ރައީސް ވިދާޅުވި ގޮތަށް ރޯދަ މަހުގެ ބިލުތަކުން ޑިސްކައުންޓު ނުލިބޭ ކަމަށް ސަރުކާރުން އެއްބަސްވެއްޖެ

ރައީސް އޮފީހުގެ ޗީފް ސްޕޯކްސްޕާސަން ހީނާ ވަލީދު: ރައީސް ވިދާޅުވި ގޮތަށް ޔުޓިލިޓީ ޑިސްކައުންޓު ނުލިބޭ ކަމަށް ވިދާޅުވި --- ފޮޓޯ: ރައީސް އޮފީސް

ރައީސް އޮފީހުގެ ޗީފް ސްޕޯކްސްޕާސަން ހީނާ ވަލީދު: ރައީސް ވިދާޅުވި ގޮތަށް ޔުޓިލިޓީ ޑިސްކައުންޓު ނުލިބޭ ކަމަށް ވިދާޅުވި --- ފޮޓޯ: ރައީސް އޮފީސް

ކަރަންޓާއި ފެން ބިލުތަކުން ޑިސްކައުންޓު ލިބުނު ކަމަށް ބުނެ ދުވަސްތަކެއް ވަންދެން އެކަން ދިފާއުކުރުމަށް ފަހު، ރައީސް ވިދާޅުވި ގޮތަށް ރޯދަ މަހު ބޭނުންކުރި ކަރަންޓާއި ފެނަށް ބިލުތަކުން ޑިސްކައުންޓު ނުލިބޭ ކަމަށް ސަރުކާރުން މިއަދު އެއްބަސްވެއްޖެ އެވެ.

ރައީސް އޮފީހުގެ ޗީފް ސްޕޯކްސްޕާސަން ހީނާ ވަލީދު "އެކްސް" ގައި ކުރެއްވި ޕޯސްޓެއްގައި، ރައީސް ވައުދުވެވަޑައިގެންނެވީ ރޯދަ މަހު ބޭނުންކުރި ކަރަންޓާއި ފެން ބިލުތަކުން ލުޔެއް ހޯއްދަވައިދެއްވަން ކަމަށް އެއްބަސްވެވަޑައިގެން، ވިދާޅުވީ އެކަން ރަނގަޅު ކުރުމުގެ މަސައްކަތް ފަށާފައިވާ ކަމަށެވެ.

އެގޮތުން ފެނާއި ކަރަންޓުބިލުތަކުން، "ރައީސް މުއިއްޒު އެދިވަޑައިގެންނެވި ގޮތަށް، ލުއިދެވިފައި ނުވާކަން ފާހަގަކުރެއްވޭތީ"، އެކަން ހައްލުކުރަން ކަމާއިބެހޭ ފަރާތްތަކަށް ރައީސް އަންގަވާފައިވާ ކަމަށް ހީނާ ލިޔުއްވާފައިވެ އެވެ.

Advertisement

ހީނާ މިހެން ވިދާޅުވުމުގެ އިރުކޮޅެއް ކުރިން ޔުޓިލިޓީ ކުންފުނިތަކުން ވަނީ ރޯދަ މަހު ބޭނުންކުރި ކަރަންޓާއި ފެނަށް ޑިސްކައުންޓު ލިބޭގޮތަށް ބިލުތައް މުރާޖައާކުރުމުގެ މަސައްކަތް ފަށާފައިވާ ކަން އިއުލާންކޮށްފަ އެވެ.

ޔުޓިލިޓީ ބިލުތަކުން ދިން ޑިސްކައުންޓު ނުލިބޭ ކަމަށް ބުނެ އާންމުންގެ ޝަކުވާތައް ގިނަވީ، ރޯދަ މަހުގެ ގިނަ ދުވަސްތައް ނުހިމެނޭ ގޮތަށް ކަރަންޓު ބިލުތަކުން ޑިސްކައުންޓު ދިން މައްސަލައިގަ އެވެ. ސޯޝަލް މީޑިއާގައި މިކަމުގެ ކަންބޮޑުވުން ފާޅުކުރި ބައެއް މީހުން ބުނީ ޑިސްކައުންޓު ލިބުނު ބިލު އާންމު މަހެއްގެ ބިލަށް ވުރެ މާ ބޮޑު ކަމަށެވެ.

އާންމުން މި ކަންބޮޑުވުންތައް ފާޅުކުރަން ފެށުމުން ފުރަތަމަ ސަރުކާރުން މަސައްކަތް ކުރީ ޑިސްކައުންޓު ދިން ގޮތް ދިފާއުކުރާށެވެ. އެގޮތުން ސްޓެލްކޯ އާއި ފެނަކައިގެ އެމްޑީންނާއެކީ އާދިއްތަ ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި، ޑިސްކައުންޓު ދިނީ ރަނގަޅަށް ކަމަށް ސަރުކާރުން ބުނެފައިވެ އެވެ.

ބިލުތައް ބޮޑުވީ އަނެއް ސަބަބެއް ކަމަށް ޔުޓިލިޓީ ކުންފުނިތަކުން ބުނީ މި އަހަރު އާދަޔާ ހިލާފަށް ހޫނު ދުވަސްވަރަކާ ރޯދަ މަސް އިއްތިފާގުވުމުންނެވެ. ނިމުނު މާޗު އަދި އޭޕްރީލްގެ ތެރޭގައި ޖައްވުގެ ހޫނުމިން ރެކޯޑު އަދަދުތަކަށް އިތުރުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox