ލަންޑަން (މެއި 23) - ވެސްޓް ހޭމް ޔުނައިޓެޑްގެ ކޯޗަކަށް ސްޕެއިންގެ ޖޫލިއަން ލޮޕެޓެގީ ހަމަޖައްސައިފި އެެވެ.
ލޮޕެޓެގީ، ވެސްޓް ހޭމްގެ ކޯޗަކަށް ހަމަޖެއްސީ މި ސީޒަނަށް ފަހު ޑޭވިޑް މޮއިސް އެ ޓީމުން ވަކިވުމުންނެވެ. މޮއިސް އަށް މަގާމު ގެއްލޭނެކަން ސީޒަނުގެ ފަހު މެޗުތަކުގެ ތެރޭގައި ވެސް ވަނީ އެނގިގެން ގޮސްފަ އެވެ. އެއީ ވެސްޓް ހޭމްގެ މެނޭޖްމަންޓުން ލޮޕެޓެގީއާ މަޝްވަރާތައް ފެށި ހިސާބެވެ.
ކުރިން ރެއާލް މެޑްރިޑާއި ސެވިއްޔާ އާއި ޕޯޓޯ އަދި ސްޕެއިންގެ ގައުމީ ޓީމަށް ލޮޕެޓެގީ ކޯޗުކޮށްދިނެވެ. އޭނާ ވަނީ ސެވިއްޔާއާ އެކު 2019 ވަނަ އަހަރުގެ ޔޫރޮޕާ ލީގު ކަމިޔާބުކޮށްފަ އެވެ.
ލޮޕެޓެގީ ،57، އެންމެ ފަހުން ކޯޗުކޮށްދިނީ ވުލްވްސް އަށެވެ. އެއީ 2023/2022 ވަނަ އަހަރުގެ ސީޒަންގަ އެވެ.
މިދިޔަ ސީޒަންގެ މޮއިސްގެ އިރުޝާދުގެ ދަށުން ޔުއޭފާ ކޮންފަރެންސް ލީގު ވެސްޓް ހޭމް އިން ކާމިޔާބުކުރި ނަމަވެސް، މި ސީޒަންގައި އެ ޓީމުގެ ނަތީޖާތައް ދަށްވުމުން މޮއިސް އަށް ޕްރެޝަަރު ބޮޑުވި އެވެ.
