އާރްޓީއައިތަކަށް ޖަވާބު ނުލިބޭތީ ނޫސްވެރިންގެ ކަންބޮޑުވުން

ނޫސްވެރިންތަކެއް، ނޫސްވެރިންގެ ބައްދަލުވުމެއްގައި، އާރްޓީއައި ތަކަށް ޖަވާބު ނުދޭތީ ނޫސްވެރިން ކަންބޮޑުވޭ. ފޮޓޯ: ރައީސް އޮފީސް

ނޫސްވެރިންތަކެއް، ނޫސްވެރިންގެ ބައްދަލުވުމެއްގައި، އާރްޓީއައި ތަކަށް ޖަވާބު ނުދޭތީ ނޫސްވެރިން ކަންބޮޑުވޭ. ފޮޓޯ: ރައީސް އޮފީސް

ރައިޓް ޓު އިންފޮމޭޝަން (އާރްޓީއައި) ގެ ދަށުން މައުލޫމާތު ހޯދަން ދައުލަތުގެ އިދާރާތަކަށް ހުށަހަޅާ ހުށަހެޅުންތަކަށް ނުލިބޭތީ ނޫސްވެރިން ކަންބޮޑުވުން ފާޅުކޮށްފި އެވެ.

"އަދަދު" އާ ވާހަކަ ދެއްކި ބައެއް ނޫސްވެރިން ބުނީ ގާނޫނުގެ ދަށުން ސަރުކާރުގެ އެކި މިނިސްޓްރީތަކާއި ދައުލަތުގެ މުއައްސަސާތަކަށް ޖަވާބު ދިނުން ލާޒިމުކޮށްފައި އޮތް ނަމަވެސް، އެދެވޭ ގޮތެއްގައި ޖަވާބު ލިބެމުން ނުދާ ކަމަށެވެ.

ރާއްޖޭގައި ފާހަގަކޮށްލެވޭ ސީނިއާ ނޫސްވެރިއެއް ކަމަށްވާ އަހުމަދު ޒާހިރު (ހިރިގާ) "އަދަދު" އަށް ވިދާޅުވީ އާރްޓީއައިތަކަށް ޖަވާބު ނުލިބުމަކީ އަބަދުވެސް ކަންބޮޑުވުމެއް ކަމަށާއި މައުލޫމާތު ނުލިބުމުގެ ކަންބޮޑުވުން މިހާރުވެސް އެބަ އޮތް ކަމަށެވެ.

Advertisement

"ޖާނަލިސްޓެއް ގޮތުން މައުލޫމާތު ނުލިބޭ ގޮތަށް ކަންތައްތައް ދިޔުމަކީ ކަންބޮޑުވުމެއް އަބަދުވެސް. އެ ކަންބޮޑުވުން މިހާރު ވެސް އެބަ އޮތް،" ހިރިގާ ވިދާޅުވި އެވެ.

ހުރިހާ ނޫހުގެ އެޑިޓަރު އަބްދުﷲ ޖަމީލް އަހުމަދު ވިދާޅުވީ ހޯދަން ކޮންމެހެން ވެސް މުހިންމު ގިނަ މައުލޫމާތުތައް އާރްޓީއައި ހުށަހެޅުމުން ނުލިބި،އަޑުއެހުމެއް ބާއްވާ ހިސާބަށް ގޮސްފައިވާ ކަމަށެވެ.

އިންފޮމޭޝަން ކޮމިޝަނުން މައުލޫމާތު ދޭން ބުނުމުން ވެސް ބައެއް ތަންތަނުން މައުލޫމާތު ނުދޭކަން ފާޙަގަކުރައްވާ ޖަމީލް ވިދާޅުވީ ވަރަށް އާދައިގެ މައުލޫމާތު ވެސް ނުދީ ހިފަހައްޓާ ކަމަށެވެ.

"ހަމައެކަނި އަނގައިން ބުނެލަނީ ތިމަންނަމެންނަކީ ޓްރާންސްޕޭރެންޓް އަދި ގާނޫނަށް ބޯ ލަނބާ ބައެކޭ. އަމަލަކުން އެކަން ނުފެނޭ. ވަރަށް ސިމްޕަލް މައުލޫމާތު ވެސް ހޯދަން އެދުނީމަ މުއްދަތު ދަންމަ ދަންމާ، ރައީސް އޮފީހުން ވެސް މައުލޫމާތު ނުދީ ހިފަހައްޓާފައި އެބަހުރި ކިތަންމެ ކަމެއްގައި،" ޖަމީލް ވިދާޅުވި އެވެ.

މިހާރުގެ އެޑިޓަރު އަހުމަދު ހަމްދޫން ވިދާޅުވީ އެ ނޫހުގެ ފަރާތުން ހުށަހެޅި ގިނަ އާރްޓީއައި ލިބިފައިވާ ކަމަށާއި ބައެއް އާރްޓީއައިތައް ގައުމީ ސަލާމަތުގެ އުޒުރު ދައްކައި ބައެއް މައުލޫމާތު ނުދޭ ކަމަށެވެ.

"ގައުމީ ސަލާމަތޭ ކިޔައި ބައެއް އެއްޗެހި އެބަ ހުރި ނުލިބި. މިސާލަކަށް ޑިފެންސުން ވެސް، ފައިނޭންސް އެއްޗެހި ވެސް ނުލިބި އެބަހުރި," ހަމްދޫން ވިދާޅުވި އެވެ.

މިހާރުގެ އެޑިޓަރު އާސިމާ ނިޒާރު ބުނީ ހުށަހެޅި ގިނަ އާރްޓީއައިތަކަށް ޖަވާބު ލިބުނު ކަމަށާއި މައުލޫމާތު ހޯދުމަށް އާރްޓީއައި ހުށަހަޅަން ޖެހުމަކީ ކަންބޮޑުވުމެއް ކަމަށެވެ.

"އައިޖީއެމްއެޗްއަށް ހުށަހެޅި އެއްޗަކާއި މަޖިލިސް ރައީސް އަބްދުއްރަހީމް ދިރިއުޅުއްވާ ގެކޮޅުގެ މުވައްޒަފުންގެ އަދަދު ހޯދުމަށް ހުށަހެޅި އާރްޓީއައި އަކަށް ޖަވާބު ނުލިބޭ. އާދައިގެ ކުދި ކުދި ކަން ކަމަށް އަސްލު ނުޖެހޭ އާރްޓީއައި ލާކަށް. އާރްޓީއައި ލާން ޖެހުމަކީ މައްސަލައެއް،" އާސިމާ ބުންޏެވެ.

ވޭތުވެދިޔަ 10 އަހަރުގެ ތެރޭ އާރުޓީއައި ތަކަށް ޖަވާބު ނުލިބިގެން ނުވަތަ ލިބުނު ޖަވާބަކާމެދު ހިތްހަމަ ނުޖެހިގެން ޖުމްލަ 1027 ޝަކުވާއެއް އައިކޮމް އަށް ހުށަހެޅި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox