ނުރައްކާތެރި "ޗައިނާ ވައިޓް" އިދާރާތަކުގެ ސަމާލުކަމަށް އައީ ދެ މަރަށް ފަހު، ޓެސްޓްކުރެވޭކަށް އަދި ނެތް

ނެޝަނަލް ޑްރަގް އެޖެންސީ: ރާއްޖޭގައި ޗައިނާ ވައިޓް ބޭނުންކުރާ ކަމަށާއި، އޮތް މިންވަރު ބަލަން ޓެސްޓުކުރަން ފަށާނެ ކަމަށް ވަނީ ބުނެފައި -- ފޮޓޯ؛ އަދަދު

ނެޝަނަލް ޑްރަގް އެޖެންސީ: ރާއްޖޭގައި ޗައިނާ ވައިޓް ބޭނުންކުރާ ކަމަށާއި، އޮތް މިންވަރު ބަލަން ޓެސްޓުކުރަން ފަށާނެ ކަމަށް ވަނީ ބުނެފައި -- ފޮޓޯ؛ އަދަދު

ނުރައްކާ ބާވަތެއް ކަމަށްވާ ފެންޓަނީލް-ލޭސްޑް ޑްރަގްސް (ޗައިނާ ވައިޓް) ބޭނުންކުރާ ކަން ކަމާ ބެހޭ އިދާރާތަކުގެ ސަމާލުކަމަށް އައީ މަރުވެފައި އޮތް ދެމީހެއްގެ ހަށިގަނޑު މާލޭގެ ދެ ގެއެއްގެ ތެެރެއިން ފެނުނު ފަހުން ކަމާއި އެ ބާވަތުގެ ޑްރަގަށް މީހުން ޓެސްޓްކުރެވެން ރާއްޖޭގައި އަދި ނެތް ކަން އެނގިއްޖެ އެވެ.

ނެޝަނަލް ޑްރަގް އެޖެންސީ (އެންޑީއޭ) ގެ ސީއީއޯ އިމާދު ސޯލިހު "އަދަދު" އަށް ވިދާޅުވީ ރާއްޖޭގައި މަސްތުވާތަކެތީގެ ނުރައްކާ ބާވަތެއް ކަމަށްވާ ޗައިނާ ވައިޓް ބޭނުންކުރާ ކަމަށާއި، ބޭނުންކުރާ މިންވަރު ދެނެގަންނަން ޓެސްޓުކުރަން ވަރަށް އަވަހަށް ފަށާނެ ކަމަށެވެ.

އިމާދު ސޯލިހު "އަދަދު" އަށް ވިދާޅުވީ ރާއްޖޭގައި ޗައިނާ ވައިޓު ބޭނުންކުރާކަން އެންޑީއޭގެ ކްލައިންޓުންގެ ފަރާތުން އެ އެޖެންސީގެ ސަމާލުކަމަށް އައިސްފައިވާތާ ހަފްތާއެއް ވެފައިވާ ކަމަށާއި، އެކަމާ ގުޅިގެން އަޅަން ޖެހޭ ފިޔަވަޅުތައް ހޯމް މިނިސްޓްރީއާއި މުއައްސަސާތަކާ ގުޅިގެން ކުރަމުން އަންނަ ކަމަށެވެ.

Advertisement

ހޯމް މިނިސްޓްރީން އެކަން އާންމުންގެ ސަމާލު ކަމަށް ގެނައީ ވެސް އެކަމުގައި ކަންބޮޑުވާން ޖެހޭ ކަންތައްތަކެއް ހުރުމުން ހޭލުންތެރި ކުރުވުމަށް ކަމަށާއި، އެކަން ރާއްޖޭގައި އޮތް މިންވަރު ދެނެގަތުމަށް މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެެވެ.

"ފަރުވާދޭ ކްލައިންޓުންގެ ފަރާތުން، ހާއްސަކޮށް މެތަޑޯންގެ ފަރުވާދޭއިރު އަޅުގަނޑުމެންނަށް ކްލައިންޓުންގެ ފަރާތުން މި މަސްތުވާތަކެތި ބޭނުންކުރާކަން ވަނީ ސަމާލުކަމަށް އައިސްފައި،" އިމާދު ބުންޏެވެ.

ރާއްޖޭގައި މި ޑްރަގަށް ޓެސްޓުކުރެވޭނެ ގޮތެއް ނެތްކަން ފާހަގަކުރައްވާ އިމާދު ވިދާޅުވީ ކުރިއަށް އޮތް ދުވަސްތަކުގައި ޓެސްޓު ކިޓުތައް ރާއްޖެ ގެނެސް ޓެސްޓުކުރަން ފަށާނެ ކަމަށާއި، އެއާއެކު ރާއްޖޭގައި މި ޑްރަގް އޮތް މިންވަރު ދިރާސާއެއްގެ ގޮތުގައި އެނގިގެން ދާނެ ކަމަށެވެ.

" އަޅުގަނޑުމެން މިދަނީ ތައްޔާރުވަމުން ސީދާ މިކަމުގެ މިހާރު ގްރެވިޓީ އޮތް މިންވަރު ދެނެގަތުމަށްޓަކައި ޓެސްޓު ކުރުމުގެ މަސައްކަތްތަކެއް އަޅުގަނޑުމެން ވަރަށް އަވަހަށް ފަށާނަން ރަނގަޅު ސާމްޕަލްއަކާ އެކީގައި. އޭރުން ދިރާސާއެއްގެ ގޮތުގައި އަޅުގަނޑުމެންނަށް އެނގޭނެ ބުނަން ނިސްބަތެއް މިދެންނެވި ބާވަތުގެ މަސްތުވާއެއްޗަށް. ލަސްތަކެއް ނުވެ ފަށާނަން. އެއަށް ބޭނުންވާނެ ކިޓާއި ސާމާންތައް ވެސް އަޅުގަނޑުމެންނަށް ސީދާ ލިބިގެން މިކަން ކުރިއަށް ގެންދެވޭނީ. އެކަން އަޅުގަނޑުމެން ކުރިއަށް ގެންދަން،" އިމާދު ވިދާޅުވި އެެވެ.

އައިޖީއެމްއެޗްގެ އެތެރެ ހަށީގެ ޑރ. މުހައްމަދު އަލީ "އެކްސް" ގައި ކުރެއްވި ޕޯސްޓެއްގައި ވިދާޅުވީ އައިޖީއެމްއެޗުގައި އިންފެކްޓްވެގެން އެޑްމިޓުކުރާ ބައެއް ބަލިމީހުން ޗައިނާ ވައިޓް ބޭނުންކުރި ކަމަށް ބުނަމުން އަންނަ ކަމަށެވެ.

މިކަމަށް އަވަސް ފިޔަވަޅު އެޅުމަށް ގޮވާލައި ޑރ. މުހައްމަދު އަލީ ވިދާޅުވީ އަވަސް ފިޔަވަޅު ނާޅައިފިނަމަ އޭގެ ގެއްލުން ކުރިއަށް އޮތް ދުވަސްތަކުގައި ދައްކާނެ ކަމަށެވެ.

ޗައިނާ ވައިޓް ދުނިޔޭގެ މާކެޓުގައި އުފައްދާ އަދި ދައުރުވާ މިންވަރު އިތުރުވެފައިވާތީ ފިޔަވަޅުތައް އަޅަމުން އަންނަ ކަމަށް ހޯމް މިނިސްޓްރީން ވަނީ މިއަދު ބުނި އެވެ.

ހޯމް މިނިސްޓްރީން ބުނީ ޗައިނާ ވައިޓަކީ ބާރުގަދަ ކެމިކަލްތަކެއް އެއްކޮށްގެން އުފައްދާފައިވާ އެއްޗެއް ކަމަށާއި، މަސްތުވާތަކެތީގެ އެ ބާވަތުން ފުރާނައަށް ނުރައްކާވާ ކަމަށެވެ.

"މިކަމާ ގުޅިގެން އަޅަން ޖެހޭ ފިޔަވަޅުތަކާއި ކުރަންޖެހޭ މަސައްކަތްތައް، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީއާއި ނެޝަނަލް ޑްރަގް އެޖެންސީ އަދި މިކަމާ ގުޅުންހުރި އެންމެހާ މުއައްސަސާތައް ގުޅިގެން މިދަނީ ކުރަމުން،" ހޯމް މިނިސްޓްރީން ބުންޏެވެ.

ރާއްޖޭގައި ސިންތެޓިކް ޑްރަގަށް ދޭނެ ވަކި ފަރުވާއެއް މިހާތަނަށް ހަމަޖެހިފައި ނުވެ އެވެ. މިގޮތުން އެފަދަ މަސްތުވާއެއްޗެއް ބޭނުންކުރާ ފަރާތްތަކަށް ފަރުވާގެ ނިޒާމުގެ ތެރެއަށް ވައްދައިގެން ކައުންސިލިންގެ އިތުރުން ދޭންޖެހޭ ސައިކޯ ސަޕޯޓު ދެ އެވެ.

ރާއްޖޭގައި ފަހަކަށް އައިސް ކުއްލި މަރުތައް ގިނަވާން ފަށާފައިވާއިރު، މިދިޔަ ދެ ހަފްތާ ތެރޭގައި ވެސް ވަނީ ގޮތް ނޭގޭ މަރުތަކެއް ހިނގާފަ އެވެ. އެކަމާ ގުޅޭ މާ ބޮޑު ތަފްސީލްތަކެއް ފުލުހުން ހާމައެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox