ރައީސް އުޅުއްވަނީ ކައުންސިލްތައް ސައިޒުކޮށް ބާރުތައް މުށުތެރެއަށް ލާން: އެމްޑީޕީ

އެމްޑީޕީން ސިލްސިލާކޮށް ކުރިއަށް ގެންދާ "ހަވަރު ބެރު" ޕްރޮގްރާމް

އެމްޑީޕީން ސިލްސިލާކޮށް ކުރިއަށް ގެންދާ "ހަވަރު ބެރު" ޕްރޮގްރާމް

ލޯކަލް ކައުންސިލްތަކަށް އިންތިހާބުކުރާ ކައުންސިލަރުންގެ އަދަދު މަދު ކުރުމަށް ރައީސް ޑރ. މުހައްމަދު މުއިއްޒުގެ ޕްލޭނަކީ ކައުންސިލްތަކުގެ ބާރު ކަނޑުވާލައި ބާރުތައް މުށުތެރެއަށް ލުން ކަމަށް، އިދިކޮޅު އެމްޑީޕީން ބުނެފި އެވެ.

އެމްޑީޕީން ސަރުކާރުގެ ގޯސްތައް ރައްޔިތުންނަށް ތިލަކޮށްދިނުމަށް ކުރިއަށް ގެންދާ "ހަވަރު ބެރު" ޕްރޮގްރާމްގައި ވާހަކަ ދައްކަވަމުން އެ ޕާޓީގެ ނައިބު ރައީސް ހިސާން ހުސައިން ވިދާޅުވީ ޕީއެންސީ/ޕީޕީއެމްގެ އިސްވެރިންގެ އަބަދުވެސް އޮތީ ބާރުތައް މުށުތެރޭގައި ގެންގުޅުމުގެ ވިސްނުމެއް ކަމަށެވެ.

"މުޅި ގައުމުގައި މި ތިބީ 1،300 އެއްހާ ކައުންސިލަރުން، ސިޔާސީ މުވައްޒަފުންގެ އަދަދު އަޅުގަނޑުމެންގެ ހިސާބުތަކުން ދައްކާ 2،000 އަށް ވުރެ މައްޗަށް އަރައިގެން އުޅޭ ތަން، ރައީސް މުއިއްޒު މި އުޅުއްވަނީ ކައުންސިލްތަކުގެ ސައިޒު ކުޑަކުރާކަށެއް ނޫން، ކައުންސިލްތައް ސައިޒު ކުރަން،" ހިސާން ވިދާޅުވި އެވެ.

ކައުންސިލަރުންގެ އަދަދު މަދުކުރުމުގެ އިތުރުން ދައުލަތުގެ ތެރެއިން ހިނގާ ގޯސްތައް ބެލުމަށް އުފައްދާފައިވާ މިނިވަން މުއައްސަސާތަކުގެ އަދަދު މަދުކުރުމާއި މުއައްސަސާތަކުގައި ތިބޭ މެންބަރުންގެ އަދަދު މަދުކުރުމުގެ ވިސްނުން ގެންގުޅެނީ ވެސް އެ ބޭނުމުގައި ކަމަށް ހިސާން ވިދާޅުވި އެވެ.

"މިނިވަން މުއައްސަސާތައް މަދުވެގެން، މެންބަރުން ގިނަވެގެން ބަދަލުކުރަން އުޅެނީ ބާރުތައް މުށުތެރެއަށް ލާން ވެގެން، އަޅުގަނޑުމެން ފެށި އިސްލާހީ މަސައްކަތަކީ ވެސް އެކަކު މުށުތެރެއަށް ލައިގެން އުޅުނު ބާރުތައް ދޫކޮށްލުން،" ނަވާރަވަނަ ރައްޔިތުންގެ މަޖިލީހުގައި ތުޅާދޫ ދާއިރާ ތަމްސީލްކުރެއްވި މެންބަރު ހިސާން ވިދާޅުވި އެވެ.

ހިސާންގެ ވާހަކައަށް ބާރު ދެއްވަމުން އެމްޑީޕީގެ ކުރީގެ ޑެޕިއުޓީ ޗެއާޕާސަން އަދި ރައްޔިތުންގެ މަޖިލީހުގެ ހުޅުމާލެ ދާއިރާގެ ކުރީގެ މެންބަރު އަލީ ނިޔާޒު ވިދާޅުވީ ވިސްނުމަކީ ސަރުކާރުން އައްޔަންކުރާ މަގާމުތައް އިތުރުކޮށް އިންތިހާބީ މަގާމުތައް މަދުކުރަން ކަމަށެވެ. އޭގެ ބޭނުމަކީ ބާރުތައް މުށުތެރެއަށް ލުން ކަމަށެވެ.

މިހާރު ވެސް ސްޕޯޓްސް މިނިސްޓްރީން ޔޫތު ސެންޓަރުތަކަށް ބައެއް ރަށްރަށުގައި ފަސް މީހުނަށް ވުރެ ގިނައިން ސިޔާސީ މުވައްޒަފުންގެ ގޮތުގައި އައްޔަންކޮށްފައިވާ ކަމަށް ނިޔާޒު ތުހުމަތުކުރެއްވި އެވެ.

އެ މިނިސްޓްރީގައި މެއި 1، ގެ ނިޔަލަށް 195 ސިޔާސީ މުވައްޒަފުން ތިއްބެވެ. އޭގެ ތެރެއިން ރަށްރަށުގައި ކަނޑައަޅާފައިވާ 98 ޔޫތު އެސޯޝިއޭޓުން ހިމެނެ އެވެ. މެއި 1، ގެ ފަހުން ވެސް ޔޫތު ސެންޓަރުތަކަށް ޔޫތު އެސޯސިއޭޓުން އައްޔަންކުރަމުން ވެސް އެބަ ދެ އެވެ.

ސްޕޯޓްސް މިނިސްޓްރީން ކައުންސިލަކަށް ފޮނުވާފައިވާ ސިޓީއެއް ވެސް ނިޔާޒު ވިދާޅުވެފައިވެ އެވެ. ސިޓީއާ ހަވާލާ ދެއްވައި ނިޔާޒު ވިދާޅުވީ އޭގައި އޮންނަނީ ޔޫތު އެސޯޝިއޭޓް މަސައްކަތް ކުރާނެ އޮފީހާއި ކޮމްޕިއުޓާ ސިސްޓަމެއް އެ ކައުންސިލްގެ ވަސީލަތްތަކުން ހަމަޖައްސައިދިނުމަށް ކަމަށެވެ.

"ލޯކަލް ގަވަރުމަންޓް އޮތޯރިޓީން އެބަ ޕުޝްކުރޭ، ސަރުކާރުގެ ސިޔާސީ މުވައްޒަފުން ގެންގުޅޭން އެއްބަސްވުމެއް ހަދަން ވެސް، ކައުންސިލަރުންގެ ބަދަލުގައި މި މީހުން ބައިތިއްބަން އެ އުޅެނީ އެ މީހުން، ކައުންސިލަރަކަށް ލިބޭ މުސާރައަށް ވުރެ މުސާރަ ވެސް ބޮޑު ވާނެ،" ނިޔާޒު ވިދާޅުވި އެވެ.

ސިޔާސީ މުވައްޒަފުން ގިނަވެގެން ގޮސް މާލޭގައި ހުރި މިނިސްޓްރީތަކުގެ އޮފީސްތަކުގައި ޖާގަ ނެތުމުން ރަށްރަށުގެ އޮފީސްތަކުގައި މަސައްކަތްކުރާނެ ޖާގަ ހޯދުމުގެ މަސައްކަތެއްގެ ގޮތުގައި ވެސް އެ މަސައްކަތް ނިޔާޒު ފާހަގަ ކުރެއްވި އެވެ.

ހިސާން ވިދާޅުވީ ލޯކަލް ގަވަނަންސް މިނިސްޓްރީއެއް އުފެއްދުމުގެ ބޭނުމަކީ ވެސް އެއީ ކަމަށެވެ. އެ މިނިސްޓްރީގެ މަސްއޫލިއްޔަތުތަކާއި ލޯކަލް ގަވަރުމަންޓް އޮތޯރިޓީގެ މަސްއޫލިއްޔަތުތަކާ ވެސް ފުށުއަރާ ކަމަށެވެ. އެ މިނިސްޓްރީން އެކަނި ވެސް ހަރަދު ބޮޑު ވެގެން ގޮސްފައިވާ ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox