ޕްރިޒަންސް ކޮމިޝަނަރުގެ ރަސްމީ ދަތުރަކަށް ވިޔަފާރިވެރިންގެ އެހީ ހޯދައިފި

ޕްރިޒަންސްގެ އިސްވެރިން މެލޭޝިއާއަށް ކުރި ރަސްމީ ދަތުރުގެ ތެރެއިން ކޮމިޝަނަރު، ޒަރީރުއާއި އޭނާގެ އަނބިކަނބަލުން -- ފޮޓޯ: ސޯޝަލްމީޑިއާ

ޕްރިޒަންސްގެ އިސްވެރިން މެލޭޝިއާއަށް ކުރި ރަސްމީ ދަތުރުގެ ތެރެއިން ކޮމިޝަނަރު، ޒަރީރުއާއި އޭނާގެ އަނބިކަނބަލުން -- ފޮޓޯ: ސޯޝަލްމީޑިއާ

މެލޭޝިއަން ޕްރިޒަންސް ޑިޕާޓުމެންޓާއެކު މަޝްވަރާ ބައްދަލުވުމެއް ބޭއްވުމަށާއި އަމަލީ ތަޖުރިބާ ހޯދުމަށް ޓަކައި، މެލޭޝިއަން ޕްރިޒަންސް އިން ބަލަހައްޓަމުން ގެންދާ ޖަލަކަށް ޒިޔާރަތް ކުރުމަށް މޯލްޑިވްސް ޕްރިޒަންސްގެ އިސްވެރިންނާއެކު މެލޭޝިއާއަށް ކުރި ރަސްމީ ދަތުރަކަށް ޕްރައިވެޓު ކުންފުނިތަކާއި ޕްރިޒަންސްގެ މުވައްޒަފުންގެ އަތުން ޑޮނޭޝަން ނަގައިގެން ހިންގާ ޕްރިޒަންސް ކުލަބުން ސްޕޮންސާ ހޯދައިފި އެވެ.

އެ ދަތުރުގައި މޯލްޑިވްސް ޕްރިޒަންސް ސާވިސްގެ ފަރާތުން ވަޑައިގެންނެވީ އެ އިދާރާގެ ކޮމިޝަނަރު ހަސަން ޒަރީރުއާއި އިސްވެރިންނެވެ. ނަމަވެސް އެ ދަތުރުގައި ޒަރީރުގެ އަނބިކަނބަލުން، ވެސް ބައިވެރިވެވަޑައިގެންނެވިކަން މެލޭޝިއަން ޕްރިޒަންސް އިން ސޯޝަލް މީޑިއާގައި އާންމު ކުރި ފޮޓޯތަކުން އެނގެ އެވެ. މެލޭޝިއަން ޕްރިޒަންސް ޑެޕާޓުމެންޓުގެ އިސްވެރިންނާއެކު ބައެއް ފޮޓޯތައް ވެސް ކޮމިޝަނަރުގެ އަނބިކަނބަލުން ނަންގަވައިފައިވެ އެވެ.

އެކަމާ ގުޅޭގޮތުން "އަދަދު" އިން ކުރި ސުވާލަކަށް ޖަވާބުދެއްވަމުން ދެއްވަމުން ޕްރިޒަންސްގެ ކޮމިޝަނަރު، ހަސަން ޒަރީރު ވިދާޅުވީ އެ ދަތުރުގައި އަނބިކަނބަލުން ބައިވެރިވެވަޑައިގެންނެވީ އޭނާގެ އަމިއްލަ ހަރަދުގައި ކަމަށެވެ.

"އަޅުގަނޑުގެ އަމިއްލަ ހަރަދުގައި އެއީ އިނގޭތޯ؟" އޭނާ ވިދާޅުވި އެވެ.

"އަދަދު" އަށް ލިބިފައިވާ ލިޔެކިޔުންތަކުން އެނގޭ ގޮތުގައި ޕްރިޒަންސް ކޮމިޝަނަރުގެ ދަތުރަށް ސްޕޮންސާ ހޯދާފައި ވަނީ މާފުށީ ޖަލުގައި ތިބޭ ގައިދީންނަށް ކޭޓާ ކޮށްދޭ މޭނާ ކޭޓަރިން ޕްރައިވެޓް ލިމިޓެޑާއި ޕްރިޒަންސްގެ ސްޓާފުންގެ ކޮއްތު ކޭޓާ ކޮށްދޭ އަރޭނާ އިންވެސްޓްމެންޓް މެނޭޖުމަންޓް ލިމިޓެޑާއި ޕޮލްކޯއާއި ޕްރިސްކޯ ގުޅިގެން އުފައްދާފައިވާ ޖޮއިންޓް ވެންޗާ، ޕަރެސްކޯ ޕްރައިވެޓް ލިމިޓެޑާއި ޕްރިޒަންސް މުވައްޒަފުންގެ އަތުން ޑޮނޭޝަން ނަގައިގެން ހިންގާ ޕްރިޒަން ކުލަބުންނެވެ.

މެލޭޝިއާއަށް ކުރި ދަތުރުގެ ހަރަދަށް އެ ތިން ކުންފުންޏާއި ޕްރިޒަންސް ކުލަބުން މުޅި ޖުމުލަ 8715 ޑޮލަރު މޯލްޑިވްސް ޕްރިޒަންސް ސާވިސަސްއިން ހޯދަން އެދިފައިވެ އެވެ.

ޕްރިޒަންސްގެ ދަތުރަށް ފައިސާ ހޯދުމަށް އެދިފައި ވަނީ:

  • މޭނާ ކޭޓަރިން ޕްރައިވެޓް ލިމިޓެޑް - ތިން މީހެއްގެ ހުރުމާއި ކެއުމަށް 2575 ޑޮލަރު (މީހަކަށް 858.33 ޑޮލަރު)
  • ޕްރިޒަންސް ކްލަބު - ދެމީހެއްގެ ދެކޮޅު ޓިކެޓަށް 1256 ޑޮލަރު ހުރުމާއި ކެއުމަށް 2184 ޑޮލަރު ޖުމުލަ 3440 ޑޮލަރު
  • އަރޭނާ އިންވެސްޓްމެންޓް މެނޭޖުމެންޓް ލިމިޓެޑް - ދެމީހެއްގެ ހުރުމާއި ކެއުމަށް 1350 ޑޮލަރު (މީހަކަށް 675 ޑޮލަރު)
  • ޕަރެސްކޯ ޕްރައިވެޓް ލިމިޓެޑް - ދެ މީހެއްގެ ހުރުމާއި ކެއުމަށް 1350 ޑޮލަރު (މީހަކަށް 675 ޑޮލަރު)

މީގެ ތެރެއިން ޕަރެސްކޯ އަށާއި އަރޭނާގެ އިތުރުން މޭނާ ކޭޓަރިންއަށް ޕްރިޒަންސްއިން ސިޓީ ފޮނުވާފައި ވަނީ އޭޕްރިލް 24، 2024 ގަ އެވެ. ޕްރިޒަންސް ކްލަބަށް ސިޓީ ފޮނުވާފައި ވަނީ އޭޕްރިލް 18، 2024 ގަ އެވެ.

ސިޓީތަކުގައި ސޮއިކޮށްފައި ވަނީ ސުޕްރިޓެންޑެންޓް އޮފް ޕްރިޒަންސް، އިބްރާހިމް ނާޝިދުއާއި ޑެޕިއުޓީ ކޮމިޝަނާ އޮފް ޕްރިޒަންސް، އިބްރާހިމް މުހައްމަދު ދީދީ އެވެ.

މެލޭޝިއާ ދަތުރަށް ސްޕޮންސާ ހޯދަން ސިޓީ ފޮނުވި ކަމަށް އެއްބަސްވެވަޑައިގެން ޒަރީރު ވިދާޅުވީ އެ ދަތުރުގެ ހަރަދުތައް ހަމަޖެއްސީ ޕްރިޒަންސްއިން ސިޓީ ފޮނުވި ތަންތަނުން ސްޕޮންސަރުގެ ގޮތުގައި ލިބުނު ފައިސާއިން ކަމަށެވެ.

"ސްޕޮންސާސް ލިބިގެން އަޅުގަނޑުމެން ގޮސްފައި ހުންނާނީ އިނގޭތޯ، ސްޕޮންސާ ލިބިގެން ގޮސްފައި ހުންނާނީ އިނގޭތޯ؟ އޭގެ ތަފުސީލު ލިބިވަޑައިގަންނަވާނެ ހަމަ އޭގައި އަޅުގަނޑުމެން ފޮރުވަންޖެހޭ އެއްވެސް ކަމެއް ނޯންނާނެތާ،" ޒަރީރު ވިދާޅުވި އެވެ.

ޕްރައިވެޓު ކުންފުނިތަކާއި ޕްރިޒަންސް ކުލަބުން ހަރަދު ހޯދައިގެން ޕްރިޒަންސްގެ ދަތުރެއް ކޮށްފައިވާއިރު، މި އަހަރަށް ފާސްކުރި ބަޖެޓުގައި ވަނީ ކަރެކްޝަނަލް ސާވިސަސް ހިންގުމަށް 406,472,153ރ. ހިމަނައިފަ އެވެ.

އެ އަދަދުގެ އިތުރުން ވެސް ޕްރިޒަންސްއަށް ބޭރުގެ އެކި ފަރާތްތަކުން އެހީތައް ލިބެ އެވެ. މީގެ ކުރިން އެ އިދާރާގެ ދަތުރުތައް ހަމަޖައްސަނީ ދައުލަތުން ދޭ ފައިސާގެ އިތުރުން ބޭރުގެ އެކި ފަރާތްތަކުން ލިބޭ އެހީގެ ތެރެއިން ކަމަށް އެކަމުގެ މައުލޫމާތު އެނގޭ މީހަކު "އަދަދު" އަށް ކިޔައިދިނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox