ރައީސް މުއިއްޒަށް ދޭނީ 40 މާކްސް، ދައުރު ފުރިހަމަ ކުރެވިދާނެ ކަމަށް ވެސް ޝައްކު: އުމަރު

ކުރީގެ ހޯމް މިނިސްޓަރު އުމަރު ނަސީރު.

ކުރީގެ ހޯމް މިނިސްޓަރު އުމަރު ނަސީރު.

ރައީސް ޑރ. މުހައްމަދު މުއިއްޒު ދޮގު ހައްދަވާލެއް ގިނަވުމުން ދެއްވާނީ 40 މާކްސް ކަމަށާއި، ވެރިކަމުގެ ފަސް އަހަރުގެ ދައުރު ވެސް ފުރިހަމަ ކުރެއްވިދާނެކަމާމެދު މިހާރު ޝައްކު ކަމަށް، ކުރީގެ ހޯމް މިނިސްޓަރު، އަދި ނިމިގެން ދިޔަ ރިޔާސީ އިންތިހާބުގައި އަމިއްލަ ކެންޑިޑޭޓެއްގެ ގޮތުގައި ވާދަ ކުރެއްވި އުމަރު ނަސީރު ވިދާޅުވެއްޖެ އެވެ.

ރާއްޖެ ޓީވީން މިއަދު ގެނެސްދިން "ފަށާއިރު" ޕްރޮގްރާމުގައި އުމަރު ވިދާޅުވީ ވޭތުވެދިޔަ އަށް މަސް ދުވަހުގެ ތަޖުރިބާއަށް ބަލައި، ރައީސް މުއިއްޒަށް އޭނާ ދެއްވާނީ 40 މާކްސް ކަމަށާއި 60 މާކްސް ކަނޑައިލީ ހަދާ ދޮގަށް ކަމަށެވެ.

"މާގިނައިން ދޮގު ހަދަނީ، މާގިނައިން،" އޭނާ ވިދާޅުވި އެވެ.

Advertisement

ހެއްދެވި އެންމެ ބޮޑު ދޮގަކީ އިޒްރޭލް ޕާސްޕޯޓު މަނާކުރާނެ ކަމަށް ވިދާޅުވެ އެކަން ނުކުރެއްވުމާއި، އިންޑިއާ އަސްކަރިއްޔާ ބޭރުކުރާނަމޭ ވިދާޅުވެ އެކަން ނުކުރެއްވުން ކަމަށެވެ. އިތުރު ދޮގުތައް ވެސް ގިނަ ކަމަށް އޭނާ ވިދާޅުވި އެވެ.

މިހެން ކަންކަން ހުރުމުން ވެރިކަމުގެ ދައުރު ރައީސް މުއިއްޒަށް ފުރިހަމަ ކުރެވިދާނެ ކަމާމެދު ޝައްކުކުރާ މީހުން ގިނަ ކަމަށާއި އެގޮތަށް އޭނާ ވެސް ގަބޫލު ކުރައްވާ ކަމަށް އުމަރު ވިދާޅުވި އެވެ. މިދައުރު ފުރިހަަމަ ކުރިޔަސް، އިތުރު ދައުރެއް ރައީސް މުއިއްޒަށް ލިބިވަޑައިނުގަންނަވާނެ ކަމަށް އޭނާ ވިދާޅުވި އެވެ.

"ފެންނަނީ އަޅުގަނޑުމެންގެ ގައުމު ޑިފޯލްޓަކަށް ދާ މަންޒަރު. އެއީ ވަރަށް ބޮޑު ނުރައްކަލަކަށް ވާނެ،" އުމަރު ވިދާޅުވި އެވެ.

ދީނާއި ގައުމިއްޔަތާ ގުޅޭ ގޮތުން ރައީސް މުއިއްޒު ދައްކަވާ ވާހަކަތައް ހިތުގައި ބިންވަޅު ނަގާފައި ނެތް ކަމަށާއި، ގައުމިއްޔަތުގެ ވާހަކަ ވެސް، މިނިވަން ކަމުގެ ވާހަކަ ވެސް އިންޑިއާ ސިފައިންގެ ވާހަކަ ވެސް ރައީސް ޔާމީން މިނިވަންކުރާ ވާހަކަ ވެސް، ދެއްކީ ބާރު ހޯއްދެމަށްޓަކައި ކަމަށް އުމަރު ގަބޫލު ކުރައްވަ އެވެ.

"އެއީ ވަރަށް ޗީޕް ޕޮލިޓީޝަނުން ދެއްތޯ،" އޭނާ ވިދާޅުވި އެވެ. "ފަސް އަހަރު ލިބޭނީ. އެ ނިމުނީ. ޑަސްބިނަށް ދެން ދާން ޖެހޭނީ."

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox