ހަފުތާ14 ގައި އިއުލާނު ކުރީ ކުޅުދުއްފުށީ އެއާޕޯޓް ޓާމިނަލް ބޮޑު ކުރަން، އިތުރުވީ ހަޓެއް

ކުޅުދުއްފުށީ އެއާޕޯޓްގެ މުވައްޒަފުން ވައި ޖައްސާލަން ތިބޭ ހަޓް: ޓާމިނަލް ތަރައްގީ ކުރުމުގެ އެއްވެސް މަސައްކަތެއް ނުފެށޭ -- ފޮޓޯ/ އަދަދު

ކުޅުދުއްފުށީ އެއާޕޯޓްގެ މުވައްޒަފުން ވައި ޖައްސާލަން ތިބޭ ހަޓް: ޓާމިނަލް ތަރައްގީ ކުރުމުގެ އެއްވެސް މަސައްކަތެއް ނުފެށޭ -- ފޮޓޯ/ އަދަދު

ރައީސް ޑރ. މުހައްމަދު މުއިއްޒުގެ "ހަފުތާ14" ގައި، ރީޖަނަލް އެއާޕޯޓްސް ކޮމްޕެނީން އެންމެ މުހިންމު ޕްރޮޖެކްޓެއްގެ ގޮތުގައި އިއުލާނު ކުރި ހދ. ކުޅުދުއްފުށީ އެއާޕޯޓްގެ ޓާމިނަލްގެ މަސައްކަތް ދިހަ މަސް ދުވަސްވީއިރު ވެސް ނުފެށޭތީ އެ ރަށު ރައްޔިތުން ޝަކުވާކުރަން ފަށައިފި އެވެ.

ކުޅުދުއްފުށި އެއާޕޯޓްގެ ޓާމިނަލް ބޮޑުކޮށް، އަލުން ތަރައްގީ ކުރުމަށްޓަކައި ޝައުގުވެރިވާ ކުންފުނިތަކުން އެކްސްޕްރެޝަން އޮފް އިންޓަރެސްޓް (އީއޯއައި) ހުށަހެޅުމަށް މި އަހަރުގެ ޖެނުއަރީ، 3 ގައި ރީޖަނަލް އެއާޕޯޓްސް އިން، ހުޅުވާލި ފުރުސަތު އެ މަހުގެ ނުވަ ވަނަ ދުވަހު ހަމަވެއްޖެ އެވެ. ނަމަވެސް މިހާތަނަށް އައިިއިރު، ކުޅުދުއްފުށީގައި ޓާމިނަލްގެ އެއްވެސް މަސައްކަތެއް ނުފަށަ އެވެ.

ކުޅުދުއްފުށި އެއާޕޯޓު މަޝްރޫއުގައި ހިމެނޭ ކަންކަން

  • 11،345 އަކަފޫޓުގެ ޕެސެންޖާ ޓާމިނަލެއް ތަރައްގީކުރުން
  • ޕެސެންޖާ ޓާމިނަލް ސަރަހައްދުގައި ޝޭޑިންއެއް ލުން
  • މި ވަގުތު ބޭނުންކުރެވެމުންދާ ޕެސެންޖާ ޓާމިނަލްގެ ސްޓްރަކްޗާއަށް ގެންނަން ޖެހޭ ބަދަލުތަށް ގެނައުން
  • ޕެސެންޖަރުންނަށް ދެވޭ ހިދުމަތްތައް ފުޅާކުރުމަށް ބޭނުންވާ އެހެނިހެން ތަންތަން ގާއިމްކުރުން

ރީޖަނަލް އެއާޕޯޓްސްއަށް އެކި ފަހަރު މަތިން ގުޅައިގެން ވެސް އެ ޕްރޮޖެކްޓާ ބެހޭ އެއްވެސް މައުލޫމާތެއް ނުލިބުނެވެ. ނަމަވެސް ހަފުތާ14 ގެ ވެބްސައިޓުގައި ވާގޮތުން، ކުޅުދުއްފުށީ އެއާޕޯޓް ޓާމިނަލް ބޮޑުކުރުމުގެ މަސައްކަތް ފެށުން 100 ޕަސެންޓް ވަނީ ހާސިލު ކުރެވިފަ އެވެ.

    "އަދަދު" އަށް އެނގިފައިވާ ގޮތުގައި، އެއާޕޯޓު ޓާމިނަލުގެ މަސައްކަތާއި ގުޅޭ ފަހުގެ އެއްވެސް މައުލޫމާތެއް ކުޅުދުއްފުށީ ސިޓީ ކައުންސިލަށް ވެސް ނުލިބެ އެވެ.

    ކުޅުދުއްފުށީގެ ބައެއް މީހުން ބުނާ ގޮތުގައި އެއާޕޯޓު ތަރައްގީ ކުރުމުގެ އެއްވެސް މަސައްކަތެއް ނުފެށި ވާއިރު، މިދިޔަ ދިހި މަސް ދުވަހުގެ ތެރޭގައި ކުރި ހުންނެވި މެނޭޖަރުގެ ދަށަށް ދެ މެނޭޖަރުން އިތުރުވެ، މުވައްޒަފުން ވައި ޖައްސާލަށް ތިބޭނެ ހަޓެއް ހަދާފައިވާކަން ފާހަގަވެ އެވެ.

    ރީޖަނަލް އެއާޕޯޓްސްގެ އިސްވެރިން މިދިޔަ އަހަރުގެ ޑިސެމްބަރު މަހު ކުޅުދުއްފުށީ ސިޓީ ކައުންސިލާ ބައްދަލުކުރަނީ --  ފޮޓީޯ/ ރީޖަނަލް އެއާޕޯޓްސް
    ރީޖަނަލް އެއާޕޯޓްސްގެ އިސްވެރިން މިދިޔަ އަހަރުގެ ޑިސެމްބަރު މަހު ކުޅުދުއްފުށީ ސިޓީ ކައުންސިލާ ބައްދަލުކުރަނީ -- ފޮޓީޯ/ ރީޖަނަލް އެއާޕޯޓްސް

    ރީޖަނަލް އެއާޕޯޓްސްގެ އިސްވެރިން މިދިޔަ އަހަރުގެ ޑިސެމްބަރު މަހު ކުޅުދުއްފުށީ ސިޓީ ކައުންސިލާ ބައްދަލުކުރަނީ -- ފޮޓީޯ/ ރީޖަނަލް އެއާޕޯޓްސް

    އާރުއޭސީއެލްގެ މެނޭޖިން ޑިރެކްޓަރު އަހުމަދު މުބީން ކުރިން ވިދާޅުވެފައިވާ ގޮތުގައި އޭނާ ކުންފުންޏާ ހަވާލުވި ފުރަތަމަ ދުވަހުން ފެށިގެން ވެސް އެންމެ ބޮޑު އިސްކަމެއް ދީފައިވާ އެއް މަޝްރޫއަކީ ކުޅުދުއްފުށި އެއާޕޯޓަށް ގެންނަންޖެހޭ ބަދަލުތައް ދެނެގަނެ، މަސައްކަތް ފެށުމެވެ.

    މިދިޔަ އަހަރުގެ ޑިސެމްބަރު މަހު، ރީޖަނަލް އެއާޕޯޓްސް ގެ އިސްވެރިން ކުޅުދުއްފުށީ ސިޓީ ކައުންސިލާ ބައްދަލުކޮށް، އެއާޕޯޓުގައި އަޅާ ޓާމިނަލުގެ ކޮންސެޕްޓް ހިއްސާކޮށްފައިވެ އެވެ. އަދި ކުޅުދުއްފުށި އެއާޕޯޓާ އިންވެގެން، ކުޅި ހިމެނޭހެން އުތުރަށް އޮންނަ ހުސްބިން ޓޫރިޒަމަށް ތަރައްގީކުރުމަށް ވެސް ކައުންސިލާއި އެކު އެއްބަސްވުމުގައި ސޮއިކޮށްފައިވެ އެވެ.

    އުތުރުގެ އިގްތިސާދީ މައި ހަބު ކަމަށްވާ ކުޅުދުއްފުށީގައި އެއާޕޯޓެއް ހުޅުވީ ސެޕްޓެމްބަރު، 2018 ގަ އެވެ. އޭރު ވަރަށް އާދައިގެ ފެންވަރަކަށް ހަދައި ހުޅުވި އެ އެއާޕޯޓުގެ ޓާމިނަލާއި ފަޔާ ސްޓޭޝަންގެ މަސައްކަތް ނިންމާ، މޯލްޑިވިއަން އިން ޝެޑިއުލް ދަތުރުތައް ފެށީ އޮގަސްޓު 9، 2019 ގަ އެވެ.

    ކޮމެންޓް

    ފަހުގެ ޚަބަރު

    ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

    ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

    ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

    ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

    ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

    ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

    "ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

    ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

    ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

    ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

    ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

    ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

    ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

    ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

    Newsletter

    Get the latest news delivered straight to your inbox