ފްރާންސާއި އިރާނަށް ނައިބު ރައީސް ކުރެއްވި ދެ ދަތުރަށް 1.8 މިލިއަން ރުފިޔާ ހަރަދުވި

ނައިބު ރައީސް ހުސެއިން މުހައްމަދު ލަތީފު، ރައީސް ޑރ. މުހައްމަދު މުއިއްޒުއާއެކު: ނައިބު ރައީސް ކުރެއްވި ދެ ދަތުރަށް 1.8 މިލިއަން ރުފިޔާ ހަރަދުކޮށްފި --- ފޮޓޯ: ރައީސް އޮފީސް

ނައިބު ރައީސް ހުސެއިން މުހައްމަދު ލަތީފު، ރައީސް ޑރ. މުހައްމަދު މުއިއްޒުއާއެކު: ނައިބު ރައީސް ކުރެއްވި ދެ ދަތުރަށް 1.8 މިލިއަން ރުފިޔާ ހަރަދުކޮށްފި --- ފޮޓޯ: ރައީސް އޮފީސް

ނައިބު ރައީސް ހުސެއިން މުހައްމަދު ލަތީފު ޖުލައި މަހު ފްރާންސްގެ ވެރިރަށް ޕެރިހަށާއި އިރާނުގެ ވެރިރަށް ޓެހްރާންއަށް ކުރެއްވި ރަސްމީ ދެ ދަތުރަށް ދައުލަތުގެ ބަޖެޓުން 1.8 މިލިއަން ރުފިޔާ ހަރަދުވި ކަމަށް ރައީސް އޮފީހުން ބުނެފި އެވެ.

ނައިބު ރައީސް ފްރާންސަށް ވަޑައިގަތީ އެ ގައުމުގައި ކުރިއަށްދިޔަ އޮލިމްޕިކްސް ކުޅިވަރުތައް ހުޅުވުމުގެ ރަސްމިއްޔާތަށެވެ. އިރާނަށް ވަޑައިގެންނެވީ އެ ގައުމުގެ އާ ރައީސް ހުވާކުރެއްވުމުގެ ރަސްމިއްޔާތަށެެވެ.

ރައީސް އަދި ނައިބު ރައީސް ކުރައްވާ ރަސްމީ ދަތުރުތަކުގެ ހަރަދުގެ ތަފުސީލު ހާމަކުރައްވަން ރައީސް މުއިއްޒު ނިންމެވީ މި އަހަރުގެ ކުރީކޮޅު އެވެ. ނަމަވެސް، މީގެ ކުރިން އެކި ހަރަދުތަކަށް ވަކިން ހަރަދުވި މިންވަރު އާންމުކުރިޔަސް މިފަހަރު އާންމުކުރީ ކޮންމެ ދަތުރަކަށް ހަރަދުވި ފައިސާގެ ޖުމްލަ އަދަދު އެކަންޏެވެ.

ރަސްމީ ދަތުރުތަކުގައި ފަސްޓް ކުލާސް ހިޔާރު ނުކުރައްވާނެ ކަމަށް ރައީސް ޑރ. މުހައްމަދު މުއިއްޒު މީގެ ކުރިން ވިދާޅުވެފައިވެ އެވެ. ނަމަވެސް ތަފުސީލު ނުދޭތީ ނައިބު ރައީސް ދަތުރުކުރި އެއާލައިނެއް އަދި ކުލާހެއް ނޭނގެ އެވެ.

ރައީސް އޮފީހުން ބުނީ ނައިބު ރައީސް ޕެރިހަށް ކުރެއްވި ފަސް ދުވަހުގެ ދަތުރުގެ ހަރަދުގެ ގޮތުގައި ހަރަދުކޮށްފައިވަނީ 1،344،127ރ. (އެއް މިލިއަން ތިލް ލައްކަ ސާޅީސް ހަތަރުހާށް އެއްސަތޭކަ ހަތާވީސް ރުފިޔާ) ކަމަށެވެ.

ބައިނަލްއަގުވާމީ އޮލިމްޕިކްސް ކޮމިޓީން މި ދަތުރުގައި ނައިބު ރައީސް ވަނީ އޮލިމްޕިކްސްގައި ރާއްޖެ ތަމްސީލުކުރި އެތްލީޓުންގެ އިތުރުން އެ ގައުމުގައި ދިރިއުޅޭ ދިވެހިންނާ ބައްދަލުކުރައްވާފަ އެވެ. މި ދަތުރުގައި ނައިބު ރައީސް، އެކި ގައުމުތަކުގެ ވަޒީރުންނާ ބައްދަލުކޮށް ކުޅިވަރާއި ފަތުރުވެރިކަން ކުރިއެރުވުމާ ގުޅޭ ގޮތުން މަޝްވަރާކުރެއްވި ކަމަށް ވެސް ރައީސް އޮފީހުން ނޫސްވެރިންނާ ހިއްސާކުރި މައުލޫމާތު ކަރުދާހުގއި ބުނެފައިވެ އެވެ.

އީރާނުގެ އާ ރައީސް މަސްއޫދު ޕެޒެޝްކިއާން ހުވާކުރެއްވި ރަސްމިއްޔާތަށް، ރައީސް މުއިއްޒުގެ މަންދޫބެއްގެ ގޮތުން ނައިބު ރައީސް ވަޑައިގެންނެވީ ޖުލައި 29، ގަ އެވެ.

ދެ ދުވަހުގެ މި ދަތުރަށް ދައުލަތުގެ ބަޖެޓުން ޖުމްލަ 464،617ރ. ހަރަދުކޮށްފައިވެ އެވެ.

ރައީސް އޮފީހުން ބުނި ގޮތުގައި މި ދަތުރުގައި ނައިބު ރައީސް ވަނީ މެދުކެނޑުމަކަށްފަހު 2023 ގައި އީރާނާއެކު ރާއްޖެއިން ގާއިމުކުރި ހާރިޖީ ގުޅުން އިތުރަށް ބަދަހިކުރުމާމެދު އެ ގައުމުގެ އިސްވެރިންނާއެކު މަޝްވަރާކުރައްވާފަ އެވެ. އަދި ނައިބު ރައީސް ވަނީ އެ ގައުމުގައި ތިބި ދިވެހި ކިޔަވާކުދިންނާ ބައްދަލުކޮށް ހުރި ދަތިތައް އޮޅުންފިލުއްވި އެވެ.

ދެ މިލިއަނެއްހާ ރުފިޔާ ހަރަދުކުރައްވާ ނައިބު ރައީސް ރަސްމީ ދެ ދަތުރެއް ކޮށްފައި މިވަނީ ރާއްޖޭގެ އިގުތިސޯދީ ހާލަތު ވަރަށް ބޮޑަށް ގޯސްވެ ސަރުކާރުން ހަރަދުކުޑަކުރަން ނިންމާފައިވަނިކޮށެވެ.

ގައުމުގެ އިގުތިސޯދީ ހާލަތު ގޯސް ކަމަށް ސަރުކާރުން ބުނި ނަމަވެސް، މީގެ ކުރިން ހަފުތާއަކު އެއްފަހަރު އާންމުކުރަމުންދިޔަ މާލީ ހިސާބުތައް އާންމުނުކޮށް ދެމަސްވާން ކައިރިވެފައިވާތީ މާލީ ހާލަތު ގޯސްވެފައިވާ މިންވަރު ސާފެއް ނޫނެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox