މަޖިލީހާއި ޖުޑީޝަރީ އިސްލާހުކުރުމުގެ ބާރު ވެސް އޮންނަން ވާނީ ރައީސްގެ އަތުގައި: ސަލީމް

އޭދަފުށީ ދާއިރާގެ މެންބަރު އަހުމަދު ސަލީމް: އޭނާ ވިދާޅުވީ މިނިވަން މުއައްސަސާތަކުގެ އިތުރުން މަޖިލީހާއި ޖުޑީޝަރީ އިސްލާހުކުރުމުގެ ބާރުވެސް އޮންނަން ވާނީ ރައީސްގެ އަތުގަ ކަމަށް --- ފޮޓޯ: އަދަދު

އޭދަފުށީ ދާއިރާގެ މެންބަރު އަހުމަދު ސަލީމް: އޭނާ ވިދާޅުވީ މިނިވަން މުއައްސަސާތަކުގެ އިތުރުން މަޖިލީހާއި ޖުޑީޝަރީ އިސްލާހުކުރުމުގެ ބާރުވެސް އޮންނަން ވާނީ ރައީސްގެ އަތުގަ ކަމަށް --- ފޮޓޯ: އަދަދު

މިނިވަން މުއައްސަސާތަކުގެ އިތުރުން ރައްޔިތުންގެ މަޖިލީހާއި ޖުޑީޝަރީން ވެސް ކަމެއް ގޯސްކޮށް ކުރާނަމަ އެކަން އިސްލާހުކުރުމުގެ ބާރު ރައީސްއަށް ދޭން އޭދަފުށީ ދާއިރާގެ މެންބަރު އަހުމަދު ސަލީމް ގޮވާލައްވައިފި އެވެ.

އެންޓި ކޮރަޕްޝަން ކޮމިޝަން (އޭސީސީ) އަދި އިލެކްޝަން ކޮމިޝަން (އީސީ) ގެ ރައީސުންނާއި ނައިބުން އައްޔަންކުރުމުގެ ބާރު ރައީސަށް ލިބިދޭ ގޮތަށް ހުށަހަޅާފައިވާ ބިލަށް ވާހަކަދައްކަވަމުން ސަލީމް ވިދާޅުވީ، މިކަންކަން އޮންނަން ޖެހޭނީ ސީދާ ރައީސްގެ އަތުގައި ކަމަށެވެ.

"މިކަންކަން އޮންނަން ޖެހޭނީ ސީދާ ރައީސުލްޖުމްހުރިއްޔާގެ އަތްޕުޅުގަ. މުޅި ގައުމު އިސްލާހު ކުރުމުގަ ބޮޑު ބާރު އޮންނާނީ ރައީސްގެ [އަތްޕުޅުގަ]. އަދި ޖުޑީޝަރީން ކަމެއް ގޯސްކޮށް ހިނގިޔަސް އެކަންކަން އިސްލާހުކުރުމުގެ ބާރުވެސް އޮންނަންވާނީ ރައީސުލްޖުމްހުރިއްޔާގެ އަތްޕުޅުގަ. އަދި މި މަޖިލީހުން ކަމެއް ގޯސްކޮށް ހިނގިޔަސް އެކަން އިސްލާހުކުރުމުގެ ބާރުވެސް އޮންނަން ޖެހޭނީ ރައީސުލްޖުމްހުރިއްޔާގެ އަތްޕުޅުގަ،" ސަލީމް ވިދާޅުވި އެވެ.

ފެހި ގާނޫނު އަސާސީން ތިން ބާރު ވަކިކޮށްފައި އޮތް އޮތުމަށް ފާޅުގައި ގޮންޖަހާ ވެރިކަންކުރާ ޕީއެންސީގެ ލީޑަޝިޕުގައި ހިމެނޭ ސަލީމް ވިދާޅުވީ ގާނޫނު އަސާސީއަށް އިސްލާހުކޮށްގެން ވިޔަސް ރައީސްއަށް ގިނަ ބާރުތައް ދޭން ޖެހޭ ކަމަށެވެ.

"މިހާރު ގާނޫނު އަސާސީއަށް ވެސް ހުރީ ބަދަލު ގެންނަން ޖެހިފަ. ގާނޫނު އަސާސީން ބަދަލުތައް ގެނެސްގެން ރައީސުލްޖުމްހުރިއްޔާއަށް އިތުރު ބާރުތައް އަޅުގަނޑުމެން ދޭން އެބަޖެހޭ،"

ސަލީމް ވިދާޅުވީ ރާއްޖެއަށް ޑިމޮކްރަސީ އައިސްގެން މިވީ މަދު އަހަރުތަކުގައި ގާތްގަނޑަކަށް 15 ވަރަކަށް ބިލިއަން ރުފިޔާގެ ހިޔާނާތްތައް ހިނގާފައިވާ ކަމަށް ލަފާކުރެވޭ ކަމަށާއި އެކަމާ ގުޅިގެން އިދާރާތަކުންނާއި މުއައްސަސާތަކުން އެއްވެސް ކަމެއް ނުކުރާ ކަމަށެވެ.

އެކަން އެހެން ހިނގީ ރައީސްގެ އަތުގައި ބާރުތައް ނެތީމަ ކަމަށާއި ރައީސް ޑރ. މުހައްމަދު މުއިއްޒުގެ ވިސްނުން ހުރީ މިކަންކަން އިސްލާހު ކުރުމަށް ކަމަށާއި އެކަމަށް ބޭނުންވާ ގާނޫނީ އިސްލާހުތައް މަޖިލީހުން ގެންނާނެ ކަމަށެވެ.

މި ސަރުކާރުން މީގެ ކުރިން ވެސް ވަނީ ގާނޫނު އަސާސީއަށް އިސްލާހު ގެންނާނެ ކަމަށް ބުނެފަ އެވެ. ނަމަވެސް ގެންނަ އިސްލާހުތަކުގެ ތަފުސީލެއް މިހާތަނަށް ހާމަކޮށްފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox