ރައީސް ޑރ. މުހައްމަދު މުއިއްޒާއި އަނބިކަނބަލުން ސާޖިދާ މުހައްމަދު، އިނގިރޭސިވިލާތަށް ކުރެއްވި ނުރަސްމީ ދަތުރު ނިންމަވާލައްވައިފި އެވެ.
ރައީސް އޮފީހުން ހާމަކޮށްފައިވާ ގޮތުގައި ރައީސްގެ ދެކަނބަލުން ރާއްޖެ އެނބުރި ވަޑައިގަތީ މިއަދު ހަވީރުގެ ވަގުތެއްގަ އެވެ. ހަފްތާއެއްހާ ދުވަހުގެ މި ދަތުރުގައި ރައީސްގެ ދެކަނބަލުން ފުރާވަޑައިގަތީ ނޮވެމްބަރު 21, ގަ އެވެ.
ރައީސް މުއިއްޒު ފުރަތަމަ ޑިގްރީ އާއި، މާސްޓާޒް ޑިގްރީ އަދި ޕީއެޗްޑީ ހާސިލުކުރެއްވީ އިނގިރޭސިވިލާތުންނެވެ. މިއީ ވެރިކަމަށް ވަޑައިގަތުމަށް ފަހު އަމިއްލަ ދަތުރެއްގައި އެމަނިކުފާނު އެ ގައުމަށް ވަޑައިގެންނެވި ފުރަތަމަ ފަހަރެވެ.
Advertisement
ރައީސް އޮފީހުން ހާމަކޮށްފައިވ ގޮތުގައި މި ދަތުރުގެ ހުރިހާ ހަރަދެއް ކުރައްވާނީ ރައީސް އަމިއްލަ އަށެވެ. ސަރުކާރުން ހަރަދެއް ނުކުރާނެ އެވެ.
