ބޮސްނިއާ ގަރާރަށް ވޯޓު ނުދީ ހަގީގަތް އޮޅުވާލަން ސަރުކާރުން މަސައްކަތް ކުރާތީ ކަންބޮޑުވޭ، އެކަމުގައި ޖަވާބުދާރީ ކުރުވާނަން: ފައްޔާޒު

May 27, 2024, 3:48 PM
ފައްޔާޒް: ވިދާޅުވީ މަޖިލީހުން ސަރުކާރު ޖަވާބުދާރީ ކުރުވާނެ ކަމަށް -- ފޮޓޯ: އަދަދު ފައިލް

ފައްޔާޒް: ވިދާޅުވީ މަޖިލީހުން ސަރުކާރު ޖަވާބުދާރީ ކުރުވާނެ ކަމަށް -- ފޮޓޯ: އަދަދު ފައިލް

ބޮސްނިއާގެ ގަތުލުއާންމުގެ ހަނދާން ކޮންމެ އަހަރު އާކުރުމަށް އދ. ގެ އާންމު މަޖިލީހަށް ހުށަހެޅި ގަރާރަށް ރާއްޖޭން ތާއިދު ނުކޮށް، އެ ވޯޓުގެ ހަގީގަތް އޮޅުވައިލުމަށް ރައީސް ޑރ. މުހައްމަދު މުއިއްޒުގެ ސަރުކާރުން އިންތިހާއަށް މަސައްކަތް ކުރަމުން ގެންދާތީ ކަންބޮޑުވާ ކަމަށާއި، އެ ކަންކަމުގައި ރައްޔިތުންގެ މަޖިލީހުގައި އެމްޑީޕީ ތަމްސީލުކުރާ މެންބަރުން މެދުވެރިކޮށް ސަރުކާރު ޖަވާބުދާރީ ކުރުވާނެ ކަމަށް، އެންމެ ބޮޑު އިދިކޮޅު ޕާޓީ، އެމްޑީޕީގެ ޗެއާޕާސަން ފައްޔާޒު އިސްމާއީލް މިރޭ ވިދާޅުވެއްޖެ އެވެ.

ފައްޔާޒު "އަދަދު" ނޫހަށް ވިދާޅުވީ ބޮސްނިއާގެ ގަރާރަށް އިސްލާމީ މި ދިވެހިރާއްޖޭން ވޯޓު ނުދީ، އެ ވޯޓާ ގުޅޭ ގޮތުން ދިވެހި ރައްޔިތުންނަށް ހަގީގަތް އޮޅުވައިލުމަށް ސަރުކާރުން މަސައްކަތް ކުރުމަކީ ފިނޑި އަދި ލަދުވެތި ކަމެއް ކަމަށެވެ.

"ސަރުކާރުން ބުނަމުން އެދަނީ އިސްލާމީ ގިނަ ގައުމުތަކުގެ ތާއިދު އެކަމަށް ނެތް ކަމަށް. އެއީ ކަނޑައެޅިގެން ބުހުތާނު ދޮގެއް. އދ. އާންމު މަޖިލީހުގެ އެ ވޯޓުގައި ބައިވެރިވި އިސްލާމީ ގައުމުތަކުގެތެރެއިން ގިނަ ގައުމުތަކުން ގަރާރު ފާސްކުރަން ވޯޓު ދީފައިވޭ،" އެމްޑީޕީގެ ސަރުކާރުގައި އިކޮނޮމިކް މިނިސްޓަރުކަން ކުރެއްވި ފައްޔާޒު ވިދާޅުވި އެވެ.

"ކީއްވެތޯ ހަގީގަތާ ކުރިމަތި ނުލާންވީ، ގޯސްތަކެއް އުޅޭތީވެ، ހަގީގަތާ ހިލާފު ވާހަކަތައް ފަތުރަން މަސައްކަތް އެ ކުރަނީ. އެކަން އަޅުގަނޑު މަޖިލީހުގެ މެންބަރުން މެދުވެރިކޮށް ބަލާނަން."

މާދަމާ ފަށާ 20 ވަނަ ރައްޔިތުންގެ މަޖިލީހުގައި އޮތީ ޕީއެންސީގެ ސުޕަ މެޖޯރިޓީ އެވެ. އެ މަޖިލީހުގައި އެމްޑީޕީ ތަމްސީލުކުރަނީ 12 މެންބަރުންނެވެ.

ބޮސްނިއާގައި 1995ގައި އެތައް ހާސް މުސްލިމުންނެއް މަރާލައި، ހިންގި ގަތުލުއާންމުގެ ހަނދާން އާކުރާ ދުވަހެއްގެ ގޮތުގައި ކޮންމެ އަހަރެއްގެ ވެސް 11 ޖުލައި ހަމަޖައްސަން، އދ. އާންމު މަޖިލީހުގައި ވޯޓު ނެގީ މެއި 23, 2024 ގަ އެވެ.

އެ ގަރާރު ފާސް ކުރީ 84 ގައުމުގެ ތާއީދާއެކު އެވެ. ގަރާރު ފާސް ކުރުމާ ދެކޮޅަށް ވޯޓު ދިނީ އެންމެ 19 ގައުމެވެ. ނަމަވެސް އެއްވެސް ކޮޅަކަށް ވޯޓުނުލާ 68 ގައުމެއް ތިއްބެވެ. ރާއްޖެއިން ވީ "އެބްސްޓެއިން" އެވެ. އެއީ ވަކި ގޮތަކަށް ވޯޓު ނުދިނުމެވެ.

އިސްލާމީ ގިނަ ގައުމުތައް ހިމެނޭ ޖަމްއިއްޔާ އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގައި ހިމެނޭ 57 ގައުމުގެ ތެރެއިން ބޮސްނިއާ ގަރާރުގެ ވޯޓުގައި ބައިވެރިވީ 48 ގައުމަކުންނެވެ. އެ ވޯޓުގައި ބައިވެރި ނުވަނީ އދ. ގެ އާންމު މަޖިލީހުގައި ނުހިމެނޭ ފަލަސްތީނުގެ އިތުރުން، އައިއޯސީގެ އިތުރު އަށް ގައުމެކެވެ.

ގަރާރު ފާސްކުރަން އައިއޯސީގެ 26 ގައުމަކުން ވޯޓު ދިން އިރު، އެއީ ވޯޓުގައި ބައިވެރިވި 54 ޕަސެންޓެވެ. ރާއްޖެ ހިމެނޭހެން ވަކި ކޮޅަކަށް ވޯޓު ނުދިނީ 19 ގައުމަކުންނެވެ. އަދި ގަރާރު ފާސްކުރަން ނުފެންނަ ކަމަށް ބުނެ "ނޯ" ބަޓަންއަށް ފިތީ ތިން ގައުމަކުންނެވެ. އެ ވޯޓުގައި އައިއޯސީގެ އަށް ގައުމަކުން ބައިވެރިއެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox