ޖަނަރޭޓަރުތައް މަރާމާތުކުރަން ފެނަކައިން ސާވިސް ސެންޓަރެއް ހުޅުވަނީ

ފެނަކައިގެ މެނޭޖިން ޑިރެކްޓަރު، މުއާޒް މުހަމައްމަދު ރަޝީދު -- ފޮޓޯ: ރައީސް އޮފީސް

ފެނަކައިގެ މެނޭޖިން ޑިރެކްޓަރު، މުއާޒް މުހަމައްމަދު ރަޝީދު -- ފޮޓޯ: ރައީސް އޮފީސް

އެ ކުންފުނީގެ ޖަނަރޭޓަރުތައް މަރާމާތުކުރުމަށް ސާވިސް ސެންޓަރެއް ހުޅުވުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފި އެވެ.

ރައީސުލްޖުމުހޫރިއްޔާ ބ. އަތޮޅަށް ކުރައްވާ ދަތުރުފުޅުގައި ކެންދޫގައި ބޭއްވި ޖަލްސާގައި ވާހަކަ ދައްކަވަމުން ފެނަކައިގެ މެނޭޖިން ޑިރެކްޓަރު، މުއާޒް މުހައްމަދު ރަޝީދު ވިދާޅުވީ ޖަނަރޭޓަރުތަކުގެ މަރާމާތަށް އެ ކުންފުނިން ކޮންމެ އަހަރު 100 މިލިއަނެއްހައި ރުފިޔާ ހަރަދުކުރާ ކަމަށެވެ. އަދި 157 ރަށުގައި ކަރަންޓުގެ ހިދުމަތްދޭ ކުންފުންޏެއްގައި އަމިއްލަ ސާވިސް ސެންޓަރެއް ނެތުމަކީ ކަންބޮޑުވުމެއް ކަމަށް އޭނާ ވިދާޅުވި އެވެ.

"ހުރިހާ ޖެންސެޓުތަކެއް ހަލާކުވެފަ މިހިރީ. ކީއްވެގެންތޯ؟ މެއިންޓެނެންސްއަށް މީގެ ކުރީގެ މެނޭޖްމެންޓުން އެއްވެސް ސަމާލުކަމެއް ދީފަ ނެތީމަ. ސަމާލުކަން ދީފަނެތަސް އަހަރު 100 މިލިއަން ރުފިޔާ މެއިންޓެނެންސްއަށް ހޭދަކުރޭ،" މުއާޒް ވިދާޅުވި އެވެ.

ކުރީގެ މެނޭޖްމެންޓުން ޖަނަރޭޓަރުތައް މަރާމާތުކުރުމުގެ ބަދަލުގައި އެކަން ވިޔަފާރިއަކަށް ހަދައިފައިވާ ކަމަށް މުއާޒް ވިދާޅުވި އެވެ. އަދި މަރާމާތުކުރަން ބޭނުންވާ ސާމާނު ގަތުމުގެ ބަދަލުގައި އާ ޖެންސެޓުތައް ގަނެފައިވާކަން ރިކޯޑުތަކުން ހާމަވާ ކަމަށް އޭނާ ވިދާޅުވި އެވެ.

އެގޮތުން ފެނަކައިގެ ހިންގުން ރަނގަޅު ކުރުމަށް ކުރަން ނިންމާފައިވާ މަސައްކަތްތަކުގެ ތެރޭގައި ސާވިސް ސެންޓަރެއް ގާއިމުކުރަން ނިންމާފައިވާ ކަމަށް މުއާޒް ވިދާޅުވި އެވެ. އަދި އެކަމަށް ހަރަދުވާނެ ކަމަށް ލަފާކުރެވެނީ 60 މިލިއަން ރުފިޔާ ކަމަށާއި ސާވިސް ސެންޓަރަކާއެކު އެ ކުންފުނީގެ ހަރަދު ކުޑަ ކުރެވޭނެކަން މުއާޒް ފާހަގަކުރެއްވި އެވެ.

"އަޅުގަނޑުމެން ނުޖެހޭ މާލޭގެ ވޯކްޝޮޕްތަކަށް އެ މަސައްކަތް ކުރަން ދޭކަށެއް. މި ކުންފުނީގަ ހުންނަންޖެހޭނެ އެ ފެންވަރު. ސާވިސް ސެންޓަރެއް ހަދަން އަޅުގަނޑުމެން ހިސާބު ހަދާލިއިރުގަ ދަނީ 60 މިލިއަން ރުފިޔާ. އެހެންވީމަ ތިބޭފުޅުން ބައްލަވާ އަހަރެއްގެ މައްޗަށް ސޭވްކުރެވިގެން ދާނެ މިންވަރު،" މުއާޒް ވިދާޅުވި އެވެ.

ފެނަކައިން ރާއްޖޭގެ 157 ރަށެއްގައި ކަރަންޓުގެ ހިދުމަތް، 56 ރަށުގައި ނަރުދަމާގެ ހިދުމަތް، 43 ރަށެއްގައި ފެނުގެ ހިދުމަތް ފޯރުކޮށްދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox