ރައީސް ވިދާޅުވަނީ ގޮނޑިތައް ނުދިނުމަކީ، ރައްޔިތުން ތަރައްގީއަށް ހުރަސްއެޅުން ކަމަށް

ރައީސް ޑރ. މުހައްމަދު މުއިއްޒު: ރައީސް ވިދާޅުވަނީ ސަރުކާރު ހިންގޭނީ މަޖިލިސް ލިބިގެން ކަމަށް -- ފޮޓޯ: ރައީސް އޮފީސް

ރައީސް ޑރ. މުހައްމަދު މުއިއްޒު: ރައީސް ވިދާޅުވަނީ ސަރުކާރު ހިންގޭނީ މަޖިލިސް ލިބިގެން ކަމަށް -- ފޮޓޯ: ރައީސް އޮފީސް

ރައްޔިތުންގެ މަޖިލީހުގެ ގޮނޑިތައް ސަރުކާރަށް ނުދިނުމަކީ ރައްޔިތުން ތަރައްގީއަށް ހުރަސް އެޅުން ކަމަށް ރައީސް ޑރ. މުހައްމަދު މުއިއްޒު އިއްޔެ ސިފަކުރައްވައިފި އެވެ.

ރަސްމީ ދަތުރެއްގެ ނަމުގައި ކުރައްވާ ކެމްޕެއިން ދަތުރެއްގައި ފ. ނިލަންދުއަށް ވަޑަައިގެން އެ ރަށުގައި އިއްޔެ ބޭއްވެވި ޖަލްސާގައި ރައީސް ވިދާޅުވީ ދުރު ރާސްތާގައި ހުރިހާ ރައްޔިތުންނަށް އެންމެ މަތީ ފެންވަރުގައި ހިދުމަތް ދެވޭނީ ސަރަހައްދުތަކެއް ތަރައްގީކޮށްގެން ކަމަށެވެ. ރިޔާސީ އިންތިހާބަށް ނެރުނު މެނިފެސްޓޯގައި އެ ވާހަކަ ހިމަނުއްވާފައި އޮންނާނެ ކަމަށާއި ރައްޔިތުން ވޯޓުދެއްވީ އެ މެނިފެސްޓޯއަށް ކަަަމަށް ވެސް އެމަނިކުފާނު ވިދާޅުވި އެވެ.

ވައުދުވެވަޑައިގެންފައި ވާނީ ރާއްޖޭގެ ހަތް ސަރަހައްދެއް އާބަން ސެންޓަރުތަކުގެ ގޮތުގައި ތަރައްގީ ކުރަން ކަމަށާއި އެއިން ކޮންމެ ސަރަަހައްދެއް އެއް ފެންވަރެއްގައި ކަމަށް ވެސް އެމަނިކުފާނު ވިދާޅުވި އެވެ.

"އެ ޕްލޭން ހުށަހެޅީ، އެ ޕްލޭން ރައްޔިތުން ބަލައިގަތީ. އެ ޕްލޭނާ އެކީގައި ރައްޔިތުން ދާން ނިންމީ، އެ ޕްލޭނާ އެކީގައި ރައްޔިތުންނާ އެކީގައި އަޅުގަނޑު ކުރިއަށް ދާނީ ވެސް އިރާދަކުރެއްވިއްޔާ. އެކަން ކުރަން ވެސް ނިންމީ ގާނޫނެއް ހަދައިގެން، ވިހި އަހަރުގެ މާސްޓަ ޕްލޭނެއް ހަދައިގެން،" ރައީސް ވިދާޅުވި އެވެ.

އެ މާސްޓާ ޕްލޭންގައިވާ އެއް އާބަން ސެންޓަރަކީ އެމަނިކުފާނު ވިދާޅުވި ގޮތުގައި ނިލަންދު އެވެ.

"މާޔޫސްކަން ދޫކޮށްލައްވާ، އަދި ތިޔަ އެދިވަޑައިގެންނެވި ވަރަށް ވުރެ ގިނަ ކަންކަން އަޅުގަނޑުމެންގެ ޕްލޭންގައި އެބަހުރި. އެކަންކަމުގެ އިތުރަށް [ނިލަންދޫ ކައުންސިލްގެ ރައީސް ވިދާޅުވި ކަންތައްތަކުގެ އިތުރަށް]، އެކި ސިނާއަތްތައް މިތަނުގައި ކުރިއަށް ގެންދެވޭ ވަރުގެ ފުރިހަމަ މާސްޓަޕްލޭނެއް އަޅުގަނޑުމެންގެ އޮތީ،" ރައީސް ވިދާޅުވި އެވެ.

ނިލަންދޫގެ ރައްޔިތުންނާއި ފ. އަތޮޅުގެ ރައްޔިތުން ފަހުރުވެރިވާ ފަދަ އާބަން ސެންޓަރަކަށް އެރަށް ހައްދަވައިދެއްވަން އެމަނިކުފާނު ވައުދުވެވަޑައިގެންނެވި އެވެ.

"ނަމަވެސް މިކަމަށް ހުރަސްއެޅުމުގެ ބާރު ވެސް އޮތީ ރައްޔިތުންގެ އަތްމަތީގައި. މިއީ ސިޔާސީ ވާހަކައެއް ނޫން، މިއަތޮޅުގެ ދާއިރާތަކުގެ މަޖިލިސް ގޮނޑިތަކަށް ހޮވައިދޭ ބޭފުޅުންނަކީ، މިކަމަށް އަޅުގަނޑަށް ސަތޭކަ ޕަސެންޓް އެއްބާރުލުން ދޭނެ ބޭފުޅުންނަށް ރައްޔިތުން ނުހައްދަވައިފިއްޔާ ހަމަ ހުރަސް އެޅުވޭނެ،" ރައީސް ވިދާޅުވި އެވެ.

އެމަނިކުފާނު ތުހުމަތުކުރެއްވި ގޮތުގައި މިދިޔަ ހަތަރު މަސްދުވަހުގެ ތެރޭގައި މަޖިލީހުން ފެނުނީ އެކަމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox