގެ ޓަވަރުތަކަށް ވަނުމަށް ވަނުމަށް ހިނގާ ފަރާތްތަކަށް ވަކި އިންތިޒާމެއް (ވޯކްވޭ އަދި ޑްރައިވްވޭ ވަކިކުރުން) ކަނޑައަޅައި، ސްޕީޑް ލިމިޓް ބޯޑު ހަރުކޮށް ބަންޕަރު ބެހެއްޓުން.
  • ޓަވަރުތަކުގެ މައި ދޮރާއި ގާ އަތުރާފައިވާ ޕޭމެންޓްގައި ކުރަހާފައިވާ ޑްރޮޕްއޮފް ސްޓޮޕްތައް ތޮއްޖެހުން. އެހެންކަމުން، ކާރު ޕާކިން ސްޓޮޕްތައް މައި ދޮރާއި ދުރުކުރުމަށް މިހާރު ހުރި ޑިޒައިން ބަދަލުކުރުން.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox