އެޗްޑީސީގެ މުވައްޒަފުންނަށް ވެސް އަހަރީ ބޯނަސް ދިނުން ލަސްވެއްޖެ

 ހުޅުމާލޭގައި ހުންނަ އެޗްޑީސީގެ މައި އިމާރާތް: އެ ކުންފުނީގެ މުވައްޒަފުންނަށް ކޮންމެ އަހަރެއްގެ ވެސް އޯގަސްޓު މަހުގެ ކުރިން އަހަރީ ބޯނަސް މީގެ ކުރިން ލިބޭ -- ފޮޓޯ: އަދަދު

ހުޅުމާލޭގައި ހުންނަ އެޗްޑީސީގެ މައި އިމާރާތް: އެ ކުންފުނީގެ މުވައްޒަފުންނަށް ކޮންމެ އަހަރެއްގެ ވެސް އޯގަސްޓު މަހުގެ ކުރިން އަހަރީ ބޯނަސް މީގެ ކުރިން ލިބޭ -- ފޮޓޯ: އަދަދު

ހައުސިން ޑިވެލޮޕްމެންޓު ކޯޕަރޭޝަނުގެ މުވައްޒަފުންނަށް ކޮންމެ އަހަރަކު ވެސް ދެމުން އަންނަ އަހަރީ ބޯނަސް ދިނުން މި އަހަރު ލަސްވެއްޖެ އެވެ.

"އަދަދު" އާ ވާހަކަ ދެއްކި އެޗްޑީސީގެ ބައެއް މުވައްޒަފުން ބުނީ ކޮންމެ އަހަރެއްގެ ވެސް އޯގަސްޓު މަހުގެ ކުރިން އަހަރީ ބޯނަސް ލިބޭ ކަމަށެވެ. ނަމަވެސް, މި އަހަރުގެ ބޯނަސް އަދިވެސް ލިބިފައި ނުވާ ކަމަށް އެ މުވައްޒަފުން ބުންޏެވެ.

"ކޮންމެ އަހަރަކު ވެސް ޖޫން ނޫނީ ޖުލައިގައި އާންމުކޮށް ބޯނަސް ލިބޭ، އެކަމަކު އަދިވެސް މި އަހަރުގެ ބޯނަހެއް ނުލިބޭ، ބޯނަހުގެ ވާހަކަ އެހީމަ ބުނަނީ އަދި ނެތެއްނޫން ހެއްޔޭ ބޯނަސް ނުދެވިފައެއް، މި އަންނަ އަހަރު ނަމަވެސް ބޯނަސް ދޭނަމޭ، މިކަހަލަ ޖަވާބު އަންނަނީ،" އެޗްޑީސީގެ މުވައްޒަފަކު ބުންޏެވެ.

އޭނާ ބުނީ އެޗްޑީސީގެ މުވައްޒަފުންނަށް ކޮންމެ އަހަރަކު ވެސް އަހަރީ ބޯނަހުގެ ގޮތުގައި ޑަބަލް މުސާރަ ލިބޭ ކަމަށެވެ. އެގޮތުން މިދިޔަ އަހަރު ވެސް 20،000ރ. އަށް ވުރެ ބޮޑު އަދަދެއް އެ ކުންފުނީގެ ކޮންމެ މުވައްޒަފަކަށް ވެސް އަހަރީ ބޯނަހުގެ ގޮތުގައި ލިބުނު ކަމަށް އޭނާ ބުންޏެވެ.

އެޗްޑީސީއަކީ ސަރުކާރު ހިއްސާވާ ކުންފުނިތަކުގެ ތެރެއިން އެންމެ ބޮޑު ފައިދާއެއް ވާ އެއް ކުންފުންޏެވެ. މިދިޔަ އަހަރު ޖުމުލަ އާމްދަނީގެ ގޮތުގައި 6.4 ބިލިއަން ރުފިޔާ އެ ކުންފުންޏަށް ލިބުނުއިރު، ސާފު ފައިދާގެ ގޮތުގައި 1.5 ބިލިއަން ރުފިޔާ ލިބުނެވެ. މި އަހަރުގެ ފުރަތަމަ ކުއާޓަރު ނިމުނުއިރު، އެޗްޑީސީގައި 1,682 މުވައްޒަފުން ތިބި ކަމަށް ޕީސީބީގެ ތަފާސް ހިސާބުތަކުން ދައްކަ އެވެ.

އެޗްޑީސީން އަހަރީ ބޯނަސް ދިނުން ލަސްވެފައިވާ ސަބަބާ ގުޅޭގޮތުން އެ ކުންފުނީގެ މީޑިއާ އޮފިޝަލާ ސުވާލު ކުރުމުން "އެކަން އޮތް ގޮތެއް ޖެހޭނީ ބަލައިލަން" ކަމަށް ބުނުމަށް ފަހު ޖަވާބެއް ނުދެއްވި އެވެ.

މި ނޫހާ ވާހަކަދެއްކި އެޗްޑީސީގެ މުވައްޒަފަކު ބުނީ ކޮންމެ އަހަރަކު ވެސް އަހަރީ ބޯނަސް ދިނުމަށް ފަހު ބާއްވާ މުވައްޒަފުންގެ އަހަރީ އިވެންޓަށް ވެސް ކުންފުނީގެ ހުރިހާ މުވައްޒަފުންނަށް ދައުވަތު ނުދޭ ކަމަށެވެ.

"އެނުއަލް އިވެންޓަށް ވެސް މި އަހަރު އިންވައިޓް ކުރީ ހަމައެކަނި އެވޯޑު ލިބޭ މީހުންނަށް، ކުރިން ވެއްޖެއްޔާ ހުރިހާ ސްޓާފުންނަށް އިންވައިޓް ކުރާނެ، ބޮޑަށް ގަބޫލު ކުރެވެނީ ބޯނަސް ނުދޭތީ އިންވައިޓް ނުކުރީ ކަމަށް، އެނުއަލް އިވެންޓުގެ ކުރިން އެހެން ނޫނިއްޔާ ބޯނަސް ދޭވިއްޔަ،" އޭނާ ބުންޏެވެ.

އެޗްޑީސީގެ އިތުރުން، އެމްއޭސީއެލް އާއި އެމްޕީއެލްގެ މުވައްޒަފުންނަށް ވެސް އަހަރީ ބޯނަސް ދިނުން ވަނީ ލަސްވެފަ އެވެ. އެ ދެ ކުންފުނީގެ މުވައްޒަފުންނަށް ވެސް ބޯނަސް ލިބޭނެ ދުވަހެއް އަދި ނޭނގޭ ކަމަށް ބުނެ މި ނޫހަށް މައުލޫމާތު ދީފައިވެ އެވެ.

ސަރުކާރު ހިއްސާވާ ބޮޑު ތިން ކުންފުނީގެ މުވައްޒަފުންނަށް އަހަރީ ބޯނަސް ދިނުން ލަސްވެފައިވާއިރު، ދައުލަތުގެ މާލީ ހާލަތު އިންތިހާއަށް ގޯސްވެ ކުންފުނިތަކުގެ ހަރަދު ކުޑަ ކުރަން މިމަހުގެ ތިންވަނަ ދުވަހު ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން ވަނީ އަންގައިފަ އެވެ.

އެ އެންގުމާ އެއްގޮތަށް ބައެއް ކުންފުނިތަކުން މުވައްޒަފުން ވެސް ދަނީ މަދު ކުރަމުންނެވެ. ނަމަވެސް ސަރުކާރުގެ ސިޔާސީ މުވައްޒަފުންގެ ގޮތުގައި ތިބި ބޭފުޅުން މަދު ކުރަން ސަރުކާރުން މަސައްކަތް ނުކުރާތީ އާންމުންގެ ފާޑުކިޔުން ވަނީ ސަރުކާރަށް އަމާޒުވެފަ އެވެ.

ސަރުކާރުގެ ސިޔާސީ މުވައްޒަފުންގެ އަދަދު ރަސްމީކޮށް އަދިވެސް ހާމަ ކޮށްފައި ނުވާއިރު، ސިޔާސީ މަގާމުތަކުގައި 2000 އެއްހައި މުވައްޒަފުން އެބަތިބި ކަމަށް އެކި މަސްދަރުތަކުން "އަދަދު" އަށް ވަނީ ކަށަވަރުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox