މިއަދުން ފެށިގެން ޕޭޕަލް ބޭނުންކުރެވޭނެ ކަމަށް ރައީސް އޮފީހުން ދޮގު މައުލޫމާތު ދީފި

ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ހަލީލު: މިއަދުން ފެށިގެން ޕޭޕަލް ބޭނުންކުރެވޭނެ ކަމަށް ބުނެ ރައީސް އޮފީހުން ދޮގު މައުލޫމާތު ދީފި - ފޮޓޯ: ރައީސް އޮފީސް

ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ހަލީލު: މިއަދުން ފެށިގެން ޕޭޕަލް ބޭނުންކުރެވޭނެ ކަމަށް ބުނެ ރައީސް އޮފީހުން ދޮގު މައުލޫމާތު ދީފި - ފޮޓޯ: ރައީސް އޮފީސް

ބޭންކް އޮފް މޯލްޑިވްސް (ބީއެމްއެލް) އިން މަނީ ޓްރާންސްފާ ޕްލެޓްފޯމްތަކާއި ޑިޖިޓަލް ވޮލެޓްތައް އަންބްލޮކް ކުރުމާ ގުޅުވާ، ރާއްޖޭގައި ޕޭޕަލްގެ ހިދުމަތްތައް ބޭނުންކުރެވޭނެ ކަމަށް ބުނެ ރައީސް އޮފީހުން ބައެއް ނޫސްތަކަށް ދޮގު މައުލޫމާތު ދީފި އެވެ.

ބީއެމްއެލް އިން މިއަދު ނެރުނު ބަޔާނުގައި ބުނެފައިވަނީ މިއަދުން ފެށިގެން ބީއެމްއެލްގެ ވިސާ ޔޫއެސްޑީ ކްރެޑިޓް ކާޑު އަދި މާސްޓާކާޑް ޕްރީޕެއިޑް ޔޫއެސްޑީ ޓްރެވަލް ކާޑު ބޭނުންކޮށްގެން މި ޕްލެޓްފޯމްތައް މެދުވެރިކޮށް ފައިސާ ލިބިގަނެ، ފޮނުވޭނެ ކަމަށެވެ.

މިކަމާ ގުޅުވާ ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ހަލީލު ބައެއް ނޫސްތަކަށް ފޮނުވި މެސެޖެއްގައި ވަނީ، މިއަދުން ފެށިގެން ބޭނުންކުރެވޭ ޑިޖިޓަލް ޕްލެޓްފޯމުތަކުގެ ތެރޭގައި ސްކްރިލް އާއި ޕޭޕަލް ވެސް ހިމެނޭ ކަމަށެވެ.

ނަމަވެސް މިއަދު ބޭނުންކުރުމުގެ ހުއްދަ ދެވުނު ޕްލެޓްފޯމްތަކުގެ ތެރޭގައި "ޕޭޕަލް" ނުހިމެނޭ ކަމަށް ބީއެމްއެލްގެ އޮފިޝަލަކު ވަނީ "އަދަދު" އަށް ކަށަވަރުކޮށްދީފަ އެވެ އޭނާ ބުނީ މިއަދޫ އަންބްލޮކް ކުރީ 2020 ވަނަ އަހަރުގެ ތެރޭގައި ބްލޮކް ކުރި ބޭރުގެ އޮންލައިން ޑިޖިޓަލް ވޮލެޓުތައް ކަމަށެވެ.

މިދިޔަ ބުރާސްފަތި ދުވަހު ޕަބްލިކް ސާވިސް މީޑިއާ (ޕީއެސްއެމް) އަށް ދެއްވި ހާއްސަ އިންޓަވިއުއެއްގައި ރައީސް މުއިއްޒު ވަނީ ޕޭޕަލްގެ ހިދުމަތް ތައާރަފު ކުރުމަށް އެމެރިކާގެ ސަރުކާރާއެކު މަސައްކަތް ކުރައްވަމުން ގެންދަވާ ކަމަށް ވިދާޅުވެފަ އެވެ.

ރާއްޖޭން މިހާރު ޕޭޕަލް މެދުވެރިކޮށް ކުރެވޭ ކަމަކީ ފައިސާ ފޮނުވުމެވެ. ނަމަވެސް ޕޭޕަލް މެދުވެރިކޮށް ފައިސާ ނެގުމުގެ ފުރުސަތެއް ނޯވެ އެވެ.

މިކަމާ ގުޅޭގޮތުން އެމެރިކާގެ ސަރުކާއެކު މަޝްވަރާތަކެއް ކުރަން ތައްޔާރުވަމުންދާ ކަމަށް ޖެނުއަރީ 7، 2024 ގައި ރައީސް އޮފީހުން ވެސް ބުނެފައިވެ އެވެ. ނަމަވެސް އެކަމުގެ ތަފުސީލެއް އޭރު ނުދެ އެވެ.

ވިޔަފާރީގެ މަޝްވަރާތަކަކަށް ރާއްޖޭގެ ސަރުކާރެއްގެ ވަފުދެއް މި އަހަރުގެ ޖުލައިގައި އެމެރިކާގެ ވެރިރަށް ވޮޝިންޓަނަށް ދިއުމަށް ހަމަޖެހިފައިވާ ކަމަށް ވެސް އިކޮނޮމިކް މިނިސްޓަރު އަހުމަދު ސައީދު ވިދާޅުވެފައިވެ އެވެ. ސަރުކާރުން ބުނާ ގޮތުން މި ދަތުރުގެ ތެރޭގައި ޕޭޕަލްއާ ގުޅޭ މަޝްވަރާތައް ވެސް ކުރިއަށް ދާނެ އެވެ.

ޕޭޕަލްއިން ފައިސާ ލިބޭ ގައުމުތަކުގެ ތެރޭގައި ރާއްޖެ ހިމަނަން އެމެރިކާ ސަރުކާރާ މަޝްވަރާކުރާނެ ކަމަށް ސަރުކާރުން ބުނި ނަމަވެސް، ޕޭޕަލްއަކީ އެމެރިކާގައި ލިސްޓުކޮށްގެން ހިންގާ ޕަބްލިކް ކުންފުންޏަކަށް ވުމުން، އެ ގައުމުގެ ސަރުކާރަށް ކުރެވޭނީ ކޮން ކަމެއްތޯ ބައެއް މީހުން އަންނަނީ ސުވާލު އުފައްދަމުންނެވެ.

ޕޭޕަލްގެ ފައިސާ ފޮނުވުމުގެ ހިދުމަތް 97 ގައުމެއްގައި ލިބުނު ނަމަވެސް އެ ކުންފުނިން ފޯރުކޮށްދޭ ސެންޑް ރިސީވް އެންޑް ވިތުޑްރޯ ހިދުމަތް ލިބެނީ 41 ގައުމަކަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox