ވިއެޓްނާމްގެ އާ ރައީސަކަށް ގައުމުގެ ޕަބްލިކް ސެކިއުރިޓީ މިނިސްޓަރު ޓޯ ލަމް، 66, ނޮމިނޭޓްކޮށްފި އެވެ.
ވިއެޓްނާމްގެ ނިއުސް އެޖެންސީ (ވީއެންއޭ) އިން ބުނީ ވިއެޓްނާމްގެ ކޮމިއުނިސްޓް ޕާޓީން އިއްޔެ ބޭއްވި ބައްދަލުވުމެއްގައި އެ ގައުމުގެ އާ ރައީސަކަށް ލަމް ގެންނަން ނިންމާފައިވާ ކަމަށެވެ.
އެ ނިންމުން ވިއެޓްނާމްގެ ގާނޫނު ހަދާ މަޖިލީހުން ރަސްމީކޮށް ނިންމާނީ އަންނަ ހަފުތާގަ އެވެ.
ޕަބްލިކް ސެކިއުރިޓީ މިނިސްޓަރުކަމާ 2016 ގައި ހަވާލުވެވަޑައިގެންނެވި ލަމްއަކީ ވިއެޓްނާމްގައި އިންސާނީ ހައްގުތަކަށް ވަރަށް ބޮޑަށް ވަކާލާތު ކުރައްވާ ބޭފުޅެކެވެ.
ވިއެޓްނާމްއަށް އާ ރައީސަކު އައްޔަނު ކުރަން ޖެހިފައިވަނީ އެ މަގާމުގައި ހުންނެވި ވޯވަން ތޮންއަށް ކުރެވުނު ކޮރަޕްޝަންގެ ތުހުމަތުތަކާއެކު އިސްތިއުފާ ދެއްވުމާ ގުޅިގެންނެވެ.
މިދިިޔަ މަހު ފަހުކޮޅު ވިއެޓްނާމްގެ ގާނޫނު ހަދާ މަޖިލީހުގެ ރައީސް ވުއޮންގް ޑިންހް ވެސް ވަނީ އޭނާގެ މައްޗަށް ކުރެވޭ ކޮރަޕްޝަން ތުހުމަތުތަކާ ގުޅިގެން މަގާމުން އިސްތިއުފާ ދެއްވާފަ އެވެ.
