ހުޅުމާލޭގައި ސާފުތާހިރުކަން ކުޑަ ގޮތަކަށް ކާބޯތަކެތި ތައްޔާރުކުރާ ކަމުގެ ޝަކުވާ ލިބިގެން އެ ތަނެއް ބަލައި އެ ތަން އެޗްޑީސީން ސާފުކޮށްފި އެވެ.
ހުޅުމާލެ ބަލަހައްޓަމުންދާ ކުންފުނި، އެޗްޑީސީން ބުނީ އެއީ އެ އަވަށުގެ ދެވަނަ ފިޔަވަހީގެ ވިނަރެސް ސަރަހައްދުގައިވާ ވަގުތީ ސައިޓެކެވެ.
އެ ތަނުގައި ސާފުތާހިރުކަން ކުޑަކޮށް ކާބޯތަކެތި ތައްޔާރު ކުރަމުންދާ ކަމުގެ ޝަކުވާ ލިބިގެން، އެ ސައިޓުގެ ކޮންޓްރެކްޓަރާ ވާހަކަ ދައްކައި އެ ކަން ހުއްޓުވާފައިވާ ކަމަށް އެ ކުންފުނިން ބުންޏެވެ. އަދި އެ ތަން ވެސް އެ ކުންފުނިން ސާފުކޮށްފައިވާ ކަމަށް ބުންޏެވެ.
އެޗްޑީސީން މި ބަދިގެ ސާފުކުރީ، އެ ތަނަށް "އަދަދު" ގެ ނޫސްވެރިން ގޮސް، އެތަނުގެ ހާލަތު އާންމުންނާ ހަމައަށް ގެނެސްދިން ފަހުންނެވެ.
އެނގިފައިވާ ގޮތުގައި މިއީ ވިނަރެސް ފުލެޓުތަކުގައި މަސައްކަތް ކުރާ ބިދޭސީންނާއި އެއާޕޯޓުގައި މަސައްކަތް ކުރާ ޗައިނާ މުވައްޒަފުންނަށް ކައްކަން ބޭނުންކުރާ ބަދިގެ އެވެ.
