ދައުލަތުގެ ކުންފުނިތަކުގެ ތެރެއިން އެންމެ މުއްސަނދި އެއް ކުންފުނި، ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ) ގެ ބޯޑުގެ ޗެއާމަންގެ މަގާމު ހުސްކޮށް އޮންނަތާ ފަސް މަހަށް ފަހު، އެ މަގާމަށް މީހަކު އައްޔަން ކޮށްފި އެވެ.
އެޗްޑީސީގެ ޗެއާމަންގެ މަގާމު ހުސްވީ އެ މަގާމުގައި ހުންނެވި އަހުމަދު ޒުހޫރު މެއި 22، 2024 ވަކި ކުރުމާ ގުޅިގެންނެވެ.
އެޗްޑީސީގެ ޗެއާމަންގެ މަގާމަށް މިއަދު އައްޔަން ކުރި ނާސިފް، މި ސަރުކާރުގައި ކުރިން ހުންނެވީ ރީޖަނަލް އެއާޕޯޓްސް ކޮމްޕެނީ ލިމިޓެޑްގެ ޗެއާމަން އަށެވެ.
ނާސިފްއަކީ ޕީޕީއެމްގެ ސެނެޓަރެކެވެ. އަދި ރައީސް އަބްދުﷲ ޔާމީންއަށް ސަޕޯޓުކުރާ ޗެނަލް 13 ޓީވީގެ މައި ކުންފުނި، މީޑިއާ ރިންގް ޕްރައިވެޓް ލިމިޓެޑްގެ އެއް ހިއްސާދާރު އަދި މެނޭޖިން ޑިރެކްޓަރަކީ އޭނާ އެވެ.
ރާއްޖޭގެ މައި އެއާޕޯޓު, ވެލާނާ އިންޓަނޭޝަނަލް އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ޗެއާމަންގެ މަގާމު އަދިވެސް އޮތީ ހުހަށެވެ. އެ މަގާމުގައި ހުންނެވި މުހައްމަދު އުމަރު މަނިކު (އެމްޔޫ މަނިކު) ވަނީ އިސްތިއުފާ ދެއްވީ މި އަހަރުގެ ފެބްރުއަރީ މަހު އެވެ.
