މާރަނގަޅު ގޮތްތައް ހޯއްދަވާނެ ކަަމަށް ވިދާޅުވަމުން ވެރިކަމަށް ވަޑައިގެން "ހިތިބޭހު"ގެ ވާހަކަ ދައްކަވާތީ ފައްޔާޒުގެ ފާޑުކިއުން

އެމްޑީޕީގެ ޗެއާޕާސަން ފައްޔާޒް އިސްމާއިލް; މާރަނގަޅު ގޮތްތައް ހޯއްދަވާނެ ކަަމަށް ވިދާޅުވަމުން ވެރިކަމަށް ވަޑައިގެން "ހިތިބޭހު"ގެ ވާހަކަ ދައްކަވާތީ ފާޑުވިދާޅުވި -- ފޮޓޯ: އެމްޑީޕީ

އެމްޑީޕީގެ ޗެއާޕާސަން ފައްޔާޒް އިސްމާއިލް; މާރަނގަޅު ގޮތްތައް ހޯއްދަވާނެ ކަަމަށް ވިދާޅުވަމުން ވެރިކަމަށް ވަޑައިގެން "ހިތިބޭހު"ގެ ވާހަކަ ދައްކަވާތީ ފާޑުވިދާޅުވި -- ފޮޓޯ: އެމްޑީޕީ

މާރަނގަޅު ގޮތްތައް ހޯއްދަވާނެ ކަަމަށް ވިދާޅުވަމުން ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެން "ހިތިބޭހު"ގެ ވާހަކަ ދައްކަވާތީ އެމްޑީޕީގެ ޗެއާޕާސަން ފައްޔާޒު އިސްމާއިލް ފާޑުވިދާޅުވެއްޖެ އެވެ.

ރާއްޖޭގެ އިގުތިސާދީ ހާލަތު މިވަގުތު އޮތް ގޮތް ސަރުކާރުން ހާމަ ކުރަންޖެހޭ ކަމަށާއި މިހާރު ދިމާވެފައި އޮތް އިގުތިސާދީ ހީނަރުކަމުން އަރައިގަތުމަށް ހިތި ބޭހެއް ބޯންޖެހޭ ނަމަ އެކަން ވެސް ރައްޔިތުންނަށް ސަރުކާރުން ސާފުކޮށްދޭން ޖެހޭ ކަމަށް މަޖިލީހުގެ ނައިބު ރައީސް، އަހުމަދު ނާޒިމް ވަނީ ވިދާޅުވެފަ އެވެ.

ދައުލަތުގެ ހަރަދުކުޑަކޮށް، މާލީ ހާލަތު ހަމައަކަށް އަޅުވަން އަޅާ ގިނަ ފިޔަަވަޅުތަކެއް ސަރުކާރުން ވަނީ އޭގެ ފަހުން ހާމަކޮށްފަ އެވެ. އޭގެ ތެރޭގައި ރައްޔިތުންނަށް މާލީ ގޮތުން ބޮޑެތި އަސަރުތަކެއް ކުރާނެ ކަންތައްތައް ހިމެނެ އެެވެ. ސަރުކާރަށް ތާއީދުކުރާ މީހުން އެހުރިހާ ކަމެއް ގުޅުވަނީ ކުރީ ސަރުކާރާ އެވެ.

Advertisement

ސަރުކާރުގެ އެ އެޖެންޑާއަށް ރައްދު ދެއްވަން ފައްޔާޒު މިއަދު އެކްސްގައި ކުރެއްވި ޕޯސްޓެއްގައި ހިއްސާކުރެއްވީ ރިޔާސީ އިންތިހާބުގެ ކެމްޕެއިނުގައި ރައީސް މުއިއްޒު ދެއްކެވި ވާހަކައެއްގެ ވީޑިއޯ އެކެވެ. އެއާ އެކު ވިދާޅުވީ "ރައްޔިތުން ރައީސް މުއިއްޒަށް ވޯޓުދިނީ ކުރީ ސަރުކާރާ މެދު ދެއްކެވި ވާހަކަތަކަށް ބަލައި ގެން" ކަމަށެވެ.

ރައްޔިތުންނަށް މާ ރަނގަޅު ގޮތެއް ތިމަން މަނިކުފާނު ހޯއްދަވައި ދެއްވާނޭ ކަމާއި އެކަންކަން ކުރައްވަން އެނގިވަޑައިގަންނަވާ ކަމަށް ކެންޕޭނުގައި ވިދާޅުވުމުންކަން ފާހަގަކުރަައްވާ ފައްޔާޒް ވިދާޅުވީ އޭރު ހިތިބޭހުގެ ވާހަކައެއް ނުދައްކަވާ ކަމަށެވެ. އަދި ހިތިބޭސް ދީގެން ކޮންމެ މީހަކަށްވެސް ކަންކަން ކުރެވިދާނެ ކަމަށް އޭނަ ވިދާޅުވި އެވެ.

ވީޑިއޯގައި ރައީސް ވިދާޅުވީ ކަންކަން ކުރެވޭ ވަރަށް ކޮންމެ މަހަކު ވެސް ދައުލަތަށް ފައިސާ ވަންނަ ކަމަށާއި, ނަމަވެސް ކުރީ ސަރުކާރުން ކަންކަން 'މިސް-މެނޭޖު' ކުރަނީ ކަމަށެވެ. އޭގެ މިސާލެއްގެ ގޮތުގައި އެމަނިކުފާނު އޭރު ދެއްކެވީ, ކުރީ ސަރުކާރުން ކުރަން ނުޖެހޭ ހަރަދުތައް ކުރުމާއި, އިސްކަން ދޭންވާ ކަންކަމަށް އިސްކަން ނުދިނުމުގެ އިތުރުން ފައިސާ ޗާޕު ކުރުމާއި މުސާރަ ދިނުމަށްޓަކައި ލޯނު ނެގުމެވެ.

އެމްޑީޕީ ސަރުކާރުން އޮތީ މައިގަނޑު އިގްތިސޯދީ އަސާސްތައް އެކޮޅުކޮޅުން ޖަހާފައިކަން ފާހަގަކޮށް ރައީސް ވިދާޅުވީ އެމަނިކުފާނު ވަޑައިގަންނަވާނީ އިގްތިސޯދީ ހާލަތު ހަމައަކަށް އަޅުވަން ކަމަށެވެ.

"ފައިސާ ޗާޕު ކުރުން ނިމުމަކަށް ގެނެސް, އަދި ދައްކަން ހުރި ލޯނުތަކަށް ފައިސާ ހޯދޭނެ ގޮތްތައް އެބަހުރި ފަހިވެފައި, މިހާރު ވެސް ގަތް ރަހްމަތްތެރި ބައެއް ދިމަ ދިމާލުން އެބަހުރި ގްރީން ސިގްނަލް ލިބިފައި, މިހުރި ބޮޑެތި ލޯނުތައް ރީފައިނޭންސް ކުރެވޭނެ ގޮތްގޮތް. ހަމަ ހަގީގަތުގައި ވެސް އަޅުގަނޑުމެންގެ އެއްވެސް ކަންބޮޑުވުމެއް ނެތް ރާއްޖޭގެ މިއޮތް އިގްތިސޯދީ ހާލަތު ހައްލު ކުރުމުގެ," ކެމްޕޭނު ޖަލްސާގައި އެމަނިކުފަނު ވިދާޅުވި އެވެ.

ރައީސް ވިދާޅުވީ އިލްމީ ނަޒަރިއްޔާއިން ބައްލަވާފައި މެނުވީ ރައްޔިތުން ކައިރިއަށް ވަޑައިގެން އެފަދަ ވައުދުވެ ވަޑައިނުގަންނަވާނެ ކަމަށެވެ.

އެހެން ނަމަވެސް, ރާއްޖެއިން ބޭރުގެ ފަރާތްތަކުން ނަގާފައިވާ ދަރަނިތައް ނުދެއްކޭނެ ކަމަށް ބަލައި އެމެރިކާގެ ކްރެޑިޓް ރޭޓިން އޭޖެންސީ, ފިޗުން ވަނީ އެ އެޖެންސީގެ ރާއްޖޭގެ ރޭޓިން މިއަހަރު "ސީސީސީ ޕްލަސް" އަށް ދަށްކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox