މިދިޔަ މަހަކީ ދުނިޔޭގައި ހޫނުމިން އެންމެ މަތިވި ފެބުރުއަރީ މަސް ކަމަށް ޔޫރަޕިއަން ޔޫނިއަންސް ކްލައިމެޓް މޮނިޓަރިން ސާވިސްއިން ބުނެފި އެވެ.
ޔޫރަޕިއަން ޔޫނިއަންސް ކްލައިމެޓް މޮނިޓަރިން ސާވިސްއިން ބުނީ މިދިޔަ މަހު ފިނިހޫނުމިން އެހެން އަހަރުތަކުގެ ފެބުރުއަރީއާ އަޅައި ބެލިއިރު 1.77 ޑިގްރީ ސެލްސިއަސް މަތި ކަމަށާއި، މިދިޔަ މަހަކީ ފާއިތުވި އެއް އަހަރު ތެރޭގައި އެންމެ ހޫނުވި މަސް ކަމަށެވެ.
ދުނިޔޭގެ ހޫނިމިން ޖެހިޖެހިގެން މަތިވަމުން އަންނަތާ ނުވަ މަސްވެފައި ވާއިރު، ސައިންސްވެރިން ބުނަމުން އަންނަނީ ހޫނުމިން އެންމެ ބޮޑަށް މަތިވަނީ އިންސާނުންގެ އަމަލުތަކާ ގުޅިގެން ކަމަށެވެ.
ހޫނުމިން މަތިވުމުގެ ސަބަބުން ބައެއް ގައުމުތަކުގައި ޖަންގަލިތަކުގައި ރޯވެ، އަލިފާނުގެ ބޮޑެތި އަލިފާނުގެ ހާދިސާތައް ގިނަވަމުން އަންނައިރު، ކާރިސާތަކުން ސަލާމަތްވާން ގައުމުތައް ވަނީ ނުކުޅެދިފަ އެވެ.
ސައިންސްވެރިން ކުރިން ކުރި ދިރާސާތަކުން ދައްކާފައިވާ ގޮތުގައި މިހާރުގެ މިހާލަތު ބައްދަލު ކުރަން އޮތީ 2030 ގެ ފަހުގެ އަހަރުތަކުގަ އެވެ. ނަމަވެސް, އެ މިންވަރު ބޮޑުތަނުން އަވަސްވެފައި މިވަނީ މިދިޔަ ތިން އަހަރު އާދަޔާ ހިލާފަށް ވިހަ ގޭސް ދުނިޔޭގެ ޖައްވަށް ބޭރު ކުރުމުންނެވެ.
ފިނިހޫނުމިން މިހާރު ހުރި ވަރަށް ވުރެ 1.5 ޑިގްރީ ސެލްސިއަސްއަށް އިތުރު ވިޔަ ނުދިނުމަކީ 2015 ގައި ސޮއިކުރި ޕެރިސް އެގްރީމެންޓުގެ މައިގަނޑު އެއް ބަހާ އެވެ.
