ވިޔަފާރިތަކަށް މައުލޫމާތު ހިއްސާކުރަން މޯލްޑިވްސް އިސްލާމިކް ބޭންކް (އެމްއައިބީ) އިން ބާއްވާ އޯޕަން ޑޭ މިއަދު ފަށައިފި އެވެ.
މީރުމާ ހޮޓަލުގައި ކުރިއަށްދާ އޯޕަން ޑޭގައި ވިޔަފާރިތައް ކުރި އެރުވުމާއި ވިޔަފާރިތަކަށް ފަސޭހައިން ބޭންކިން މުއާމަލާތް ކުރުވޭނެ ގޮތުގެ މައުލޫމާތު ވިޔަފާރިތަކަށް 5:00 ޖަހަންދެން ދޭނެ އެވެ.
އެމްއައިބީން އަންނަނީ އޯޕަން ޑޭގައި ވިޔަފާރިއަކާއި އެކަށޭނެ ފައިނޭންސިން ފެސިލިޓީއާއި ޒަމާނީ ވަސީލަތްތަކުގެ އެހީގައި ބޭންކިން ހިދުމަތް ހޯދުމަށް ހުރި ފުރުސަތުތަކާއި ބެހޭ މައުލޫމާތު ދީ، އެމްއައިބީގައި އެކައުންޓު ހުޅުވަން ބޭނުންވާ ވިޔަފާރިތަކަށް އެކަމާއި ބެހޭ މައުލޫމާތު ދެމުންނެވެ.
އެމްއައިބީގެ އޯޕަން ޑޭގެ ތެރެއިން: ވިޔަފާރިތަކުން އަންނަނީ މައުލޫމާތު ހޯދުމަށް އޯޕަންޑޭއަށް ޒިޔާރަތްކުރަމުން -- ފޮޓޯ: މިރާޝް ނާޝިމް / އަދަދު
މީގެ ކުރިންވެސް އެމްއައިބީއިން ވަނީ އެފަދަ ހަރަކާތްތަށް ކާމިޔާބުކަމާއިއެކު ކުރިޔަށް ގެންގޮސްފަ އެވެ. އެ ހަރަކާތްތަކަށް ވަނީ ބޮޑު ތަރުހީބެއް ވެސް ލިބިފަ އެވެ.
ވިޔަފާރިތަކަށް ފަހި އެމްއައިބީން ޒަމާނީ ވަސީލަތްތަކުގެ އެހީގައި ބޭންކަށް ނުގޮސް ވިޔަފާރިތަކަށް ގިނަ ހިދުމަތްތަކެއް ލިބެއެވެ.
