ލަންޑަން (މާޗް 30) - ބޭނުންވަނީ މުސްތަގުބަލުގައި ކުޅުންތެރިން ބަލައިގަންނަ "ހީރޯ" އަކަށް ވާން ކަމަށް އާސެނަލްގެ ތަރި ބުކާޔޯ ސަކާ ބުނެފި އެވެ.
އާސެނަލާ އެކު, މި ސީޒަނުގައި ތަފާތު މޮޅު ކުޅުމެއް ދައްކަމުން އަންނަ ސަކާ މި ވަގުތު ހުރީ އަނިޔާގަ އެވެ. އަދި މާދަމާރޭ, އިނގިރޭސި ޕްރިމިއާ ލީގުގެ އެންމެ ފަހުގެ ޗެމްޕިއަން މެންޗެސްޓާ ސިޓީއާ ދެކޮޅަށް އާސެނަލް ކުޅޭ މެޗުގައި ސަކާ ނުފެނުމުގެ ފުރުސަތު އެބައޮތެވެ.
އިނގިރޭސި މީޑިއާ އަށް ދިން އިންޓަވިއުއެއްގައި ސަކާ ބުނީ, މުސްތަގުބަލުގައި އޭނާ އެންމެ ދެކެން ބޭނުންވާ ދުވަހަކީ އަރަމުން އަންނަ ކުޅުންތެރިން "ހީރޯ" އެއްގެ ގޮތުގައި އޭނާ އައިޑޮލައިޒް ކުރާތަން ދެކެން ކަމަށެވެ. އަދި އެ ލެވަލް އަށް ދިޔުމަށް ވަރަށް ބޮޑަށް މަސައްކަތް ކުރާނެ ކަމަށް ސަކާ ބުނެފައިވެ އެވެ.
"އަހަރެން ބޭނުން އަންނަ ޖެނެރޭޝަނުގެ ކުޅުންތެރިން އަހަރެން ހީރޯ އެއްގެ ގޮތުގައި ދެކިގެން އަހަރެން އައިޑޮލައިޒް ކުރާ މަންޒަރު ބަލަން. އެއީ އަހަރެން ވެސް ކުޑައިރު, އައިޑޮލައިޒް ކުރިން ކުޅުންތެރިން އަހަރެން އެ ކުޅުންތެރިން ބަލަނީ ހީރޯ އިންގެ ގޮތުގައި" ސަކާ ބުންޏެވެ.
އިންގްލެންޑް ގައުމީ ޓީމުގައި ވެސް ސަކާ އަކީ މުހިންމު ކުޅުންތެރިއެކެވެ. ސަކާ ވަނީ މިދިޔަ ދެ ސީޒަނުގައި އާސެނަލުން ދެއްކި ތަފާތު ކުޅުމުގައި މުހިންމު ދައުރެއް އަދާކޮށްފަ އެވެ.
