އަމިއްލަ ގޮތުން އިންތިހާބުވި ޕީއެންސީގެ މެމްބަރުން އަލުން އެ ޕާޓީއަށް ސޮއިކޮށްފި

ޕީއެންސީއާ ގުޅުން އަމިއްލަ ގޮތުން ވާދަކޮށް ކާމިޔާބުކުރި ކެންޑިޑޭޓުން. އެ ޕާޓީއަށް މަޖިލީހުގެ ސުޕަ މެޖޯރިޓީ ވަނީ ކަށަވަރު ކުރެވިފައި --- ފޮޓޯ: ޕީއެންސީ

ޕީއެންސީއާ ގުޅުން އަމިއްލަ ގޮތުން ވާދަކޮށް ކާމިޔާބުކުރި ކެންޑިޑޭޓުން. އެ ޕާޓީއަށް މަޖިލީހުގެ ސުޕަ މެޖޯރިޓީ ވަނީ ކަށަވަރު ކުރެވިފައި --- ފޮޓޯ: ޕީއެންސީ

ރައްޔިތުންގެ މަޖިލީހުގެ އިންތިހާބުގައި އަމިއްލަ ގޮތުން ވާދަކޮށް ކާމިޔާބުކުރި ހަ އިންތިހާބީ މެންބަރުން ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް އަލުން ސޮއިކޮށްފި އެވެ.

ޕީއެންސީގެ ރަސްމީ އެކްސް އެކައުންޓުގައި ވަނީ މުލިއާގޭގައި އެ ބޭފުޅުން ރައީސްއާއެކު ނަންގަވާފައިވާ ފޮޓޯއެއް ހިއްސާކޮށް އެ ޕާޓީއަށް "ސޮއި ކޮށްފައިވާ" ކަމަށް ހާމަކޮށްފަ އެވެ. ނަމަވެސް, މީގެ ތެރެއިން ފަސް ބޭފުޅުންނަކީ މަޖިލިސް އިންތިހާބުގައި އަމިއްލަ ގޮތުން ވާދަކުރި ނަމަވެސް ޕީޕީއެމް/ޕީއެންސީގެ ދަފްތަރުގައި ނަން އޮތް ބޭފުޅުންނެވެ.

ޑރ. އަނާރާ ނައީމް - ހުރާ ދާއިރާ

ޕީއެންސީގެ ފޯމު އަނާރާ ރައީސް މުއިއްޒުއާ ހަވާލުކުރައްވަނީ. އޭނާ ވަނީ މީގެކުރިނަ މަކުނުދޫ ދާއިރާގެ މެމްބަރުކަން ކުރައްވާފައި --- ފޮޓޯ: ޕީއެންސީ
ޕީއެންސީގެ ފޯމު އަނާރާ ރައީސް މުއިއްޒުއާ ހަވާލުކުރައްވަނީ. އޭނާ ވަނީ މީގެކުރިނަ މަކުނުދޫ ދާއިރާގެ މެމްބަރުކަން ކުރައްވާފައި --- ފޮޓޯ: ޕީއެންސީ

ޕީއެންސީގެ ފޯމު އަނާރާ ރައީސް މުއިއްޒުއާ ހަވާލުކުރައްވަނީ. އޭނާ ވަނީ މީގެކުރިނަ މަކުނުދޫ ދާއިރާގެ މެމްބަރުކަން ކުރައްވާފައި --- ފޮޓޯ: ޕީއެންސީ

Advertisement

ޕީއެންސީން ބޭއްވި މަޖިލިސް ޕްރައިމަރީގައި ހުރާ ދާއިރާއަށް އޭނާ ވާދަކުރެއްވި އެވެ. ޕްރައިމަރީން ބަލިވުމާ އެކު އޭނާ އިންތިހާބަށް ނުކުތީ އަމިއްލަ ގޮތުން ރައީސް މުއިއްޒުގެ ކެންޑިޑޭޓެއްގެ ގޮތުގަ އެވެ.

ހުރާ ދާއިރާގެ ގޮނޑި އޭނާ ކާމިޔާބު ކުރެއްވީ 769 ވޯޓުންނެވެ. އެންމެ ގާތުން ވާދަކުރީ ޕީއެންސީ ޕްރައިމަރީން އަނާރާގެ މައްޗަށް ކުރި ހޯދި އަބްދުالله ވާރިޝް އެވެ. އޭނާއަށް ލިބުނީ 686 ވޯޓެވެ.

އަށާވަރަވަނަ މަޖިލީހުގައި މަކުނުދޫ ދާއިރާގެ ގޮނޑި އަދާލަތު ޕާޓީގެ ޓިކެޓުގައި ވާދަކޮށް ފުރުއްވި އަނާރާ ނަވާރަވަނަ މަޖިލީހަށް ވެސް ވާދަކުރެއްވި އެވެ. ނަމަވެސް, އިންތިހާބު ކާމިޔާބު ނުކުރެއްވެ އެވެ.

ހަސަން ޒަރީރު - މަތިވެރި ދާއިރާ

ޒަރީރުގެ ފޯމް ރައީސްއާ ހަވާލުކުރައްވަނީ. އޭނާ ނަވާރަވަނަ މަޖިލީހަށް އިންތިހާބުވީ އެމްޑީޕީގެ ޓިކެޓުގައި --- ފޮޓޯ: ޕީއެންސީ
ޒަރީރުގެ ފޯމް ރައީސްއާ ހަވާލުކުރައްވަނީ. އޭނާ ނަވާރަވަނަ މަޖިލީހަށް އިންތިހާބުވީ އެމްޑީޕީގެ ޓިކެޓުގައި --- ފޮޓޯ: ޕީއެންސީ

ޒަރީރުގެ ފޯމް ރައީސްއާ ހަވާލުކުރައްވަނީ. އޭނާ ނަވާރަވަނަ މަޖިލީހަށް އިންތިހާބުވީ އެމްޑީޕީގެ ޓިކެޓުގައި --- ފޮޓޯ: ޕީއެންސީ

މަތިވެރި ދާއިރާގެ ގޮނޑިއަށް ދެވަނަ ދައުރަކަށް ޒަރީރު އިންތިހާބުވީ 927 ވޯޓުންނެވެ. އެންމެ ގާތުން ވާދަކުރެއްވި ޕީއެންސީގެ ކެންޑިޑޭޓު, އަބްދުالله ލުތުފީ އަށް ލިބުނީ 849 ވޯޓެވެ. ޕީއެންސީގެ ކެންޑިޑޭޓެއް ހުރި ނަމަވެސް ރައީސްގެ ތާއީދު އޮތީ ޒަރީރަށެވެ.

ނަވާރަވަނަ މަޖިލީހަށް އޭނާ އިންތިހާބުވީ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޓިކެޓުގަ އެވެ. ނަމަވެސް, އެ ޕާޓީން ވަކިވެ ރައީސް މުއިއްޒު ވެރިކަމާ ހަވާލުވެވަޑައިގަތުމާ އެކު ޕީއެންސީއަށް ބަދަލުވި އެވެ. މިއަދު "ސޮއިކުރި" އިރުވެސް އޭނާ މަޖިލީހުގައި ތަމްސީލު ކުރަމުން ދަނީ ޕީއެންސީ އެވެ.

އަހްމަދު ޒަމީރު - މައްޗަންގޮޅި މެދު ދާއިރާ

ޒަމީރުގެ ފޯމް ރައީސްއާ ހަވާލުކުރައްވަނީ. އޭނާއަކީ މިވަގުތު ވެސް މާލެ ސިޓީ ކައުންސިލުގެ މެމްބަރެއް --- ފޮޓޯ: ޕީއެންސީ
ޒަމީރުގެ ފޯމް ރައީސްއާ ހަވާލުކުރައްވަނީ. އޭނާއަކީ މިވަގުތު ވެސް މާލެ ސިޓީ ކައުންސިލުގެ މެމްބަރެއް --- ފޮޓޯ: ޕީއެންސީ

ޒަމީރުގެ ފޯމް ރައީސްއާ ހަވާލުކުރައްވަނީ. އޭނާއަކީ މިވަގުތު ވެސް މާލެ ސިޓީ ކައުންސިލުގެ މެމްބަރެއް --- ފޮޓޯ: ޕީއެންސީ

ޕީއެންސީގެ އެތެރޭގެ ޕްރައިމަރީގައި ވެސް ޒަމީރު ވާދަކުރެއްވި އެވެ. ޒަމީރަށް ލިބިވަޑައިގަތީ 127 ވޯޓެވެ. ޕްރައިމަރީ ކާމިޔާބު ކުރި ކެންޑިޑޭޓު، މުހައްމަދު އަބްދުލްޣާދިރު (ކުކޫ) އަށް 174 ވޯޓު ލިބުނެވެ. ރައީސް މުއިއްޒު ސޮއިކުރައްވައި، ޕީއެންސީގެ ޓިކެޓު ވެސް ކުކޫއަށް ދިނެވެ.

ނަމަވެސް, އިންތިހާބުގެ ކެމްޕޭނުގެ ތެރެއިން ކޫކު ވަނީ ޒަމީރަށް ތާއިދުކޮށް ފަހަތަށް ޖެހިފަ އެވެ. އެއީ ރައީސް މުއިއްޒުގެ ތާއިދު ޒަމީރަށް އޮތުމުންނެވެ. އޭނާ އިންތިހާބު ކާމިޔާބުކުރީ 760 ވޯޓުންނެވެ.

މާލެ ސިޓީ ކައުންސިލުގެ ހިނގަމުންދާ ދައުރުގައި ވެސް މައްޗަންގޮޅި މެދަށް އިންތިހާބުވީ ޒަމީރެވެ. އޭނާ އިންތިހާބުވީ އެމްޑީޕީގެ ޓިކެޓުގަ އެވެ. އެ ޕާޓީން ވަކިވެ ޕީޕީއެމްއަށް ވެސް އޭނާ ސޮއިކުރެއްވި އެވެ.

އާޒިމް އަބްދުލްއަޒީޒް - ވިލިނގިލީ ދާއިރާ

އާޒިމްގެ ފޯމް ރައީސްއާ ހަވާލުކުރައްވަނީ. އިންތިހާބުގައި ރައީސް ތާއީދު ކުރެއްވީ ޕީއެންސީގެ ކެންޑިޑޭޓަށް --- ފޮޓޯ: ޕީއެންސީ
އާޒިމްގެ ފޯމް ރައީސްއާ ހަވާލުކުރައްވަނީ. އިންތިހާބުގައި ރައީސް ތާއީދު ކުރެއްވީ ޕީއެންސީގެ ކެންޑިޑޭޓަށް --- ފޮޓޯ: ޕީއެންސީ

އާޒިމްގެ ފޯމް ރައީސްއާ ހަވާލުކުރައްވަނީ. އިންތިހާބުގައި ރައީސް ތާއީދު ކުރެއްވީ ޕީއެންސީގެ ކެންޑިޑޭޓަށް --- ފޮޓޯ: ޕީއެންސީ

ޕީއެންސީގެ ވިލިނގިލީ ދާއިރާގެ ޓިކެޓު ހޯދުމަށް އާޒިމް ވެސް ވާދަކުރެއްވި އެވެ. އޭނާއަށް 485 ވޯޓު ލިބުނުއިރު ޓިކެޓު ކާމިޔާބު ކުރެއްވި ޔަޒްމީދު މުހައްމަދަށް 577 ވޯޓު ލިބުނެވެ.

އެއަށް ފަހު އިންތިހާބަށް އާޒިމް ނުކުތީ އަމިއްލަ ގޮތުންނެވެ. ކެމްޕޭނުގެ ފުރަތަމަ ދުވަސްކޮޅު ދެ ކެންޑިޑޭޓުން ވެސް ބުނަމުންދިޔައީ އެއީ "ރައީސްގެ ކެންޑިޑޭޓުން" ކަމަށެވެ. ދެބަސްވުންތައް ބޮޑުވެ އިތުރުވުމުން ކެމްޕޭނުގެ ވަކި ހިސާބަކުން ރައީސް ޔަޒްމީދަށް ފުރިހަމައަށް ތާއީދު ކުރައްވައި ކެމްޕޭނަށް ނުކުމެވަޑައިގަތެވެ.

ފޯރިގަދަ ކެމްޕޭނަކަށް ފަހު އިންތިހާބު އާޒިމް ގޮނޑި ކާމިޔާބު ކުރީ ޔަޒްމީދު ބަލިކުރުމަށް ފަހު އެވެ. އާޒިމް 1,170 ވޯޓު ހޯއްދެވިއިރު ޔަޒްމީދަށް ލިބުނީ 1,001 ވޯޓެވެ.

ޔާސީން އަބްދުالله - ނައިފަރު ދާއިރާ

ޔާސީންގެ ފޯމް ރައީސްއާ ހަވާލުކުރައްވަނީ. އޭނާ ހުންނެވީ މިހާރު ވެސް ޅ. އަތޮޅު ކައުންސިލް ރައީސްގެ މަގާމުގައި --- ފޮޓޯ: ޕީއެންސީ
ޔާސީންގެ ފޯމް ރައީސްއާ ހަވާލުކުރައްވަނީ. އޭނާ ހުންނެވީ މިހާރު ވެސް ޅ. އަތޮޅު ކައުންސިލް ރައީސްގެ މަގާމުގައި --- ފޮޓޯ: ޕީއެންސީ

ޔާސީންގެ ފޯމް ރައީސްއާ ހަވާލުކުރައްވަނީ. އޭނާ ހުންނެވީ މިހާރު ވެސް ޅ. އަތޮޅު ކައުންސިލް ރައީސްގެ މަގާމުގައި --- ފޮޓޯ: ޕީއެންސީ

ޔާސީނަކީ ވެސް ޕީޕީއެމް/ޕީއެންސީ ކޯލިޝަންގެ މެންބަރެކެވެ. 2021 ގައި ބޭއްވި ލޯކަލް ކައުންސިލް އިންތިހާބުގައި ޅ. އަތޮޅު ކައުންސިލުގެ ރައީސްގެ މަގާމަށް ޕީޕީއެމްގެ ޓިކެޓުގައި ނުކުމެ 3,026 ވޯޓާ އެކު އޭނާ އިންތިހާބުވި އެވެ.

ނައިފަރު ދާއިރާއަށް ޕީއެންސީން ކެންޑިޑޭޓަކު ނެރުނެވެ. ރައީސް މުއިއްޒުގެ ތާއިދާއެކު އެ ދާއިރާއަށް ވާދަކުރީ ހައްސާން އަލިފުޅު (ބާސް) އެވެ. ޖުމުލަ 880 ވޯޓާއެކު އޭނާ ދިޔައި ތިންވަނައަށެވެ. ދެވަނަ 905 ވޯޓާއެކު އެމްޑީޕީން ހޯދިއިރު ޔާސީން ގޮނޑި ނެގީ 1,038 ވޯޓާއެކު އެވެ.

ފާއިތުވި ދެ ދައުރުގައި ވެސް ނައިފަރު ދާއިރާގެ ގޮނޑި މަޖިލީހުގައި ފުރީ ޕީޕީއެމް އިންނެވެ. ދެ ދައުރުގައި ވެސް އެ މަގާމު ފުރުއްވައި އަހްމަދު ޝިޔާމްއަކީ މި ސަރުކާރުގެ ފިޝަރީޒް މިނިސްޓަރެވެ

އަހްމަދު ރިޔާޒު - ތިމަރަފުށީ ދާއިރާ

ރިޔާޒުގެ ފޯމު އޭނާ ރައީސްއާ ހާވަލުކުރައްވަނީ. ޕީއެންސީގެ ކެންޑިޑޭޓެއް ހުއްޓައި ރައީސް ތާއިދުކުރީ އޭނާއަށް --- ފޮޓޯ: ޕީއެންސީ
ރިޔާޒުގެ ފޯމު އޭނާ ރައީސްއާ ހާވަލުކުރައްވަނީ. ޕީއެންސީގެ ކެންޑިޑޭޓެއް ހުއްޓައި ރައީސް ތާއިދުކުރީ އޭނާއަށް --- ފޮޓޯ: ޕީއެންސީ

ރިޔާޒުގެ ފޯމު އޭނާ ރައީސްއާ ހާވަލުކުރައްވަނީ. ޕީއެންސީގެ ކެންޑިޑޭޓެއް ހުއްޓައި ރައީސް ތާއިދުކުރީ އޭނާއަށް --- ފޮޓޯ: ޕީއެންސީ

ތިމަރަފުށީ ދާއިރާގެ ގޮނޑިއަކީ މިފަހަރު އެންމެ ފޯރިގަދަކޮށް ފެނުނު ގޮނޑި އެވެ. ޕީއެންސީ ޕްރައިމަރީ ކާމިޔާބު ކުރެއްވީ ރައީސްގެ ޕީއޭއަކަށް ހުންނެވި އިބްރާހިމް ސަނާހު (ސަންޓޯ) އެވެ. ޕީއެންސީގެ ޕްރައިމަރީގައި ރިޔާޒު ވާދަނުކުރެއްވި ނަމަވެސް ރައީސްގެ ތާއިދު ދިނީ ރިޔާޒަށެވެ. އޭނާއަކީ ކުރިން ޕީއެންސީގެ މެންބަރެއްކަން އެނގިފައި ނުވެ އެވެ.

އޭނާގެ ކެމްޕޭނަށް ބައެއް ވަޒީރުންނާއި ސަރުކާރުގެ ވެރިން ވެސް ދިޔަ އެވެ. އެކަމާ ގުޅިގެން ދާއިރާގެ ބައެއް ރަށްތަކުގައި ސަންޓޯ އާއި އޭނާގެ ޓީމުން މުޒާހަރާ ވެސް ކުރި އެވެ.

އެ ދާއިރާގެ ގޮނޑި ރިޔާޒު ކާމިޔާބުކުރެއްވީ 813 ވޯޓާ އެކު އެވެ. ސަންޓޯ ދެވަނައަށް ދިޔައީ 726 ވޯޓާއެކު އެވެ. ތިންވަނައަށް ދިޔަ އެމްޑީޕީގެ ކެންޑިޑޭޓު ފަތުހުالله ޖަމީލަށް ލިބުނީ 715 ވޯޓެވެ.

ސަރުކާރުގެ މެޖޯރިޓީ 76 އަށް

އީސީން އިއުލާންކުރި ވަގުތީ ނަތީޖާ ދައްކާ ގޮތުން ޕީއެންސީގެ 66 ކެންޑިޑޭޓުން ގޮނޑި ކާމިޔާބުކުރި އެވެ. މި ހަ އިންތިހާބީ މެންބަރުން ގުޅުމާ އެކު ހަމައެކަނި އެ ޕާޓީގެ ޕާލިމެންޓަރީ ގްރޫޕް (ޕީޖީ) ގައި 72 މެންބަރުން ތިއްބާވަނެ އެވެ.

ސަރުކާރާ ގުޅިގެން މަސައްކަތްކުރާ ޖުމްހޫރީ ޕާޓީއަށް ގޮނޑިއެއް، އެމްއެންޕީއަށް ގޮނޑިއެއް، އަދި އެމްޑީއޭއަށް ދެ ގޮނޑި ލިބުނެވެ. އެއިން ތިން ގޮނޑިއަކީ ޕީއެންސީން ވާދަނުކުރާ ހަމައެކަނި ދާއިރާތަކެވެ. އެހެންކަމުން, މުޅި ޖުމުލަ ރައީސް މުއިއްޒުގެ ސަރުކާރުގެ ކޯލިޝަނަށް ނިސްބަތްވާ 76 މެމްބަރުން ތިއްބަވާނެ އެވެ.

ވިހިވަނަ މަޖިލީހުގައި 93 މެމްބަރުން ތިއްބަވާއިރު ގާނޫނު އަސާސީ ބަދަލުކުރެވޭނީ ޖުމުލަ މެންބަރުންގެ ހަތަރުބައިކުޅަ ތިން ބައި އަގުލަބިއްޔަތުންނެވެ. އެހެންކަމުން ސުޕަ މެޖޯރިޓީއަކީ 70 މެންބަރުންނެވެ. ޕީއެންސީގައި އެކަނި ވެސް 72 މެންބަރުން ތިއްބަވާނެ އެވެ. އެ ޕާޓީއަށް މިހާރު ގާނޫނު އަސާސީ ވެސް ބަދަލުކުރެވޭނެ އެވެ.

ވިހިވަނަ މަޖިލީހުގެ މެންބަރުން ހުއްވާ ކުރައްވާނީ މެއި 28, ގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox