އޭސީސީން މައުލޫމާތު ސިއްރުކޮށް ހިފަހައްޓާ ސަބަބު:"އެކަން ކުރަނީ މީހުންގެ އަބުރު ކަތިލުމުގެ ފުރުސަތު ނުދޭން"

އޭސީސީގެ ރައީސް ޝާމިލް. އެ އިދާރާއިން ތަހުގީގު ކުރަމުންދާ މައްސަލަތަކާ ގުޅޭ މައުލޫމާތު މީޑިއާތަކާއި ހިއްސާކުރަނީ ހާލަކުން ފަހަރަކު --- ފޮޓޯ: އޭސީސީ

އޭސީސީގެ ރައީސް ޝާމިލް. އެ އިދާރާއިން ތަހުގީގު ކުރަމުންދާ މައްސަލަތަކާ ގުޅޭ މައުލޫމާތު މީޑިއާތަކާއި ހިއްސާކުރަނީ ހާލަކުން ފަހަރަކު --- ފޮޓޯ: އޭސީސީ

އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅާ މައްސަލަތަކާ ގުޅޭ މައުލޫމާތު މީޑިއާތަކާ ހިއްސާ ނުކުރަނީ ތަހުގީގުގެ ނަޒާހަތްތެރިކަން ކަށަވަރުކޮށް އެ މައްސަލަތައް ބޭނުންކޮށްގެން މީހުންގެ އަބުރު ކަތިލުމުގެ ފުރުސަތު ނުދިނުމުގެ ގޮތުން ކަމަށް އެ ކޮމިޝަނުގެ ރައީސް އާދަމް ޝާމިލް މިއަދު ރައްޔިތުންގެ މަޖިލީހުގައި ވިދާޅުވެއްޖެ އެވެ.

ރައްޔިތުންގެ މަޖިލީހުގެ އެސްއޯއީ ކޮމިޓީއަށް މިއަދު އޭސީސީ މެންބަރުން ހާޒިރުކުރި އެވެ. އެއީ ސަރުކާރު ހިއްސާވާ ކުންފުނިތަކާ ގުޅޭގޮތުން ހުށަހަޅާފައިވާ މައްސަލަތަކުގެ މައުލޫމާތު ކޮމިޓީން ހޯދުމަށް ބޭއްވި ބައްދަލުވުމެކެވެ. ކޮމިޓީގެ މުގައްރިރު ބާރަށު ދާއިރާގެ މެންބަރު އިބްރާހިމް ޝުޖާއު ސުވާލު ކުރެއްވީ މައުލޫމާތު އާންމުންނާ ހިއްސާކުރުމާ ގުޅޭ ގޮތުންނެވެ.

"ބައެއް މައްސަލަތަކަކީ އަޅުގަނޑުމެންނަށް އެ މައްސަލަ ތަހުގީގު ކުރަން ފަށާފައި މީޑިއާގައި ބުނަން ވެސް ދަތި. ސަބަބަކީ އެއާ ހެދި އޭގެ ފަހަތަށް އަޅުގަނޑުމެންގެ ތަހުގީގަށް ވަރަށް ބޮޑެތި ގޮންޖެހުންތަކެއް ކުރިމަތިވެދާނެ ކަހަލަ ކަންކަން މެދުވެރިވާ ފަހަރު ވަރަށް ގިނައިން ދިމާވެފައި އެބަހުރި," ޝާމިލް ވިދާޅުވި އެވެ.

Advertisement

ތަހުގީގުތައް ހިންގަމުންދާއިރު ނޫސްތަކުން ސުވާލު ކުރި ނަމަވެސް އަޅައި ނުލައި ތިބެން ޖެހޭ ކަމަށް މައުލޫމާތު ހިފެހެއްޓުން ދިފާއު ކުރައްވައި ޝާމިލް ވިދާޅުވި އެވެ.

"ސަބަބަކީ ތަހުގީގުގެ އިންޓެގްރިޓީ, ނަޒާހަތްތެރިކަން ކަށަވަރު ކުރުމަށްޓަކައި އަޅުގަނޑުމެންގެ މައްޗަށް އޮންނަ ޒިންމާ ކަށަވަރު ކުރަން ކުރާ ކަންކަން އެއީ. އެކަހަލަ ކަންކަން ހުންނާނެ އަޅުގަނޑުމެން ނުބުނެ ހަމަ ތަހުގީގުތައް ހިނގަމުންދާ," އޭސީސީގެ ސިއްރު ސިޔާސަތުގެ ދިފާއު ދެއްވަމުން ޝާމިލް ވިދާޅުވި އެވެ.

ކޮރަޕްޝަނަކީ ވައިޓް ކޮލާ ކްރައިމެއްގެ ގޮތުގައި ބަލާއިރު ބައެއް ފަހަރު މީހުންގެ އަބުރު ކަތިލުމަށްޓަކައި ގަސްތުގައި މައްސަލަ އޭސީސީއަށް ލުމަށް ފަހު ވަގުތުން މީޑިއާއަށް ދޭ ކަމަށް ވެސް އޭނާ ވިދާޅުވި އެވެ. ޝާމިލް ދެކޭ ގޮތުގައި އެ ހިސާބުން މީޑިއާތަކުން އެ ހަބަރު ޖަހަން ގުޅަނީ "މީހުންގެ އަބުރު ކަތިލުމަށް" ކަމަށެވެ.

"އެހެންވެ އަޅުގަނޑުމެން މިދިޔަ މުއްދަތުގެ ތެރޭގައި ހާއްސަކޮށް މިދިޔަ ދެ އިންތިހާބުގެ ތެރޭގައި ތި ބޭފުޅުންނަށް ފާހަގަކުރެވޭނެ އޭސީސީގައި ހުރި މައުލޫމާތު ބޭނުންކޮށްގެން އަޅުގަނޑުމެންނަށް ދަންނަވަން ކެރޭ އެއްވެސް ބޭފުޅެއްގެ އަބުރު ކަތިލިޔަދީފައި ނޯންނާނެ. އެވަރަށް ސަމާލުވެ ތިބީ," ޝާމިލް ވިދާޅުވި އެވެ.

"ނޫސްތަކުން ކަނޑަނޭޅި ހަމަ ކޮންމެ ދުވަހަކު މައްސަލަ ވެއްދުމަށް ފަހު ބައެއް ބޭފުޅުންގެ ވާހަކަ ނޫސްތަކުގައި ޖަހަން މަސައްކަތް ކުރޭ, އޭސީސީއާ ހަވާލާ ދީފައި. އެކަމު އަޅުގަނޑުމެން ވިސްނައިގެން ތިބި ކަމެއް އެއް ކަމަކަށް."

އާންމު ގޮތެއްގައި އޭސީސީއަށް ހުށަހަޅަނީ ރައްޔިތުންގެ ޓެކްސް ފައިސާއިން ހަމަކުރާ, ދައުލަތުގެ ބަޖެޓުން ހަރަދު ކުރާ އިދާރާތަކާއި ކުންފުނިތަކާއި އެ ތަންތަނުގައި އިސްކޮށް އުޅޭ މީހުންގެ މައްސަލަތަކެވެ. މި މީހުންނަކީ ދައުލަތުން މުސާރަ ދޭ މަގާމުތަކުގައި ތިބޭ ޒިންމާދާރު މީހުންނަށް ވާން ޖެހޭއިރު އެފަދަ މީހުންނާ ގުޅޭ މައްސަލަތަކުގެ މައުލޫމާތު އާންމުންނަށް އެނގެން ޖެހެ އެވެ.

އޭސީސީން މިދިޔަ ދެ އިންތިހާބުގައި ވެސް އަމަލުކޮށްފައި ވަނީ މައުލޫމާތު ހިފެހެއްޓުމުގެ ސިއްރު ސިޔާސަތެއްގެ ދަށުންނެނެވެ. އެ ކޮމިޝަނަށް މައްސަލައެއް ހުށަހެޅުނުކަން ކަށަވަރު ކުރުމަށް ގުޅި ނަމަވެސް އެފަދަ ސުވާލުތަކަށް ޖަވާބު ދީފައި ނުވެ އެވެ.

ރާއްޖޭގައި ގާނޫނުއަސާސީ އާއި ގާނޫނުތަކުން އުފައްދާފައިވާ މިނިވަން މުސްތަގިއްލު ކޮމިޝަންތަކުގެ ތެރެއިން އެންމެ ޕާފޯމަންސް ދަށް ކޮމިޝަނަކީ އޭސީސީ އެވެ. މިހާތަނަށް ބޮޑު މައްސަލައެއްގެ ތަހުގީގު ފުރިހަމަކޮށް ދައުލަތަށް ގެއްލިފައިވާ ފައިސާ ހޯދަން އެ ކޮމިޝަނުން ހޯދިފައިވަނީ މަދު ކުރިއެރުމެކެވެ.

އޭސީސީން މައުލޫމާތު ސިއްރު ކުރުމާއި ތަހުގީގުތަކުގެ ހާމަކަން ނެތުމުގެ ސަބަބުން ރައްޔިތުންގެ އިތުބާރު ދުވަހަކު ވެސް އެކޮމިޝަނަށް ނޯވެ އެވެ. ވަކިން ހާއްސަކޮށް ފާއިތުވި ދެ އިންތިހާބުގައި އޭސީސީ "ހިމޭނުން" އޮތުމުގެ ސަބަބުން އާންމުންގެ ފާޑުކިޔުން ވަނީ ވަރަށް ބޮޑަށް އަމާޒުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox