ރައީސް އޮފީހަށް ފޯނު ވެއްދުން ނޫސްވެރިންނަށް މަނާކުރުމުން ގިނަ ބައެއްގެ ފާޑުކިޔުން ސަރުކާރަށް!

ރައީސް އޮފީހުގެ އިސް ތަރުޖަމާނު ހީނާ ވަލީދު : ރައީސް އޮފީހަށް ފޯނު ވެއްދުން ނޫސްވެރިންނަށް މަނާކުރުމުން ގިނަ ބައެއްގެ ފާޑުކިޔުން ސަރުކާރަށް އަމާޒުވެއްޖެ - ފޮޓޯ: ރައީސް އޮފީސް

ރައީސް އޮފީހުގެ އިސް ތަރުޖަމާނު ހީނާ ވަލީދު : ރައީސް އޮފީހަށް ފޯނު ވެއްދުން ނޫސްވެރިންނަށް މަނާކުރުމުން ގިނަ ބައެއްގެ ފާޑުކިޔުން ސަރުކާރަށް އަމާޒުވެއްޖެ - ފޮޓޯ: ރައީސް އޮފީސް

މިއަދަށް ފަހު ރައީސް އޮފީހުގައި ބާއްވާ ނޫސްވެރިންގެ ބައްދަލުވުންތަކުގައި ބައިވެރިވާ ނޫސްވެރިންގެ ފޯނު އެ އޮފީހަށް ވެއްދުން މަނާކުރުމުން ގިނަ ބަޔަކު ސަރުކާރަށް ފާޑުކިޔަން ފަށައިފި އެވެ.

ތިން މަސްދުވަހުގެ މެދުކެނޑުމަކަށް ފަހު، ރައީސް އޮފީހުގައި ނޫސްވެރިންގެ ބައްދަލުވުމެއް ބާއްވަން ތާވަލުކުރީ މިއަދު ހެދުނު 11:00 ގަ އެވެ. ފޯނު ވެއްދުން މަނާ ކަމަށް ރައީސް އޮފީހުން އެންގީ ނޫސްވެރިން އެ ބައްދަލުވުމަށް ދިއުމުންނެވެ. ނަމަވެސް، ކުރިން އެންގިފައި ނެތުމުން މިއަދު ވަނީ ފޯނު ވެއްދުމުގެ ހުއްދަ ދީފަ އެވެ.

ރައީސް އޮފީހުގެ އިސް ތަރުޖަމާނު ހީނާ ވަލީދު، ނޫސްވެރިންގެ ބައްދަލުވުމުގައި ވިދާޅުވީ ފޯނު ނުވެއްދެނީ ރައީސް އޮފީހުގެ ސަލާމަތީ ޕްރޮޓޮކޯލްގެ ދަށުން ނިންމާފައިވާ ނިންމުމެއްގެ ދަށުން ކަމަށެވެ. އެކަން އެމްއެންޑީއެފުންވެސް ކަށަވަރުކޮށްދިނެވެ.

އެގޮތަށް އުސޫލު ހެދުމުން ސޯޝަލް މީޑިއާގައި ދަނީ ގިނަ ބަޔަކު ކަންބޮޑުވުން ފާޅުކުރަމުންނެވެ. ކަންބޮޑުވުން ފާޅުކުރި ބައެއް މީހުން ބުނީ އެއީ ނޫސްވެރިކަމުގެ މިނިވަންކަމަށް އެޅޭ ހުރަހެއް ކަމަށެވެ.

"މިއީ ބަލައިގަނެވޭނެ ކަމެއް ނޫން، ނޫސްވެރިންނަށް އެ މީހުންގެ ނިއުސް ރޫމާ މުއާމަލާތް ކުރެވޭނެ ފުރުސަތު އޮންނަންވާނެ" ކުރީ ސަރުކާރުގެ ތަރުޖަމާނުގެ ގޮތުގައި ހުންނެވި މިއުވާން މުހައްމަދު އެކްސްގައި ލިޔުއްވި އެވެ.

"މިއީ ފަހަތަށް އެޅި ފިޔަވަޅެއް ކަމަށް ދެކެން،" އަދި "މިއީ ފަހަތަށް އެޅުނު ފިޔަވަޅެއް،" ފަދަ އެތައް ފާޑުކިޔުމުގެ ބަހެއް ސޯޝަލް މީޑިއާގައި ދަނީ ދައުރުވަމުންނެވެ.

ގިނަ ބަޔަކު ފާހަގަކުރި ގޮތުގައި މިއީ ޑިމޮކްރަސީގެ ހަތަރުވަނަ ބާރު ކަމަށް ބަލާ ނޫސްވެރިކަމަށް މި ސަރުކާރުން ސީދާ ގޮތެއްގައި ހުރަސް އަޅަން ކުރި ކަމެކެވެ. އަދި މިއީ ހުދުމުހުތާރު ވެރިކަންކުރާ، އުތުރު ކޮރެއާ ފަދަ ގައުމުތަކުގެ މިސާލުން ނެގޭފަދަ އަމަލެއް ކަމަށްވެސް ބައެއް މީހުން ސިފަކުރި އެވެ.

އިދިކޮޅު ޕާޓީއެއްގެ ގޮތުގައި ހަރަކާތްތެރިވާ ޕީއެންއެފްއިންވެސް ވަނީ ރައީސް އޮފީހަށް ނޫސްވެރިންނަށް ފޯނު ވެއްދުން މަނާކުރުން ކުށްވެރިކޮށް، ކަންބޮޑުވުން ފާޅުކޮށްފަ އެވެ.

އެޕާޓީގެ ވަގުތީ ސެކްރެޓަރީ ޖެނެރަލް މުހައްމަދު މަލީހު ޖަމާލް "އެކްސް" ގައި ކުރެއްވި ޕޯސްޓެއްގައި ވިދާޅުވީ ނޫސްވެރިންގެ ބައްދަލުވުމަށް ފޯނު ވެއްދުން މަނާކުރުން ތަހުޒީބީ ދުނިޔޭގައި ދެކޮޅު ނުޖެހޭ ކަމަށެވެ.

ރާއްޖޭގެ ގާނޫނުއަސާސީގައި ހާއްސަކޮށް ބިންވަޅު ނަގާފައިވާ ނޫސްވެރިކަމުގެ ހައްގަށް އުނިކަން އަންނަ ގޮތަށް ކުރާ އެންމެހާ އަމަލުތައް ޕީއެންއެފްގެ ފަރާތުން ކުށްވެރިކުރާ ކަމަށް މަލީހު ވިދާޅުވި އެވެ.

"ރައީސް އޮފީހަށް ވަންނަ ނޫސްވެރިންނަށް ފޯނުފަދަ ވަސީލަތްތައް ވެއްދޭ ގޮތަށް އަލުން ހުއްދަ ދެއްވާ ރައްޔިތުންނާއި ގުޅުންހުރި ކަންކަމުގެ މައުލޫމާތު މިހާރަށްވުރެ ހާމަކަން ބޮޑުކޮށް ދޭތެރެ ކައިރިކޮށް ދިނުމަށް ވެސް ގޮވާލަން،" މަލީހް ވިދާޅުވި އެވެ.

މީގެކުރިންވެސް ރައީސް އޮފީހަށް އެކި ބައްދަލުވުންތަކަށް ދާ މީހުންނަށް ފޯނު ނުވެއްދުނު ނަމަވެސް ނޫސްވެރިންނަށް އެ ފުރުސަތު ދެ އެވެ. ސަބަބަކީ ފޯނަކީ އެފަދަ ބައްދަލުވުންތަކުގައި ދޭ މައުލޫމާތާ ގުޅިގެން ފޮލޯއަޕް ސުވާލު ކުރުމަށް ކުރަންޖެހޭ ކުރު ދިރާސާތައް ކުރުމަށް މުހިންމު އާލާތަކަށް ވުމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox