ކުށުގެ ޒިންމާ އުފުލާ އުމުރު ދަށްކުރުމުން ހާލަތު ގޯސްވެދާނެ: ޗިލްޑްރަން އޮމްބަޑްސްޕާސަން

ޗިލްޑްރަންސް އޮމްބަޑްސްޕާސަން ނިއުމާތު ޝަފީގް: ޖިނާއީ ކުށުގެ ޒިންމާ އުފުލަން ޖެހޭ އުމުރު ދަށްކުރަން ދެކޮޅު ކަން ހާމަކޮށް ބަޔާނެއް ނެރެފި - ފޮޓޯ: ހަސަން ޝަޔާހް / އަދަދު ފައިލްސް

ޗިލްޑްރަންސް އޮމްބަޑްސްޕާސަން ނިއުމާތު ޝަފީގް: ޖިނާއީ ކުށުގެ ޒިންމާ އުފުލަން ޖެހޭ އުމުރު ދަށްކުރަން ދެކޮޅު ކަން ހާމަކޮށް ބަޔާނެއް ނެރެފި - ފޮޓޯ: ހަސަން ޝަޔާހް / އަދަދު ފައިލްސް

ޖިނާއީ ކުށުގެ ޒިންމާ އުފުލަން ޖެހޭ އުމުރުފުރާ 12 އަހަރަށް ދަށް ކުރުމަކީ، ކުށުގެ ވެށްޓަށް ކުޑަކުދިން ހުށަހެޅޭ ހާލަތު އިތުރަށް ގޯސްވެދާނެ ކަމެއް ކަމަށް ޗިލްޑްރަންސް އޮމްބަޑްސްޕާސަން އޮފީހުން ބުނެފި އެވެ.

މި ފަހުން އއ. ރަސްދޫ މިސްކިތެއްގެ ތެރޭގައި، ދެ ކުއްޖަކު ގޮސް އެހެން ކުއްޖަކަށް ގަނާކޮށް އަނިޔާ ކުރާ މަންޒަރު ހިމެނޭ ވީޑިއޯއެއް ވަނީ ސޯޝަލް މީޑިއާގައި ދައުރުވެފަ އެވެ.

މިކަމާ ގުޅިގެން ސަރުކާރުގެ ކަމާ ގުޅުން ހުރި މުއައްސަސާތަކުން ބޭއްވި ޕްރެސް ބްރީފިންއެއްގައި، އެޓާނީ ޖެނެރަލް އަހުމަދު އުޝާމް ރޭ ވަނީ ޖިނައީ ކުށުގެ ޒިންމާ އުފުލަން ޖެހޭ އުމުރު 12 އަށް ދަށްކުރަން ސަރުކާރުން ބޭނުންވާ ކަމަށް ވިދާޅުވެފަ އެވެ. މިހާރު ގާނޫނުގައިވާ އުމުރަކީ 15، އެވެ.

Advertisement

ޗިލްޑްރަންސް އޮމްބަޑްސްޕާސަން އޮފީހުން ނެރުނު ބަޔާނުގައި ވަނީ، މިހާރު ވެސް ދަށް އުމުރުފުރާގެ ކުޑަކުދިން ކުށުގެ ވެއްޓަށް ހުށަހެޅޭ ސަބަބަކީ އެ ކަން ކުރާ މީހުންގެ ރޭވުމުގެ ތެރެއިން އެ ކުދިންގެ ބޭނުން ނަހަމަ ގޮތުގައި ހިފާތީ ކަމަށެވެ.

އެ އުމުރު 12 އަށް ދަށް ކުރުން ވާނީ ކުޑަކުދިންގެ ބޭނުން ނަހަމަ ގޮތުގައި ހިފުމަށް ދެވޭ ފުރުސަތެއް ގޮތުގައި އެ އޮފީހުން ދެކެ އެވެ.

ޖިނާއީ ކުށުގެ ޒިންމާ އުފުލަންޖެހޭ ދަށް އުރުމަކީ 15 އަހަރު ކަމަށް ކަނޑައަޅާފައިވީ ނަމަވެސް އެއަށް ވުރެ ހަގު އުމުރުގެ ކުދިން ކުށެއް ކުރުމުން އަޅަން ޖެހޭ ފިޔަވަޅުތައް ވެސް ކުޑަކުދިންގެ އަދުލުގެ ގާނޫނުގައި ބަޔާންކޮށްފައިވާ ކަން ވެސް ފާހަގަކޮށްފައިވެ އެވެ.

ކުށަށް ހުށަހެޅޭ ކުދިންނާއި އެ ފުރުސަތު އޮތް ކުދިން ކުށްކުރުމާ ދުރުހެލިކޮށް ބޭނުންވާ ފަރުވާތައް ދީ، ރެހިބިލިޓޭޓް ކުރުމުގެ ނިޒާމާ ގުޅޭ ގަވާއިދެއް، ގާނޫނާ ހިލާފު އަމަލުތަކަށް ހުށަހެޅޭ ކުޑަކުދިންނާ މެދު އަވަސް ފިޔަވަޅު އެޅުމާ ގުޅޭ ނިޒާމުގެ ގަވާއިދު، ވެސް އެކުލާވާލާފައިވެ އެވެ.

އެހެންކަމުން ޒިންމާ އުފުލަން ޖެހޭ އުމުރު ދަށް ކުރުމުގެ ބަދަލުގައި ދަށް އުމުރުފުރާގެ ކުދިން ކުށަށް ހުށަހެޅުމުން ބޭނުންވާ ފަރުވާ ދިނުމަށް ޗިލްޑްރަންސް އޮމްބަޑްސްޕާސަން އޮފީހުން ބާރު އަޅާފައިވެ އެވެ.

ރޮސެކިއުޓަ ޖެނެރަލް ހުސައިން ޝަމީމް ވެސް ވަނީ 12 އަހަރަށް ދަށްކުރުމާ ދެކޮޅަށް ވާހަކަ ދައްކަވައިފަ އެވެ. އޭނާ ވިދާޅުވީ އޭގެ ސަބަބުން ކުށްވެރީންގެ ޖީލެއް އުފެދުމުގެ ޖާގަ އެބަ އޮތް ކަމަށެވެ.

ސްކޫލްތަކުގައި ގަނާ ކުރުމުގެ 26 މައްސަލައެއް ބަލަމުންދާ ކަމަށް އެޑިއުކޭޝަން މިނިސްޓްރީން ވެސް ބުނެފައިވެ އެވެ. 18 އަހަރު ނުފުރޭ، ކުޑަކުދިން ޖިނާއީ ކުށަށް އަރަމުންދާތީ، މާ ބޮޑު ފިޔަވަޅުތަކެއް ނޭޅޭ ކަމަށް ބުނެ މީހުންގެ ކަންބޮޑުވުން ވަރަށް ބޮޑެވެ.

ރަސްދޫގެ މައްސަލަ ވެސް ބެލުމަށް ޓަކައި ކަމާ ގުޅުން ހުރި މުއައްސަސާތަކުގެ ޓީމެއް ވެސް އެ ރަށުގައި ދަނީ ހަރަކާތްތެރިވަމުންނެވެ. ފުލުހުންގެ އިތުރުން ޖެންޑާ މިނިސްޓްރީއާއި ޑިޕާޓްމަންޓް އޮފް ޖުވެނައިލް ޖަސްޓިސްގެ އޮފިޝަލުން އެ ޓީމުގައި ހިމެނެ އެވެ. އޭގައި އަނިޔާ ކުރުމުގެ ތުހުމަތު އޮތީ 13 އަދި 14 އަހަރުގެ ކުއްޖެއްގެ މައްޗަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox