ހުޅުމާލޭން ބަޔަކަށް ދޫކުރި ބިންތަކެއް އަތުލި މައްސަލައެއްގައި އެޗްޑީސީއާ ދެކޮޅަށް ވަގުތީ އަމުރެއް

ހުޅުމާލޭގެ ދެވަނަ ފިޔަވަހި: އެޗްޑީސީ އާ ދެކޮޅަށް ސިވިލް ކޯޓުން ވަގުތީ އަމުރެއް ނެރުނީ އާރުއެޗްއާރުން އެދުނު ގޮތަށް -- ފޮޓޯ: އަދަދު ފައިލް

ހުޅުމާލޭގެ ދެވަނަ ފިޔަވަހި: އެޗްޑީސީ އާ ދެކޮޅަށް ސިވިލް ކޯޓުން ވަގުތީ އަމުރެއް ނެރުނީ އާރުއެޗްއާރުން އެދުނު ގޮތަށް -- ފޮޓޯ: އަދަދު ފައިލް

ހުޅުމާލޭގައި ކޮމާޝަލް އަދި ލަގްޒަރީ ރެޒިޑެންޝަލް އިމާރާތްތަކެއް އެޅުމަށް ރުއްގަނޑު ހޮޓެލްސް އެންޑް ރިސޯޓްސް ޕްރައިވެޓް ލިމިޓެޑް (އާރުއެޗްއާރު) އާއި ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ) އާ ދެމެދު ވީ އެއްބަސްވުންތައް ބާތިލު ކުރި މައްސަލައެއްގައި، ކޯޓުން ވަކި ގޮތެއް ނިންމަންދެން އެ ބިންތަކާ ގުޅޭ އިތުރު މުއާމަލާތެއް ކުރުން މަނާކޮށް ސިވިލް ކޯޓުން މިއަދު ވަގުތީ އަމުރެއް ނެރެފި އެވެ.

ސިވިލް ކޯޓުން ވަގުތީ އަމުރެއް ނެރުނީ އާރުއެޗްއާރުން އެދުނު ގޮތަށް ހުޅުމާލެ ލޮޓް ނަންބަރު، 20096 އާއި 20097 އާއި 20093 އަށް އެއްވެސް ބަދަލެއް ނުގެނެސް ބޭއްވުމަށެވެ. ސަބަބެއްގެ ގޮތުގައި އަމުރުގައި ބުނީ އެ ކޯޓުން ބަލަމުންދާ މައްސަލައިގެ ހުކުމެއް ކުރާއިރު، އެ ބިމުގައި މަސައްކަތްތަކެއް ކޮށްފި ނަމަ، ނުވަތަ އެހެން ބަޔަކަށް ދޫކޮށްފި ނަމަ ހުކުމް ތަންފީޒު ކުރަން ހުރަސް އެޅޭނެ ކަމަށެވެ.

އެޗްޑީސީ އާ ދެކޮޅަށް ވަގުތީ އަމުރަކަށް އާރުއެޗްއާރުން އެދުނީ ހުޅުމާލޭގައި ދެ އިމާރާތް އެޅުމަށް އެ ދެ ކުންފުނީގެ ދެމެދުގައި އޯގަސްޓު 18، ގައި ވީ އެއްބަސްވުންތައް އެޗްޑީސީން ބާތިލު ކުރީ ރަނގަޅަށް ނޫން ކަމަށް ބުނެ އެވެ.

Advertisement

އެގޮތުން އެޗްޑީސީ އާއެކު ވީ ކޮމާޝަލް އެއްބަސްވުމުގެ ދަށުން އެއްބަސްވުން ބާތިލު ކުރުމާ ހަމައަށް އިކުއިޒިޝަން ކޯސްޓުގެ ގޮތުގައި 352،154.60 ޑޮލަރާއި ރެޒިޑެންޝަލް އެއްބަސްވުމުގެ ދަށުން އެއްބަސްވުން ބާތިލު ކުރުމާ ހަމައަށް 588،847.7 ޑޮލަރު ދައްކާފައިވާ ކަމަށް އާރުއެޗްއާރުން ބުނެފައިވެ އެވެ.

ނަމަވެސް އެ ފައިސާ ދައްކާފައި އޮތްއިރު ވެސް ހަވާލު ކުރަންޖެހޭ ބިންތައް އެއްބަސްވުމާ އެއްގޮތަށް އެޗްޑީސީން އާރުއެޗްއާރާ ހަވާލު ކޮށްފައި ނުވާ ކަމަށާއި، އެ ބިންތައް ހަވާލު ކޮށްދިނުމަށް އެދި ފަސް ފަހަރު އެޗްޑީސީއަށް ސިޓީ ފޮނުވާފައިވާ ކަމަށް އާރުއެޗްއާރުން ބުނެފައިވެ އެވެ.

ވަގުތީ އަމުރެއް ނެރެދިނުމަށް އާރުއެޗްއާރުން އެދިފައިވާ އަނެއް ސަބަބަކީ، ކޮންސެޕްޓު ޑިޒައިން ހުށަހަޅާފައި ނުވާތީ ކަމަށް ބުނެ އެޗްޑީސީން އެއްބަސްވުންތައް ބާތިލު ކުރީ އެތައް ފަހަރަކު އެ ލިޔެކިޔުންތައް ހުށަހަޅަންޖެހޭނެ ކަމަށް އެއްބަސްވުމުގައި އޮތް މުއްދަތު އިތުރު ކޮށްދޭން އެދިފައި އޮއްވައި ކަމަށެވެ.

އެ މައްސަލައިގައި ޖަވާބުދާރީވަމުން އެޗްޑީސީން ބުނެފައި ވަނީ އާރުއެޗްއާރުގެ ދައުވާއިން ވެސް އެ މައްސަލައިގައި ވަގުތީ އަމުރެއް ނެރެން ޖެހޭ ޖާގައެއް ނެތްކަން ސާފުވާ ކަމަށެވެ. އަދި ވަގުތީ އަމުރެއް ނެރޭ ނަމަ ސެކުއިރިޓީ ޑިޕޮސިޓުގެ ގޮތުގައި 32 މިލިއަނަށް ވުރެ ގިނަ ރުފިޔާ ބަހައްޓައިދޭން އެދޭ ކަމަށް ވެސް އެ ކުންފުނިން ކޯޓުގައި އެދުނެވެ.

އެޗްޑީސީ އާ ދެކޮޅަށް ސިވިލް ކޯޓުން ވަގުތީ އަމުރެއް ނެރެފައިވާއިރު، އެ ތިން ބިމަކީ ކޮން ސަރަހައްދެއްގައި އޮތް ތިން ބިން ކަމެއް ސާފުވާ ގޮތެއް ނުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox