މޯލްޑިވްސް ޕޯސްޓުގެ ވެރިންނަށް ތުހުމަތު ކުރެވޭ ކޮރަޕްޝަންގެ ސީރިއަސް މައްސަލަތަކެއް އޭސީސީއަށް ހުށަހަޅައިފި

މޯލްޑިވްސް ޕޯސްޓް: އެ ކުންފުނީގެ ވެރިން ހިންގާ ކޮރަޕްޝަންގެ މައްސަލަތައް އޭސީސީއަށް ހުށަހެޅުން -- ފޮޓޯ: ޕޯސްޓް

މޯލްޑިވްސް ޕޯސްޓް: އެ ކުންފުނީގެ ވެރިން ހިންގާ ކޮރަޕްޝަންގެ މައްސަލަތައް އޭސީސީއަށް ހުށަހެޅުން -- ފޮޓޯ: ޕޯސްޓް

މޯލްޑިވްސް ޕޯސްޓް ލިމިޓެޑުގެ ސީނިއާ ފަސް މުވައްޒަފުން އެ ކުންފުނީގައި ހިންގާ ކަމަށް ތުހުމަތު ކުރެވޭ ކޮރަޕްޝަންގެ ސީރިއަސް މައްސަލަތަކެއް އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅައިފި އެވެ.

ކޮރަޕްޝަންގެ އަމަލު ހިންގި ކަމަށް ތުހުމަތު ކުރެވޭ ފަސް މީހުންގެ ތެރޭގައި ހިމެނެނީ އެ ކުންފުނީގެ އެމްޑީ އަހުމަތު ޝަފީގު، އެސިސްޓެންޓް އެމްޑީ އާމިނަތު ޝަރުމާ، އެގްޒެކެޓިވް ޑިރެކްޓަރު ފާތިމަތު ސީމާ، އެގްޒެކެޓިވް ޑިރެކްޓަރު މުހައްމަދު އަހުމަދު އަދި ޑިރެކްޓަރު އާމިނަތު ސުހާނާ އެވެ.

ކޮރަޕްޝަންގެ ހުރިހާ މައްސަލައެއް ހިމެނޭ ރިޕޯޓެއް އޭސީސީއަށް ހުށަހަޅާފައިވާއިރު، އެ ރިޕޯޓުގެ ކޮޕީއެއް "އަދަދު" ނޫހަށް ވެސް ވަނީ ލިބިފަ އެވެ.

Advertisement

މިކަމާ ގުޅިގެން އޭސީސީގެ ބަހެއް ހޯދުމަށް ގުޅުމުން މިހާތަނަށް ވެސް ބަހެއް ލިބިފައެއް ނުވެ އެވެ.

ޕޯސްޓުގެ ވެރިންނަށް ތުހުމަތުކޮށްފައިވާ ކަންކަން:

ވަޒީފާތަކަށް މުވައްޒަފުން ނެގުމުގައި، މާކްޝީޓްތަކަށް ބަދަލުތައް ގެނެސް ބައެއް ވެރިންގެ މަސްލަހަތު ހުރި މުވައްޒަފުންނަށް ވަޒީފާ ދިނުން

  • އެމްޑީ އަހުމަތު ޝަފީގު "ބީ" ކެޓަގަރީ ކުންފުނިތަކުގެ ނިސްބަތުން މުސާރަ ނަގާ ކަމަށް ތުހުމަތު ކުރުން.
  • ވަކި މީހަކު ނެގުމަށް ކޮމްޕެނީ ސެކްރެޓަރީގެ މަގާމަށް އިއުލާން ކުރުން.
  • ދުރާލާ ރޭވިގެން އެގްޒެކެޓިވް ޑިރެކްޓަރު މުހައްމަދު އަހުމަދުއަށް ވަޒީފާ ދޭން އިއުލާން ކުރުން.
  • އެމްޑީ އަހުމަދު ޝަފީގުގެ ގާތް މުވައްޒަފުންނަށް އިންޓާނަލް ރެކްރޫޓްމަންޓްގެ ނަމުގައި ޕްރޮމޯޝަންތައް ދިނުން.
  • ބޯޑު ބައްދަލުވުންތައް ހުއްޓާލުމަށްފަހު، ކުންފުނީގެ މައްޗަށް އަހުމަދު ޝަފީގުގެ މަސްލަހަތު އިސްކުރުން.
  • ޕީސީބީގެ ސާކިއުލާއާ ހިލާފަށް މުވައްޒަފުން ނެގުމަށް އިއުލާން ކުރަމުން ދިޔުން.
  • އެގްޒެކެޓިވް ޑިރެކްޓަރު މުހައްމަދު އަހުމަދުގެ މަސްލަހަތަށް، ކުރާނެ މަސައްކަތެއް ނެތި މުވައްޒަފުންތަކެއް ނެގުން.
  • ބައެއް ވެރިންގެ މަސްލަހަތު އެކުލެވޭ ގޮތަށް ހާޒިރީއަށް ބަދަލު ގެނައުން.
  • ވަކި ބަޔަކަށް ވިޔަފާރި ކޮށްދިނުމަށް ވެލާނާ އިންޓަނޭޝަނަލް އެއާޕޯޓުގައި ގާއިމު ކޮށްފައިވާ ޕޯސްޓް ޝޮޕްގައި މުދާ ބަހައްޓައިގެން ވިއްކައި ދިނުން.
  • މެއިލް އޮޕަރޭޝަން ޑިވިޝަންގެ މުވައްޒަފުން އޮފީހަށް ފޯނު ވެއްދުން މަނާ ކުރުން.
  • އަންދާސީ ހިސާބު ހޯދައިގެން ކުރެވޭ މަސައްކަތްތައް ވެސް ސިންގަލް ސޯސް ކޮށްގެން ކުރަން އިސްކަން ދިނުން.
  • އެގްޒެކެޓިވް ޑިރެކްޓަރު މުހައްމަދު އަހުމަދުގެ ވިިޔަފާރީގެ މަސްލަހަތު ހިމެނޭ ގޮތަށް އީ-ޓުކުރި ޕްލަސްގެ ނަމުގައި ހިދުމަތެއް ތައާރަފް ކުރަން މަސައްކަތް ފެށުން.

ސަރުކާރުގެ އެކި ކުންފުނިތަކަށް ގިނަ އަދަދެއްގެ މުވައްޒަފުން ވަޒީފާއަށް ނަގާ މައްސަލަ ފަހަކަށް އައިސް ބޮޑުވެފައިވާއިރު، މި ސަރުކާރުން މިހާތަނަށް ކުންފުނިތަކަށް 5،000 އެއްހާ މުވައްޒަފުން ވަނީ ނަގާފަ އެވެ. ސަރުކާރުގެ ކުންފުނިތަކުގެ މުވައްޒަފުންނަށް ޕްރޮމޯޝަން ދިނުމާއި، ވަޒީފާއަށް މީހުން ނެގުމުގައި ގެންގުޅޭ ހަމަތަކާ ގުޅޭ ގޮތުން އަންނަނީ ސުވާލު އުފައްދަމުންނެވެ.

ޕީސީބީން ވެސް އަންނަނީ އެތަނުން ސަރުކާރުގެ ކުންފުނިތަކަށް އަންގާފައިވާ އެންގުންތަކަށް އަމަލު ކުރުމަށް ހަނދާން ކޮށްދީ، ހަރަދު ކުޑަ ކުރަން އިސްކަން ދިނުމަށާއި އަހަރީ އާންމު ޖަލްސާ ބޭއްވުމުގައި ވެސް އުސޫލުތަކަށް އަމަލު ކުރުމަށް އަންގާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox