ކެންޑިޑޭޓުންނަށް ހަދިޔާ ދިނީ އުފެއްދުންތައް ޕްރޮމޯޓް ކުރަން، ޓްވީޓް ކުރީ ހުއްދަ ނެތި: މިފްކޯ

މަޖިލިސް ކޮމިޓީގައި މިފްކޯގެ ވެރިން ވާހަކަ ދައްކަވަނީ. އެ ކުންފުނީގެ ހިންގުން ހަރުދަނާ ކުރަން އަޅާފައިވާ ބައެއް ފިޔަވަޅުތަކާ ގުޅޭ މައުލޫމާތު ވެސް މި ކޮމިޓީގައި ހިއްސާކުރި --- ފޮޓޯ: ރައްޔިތުންގެ މަޖިލިސަ

މަޖިލިސް ކޮމިޓީގައި މިފްކޯގެ ވެރިން ވާހަކަ ދައްކަވަނީ. އެ ކުންފުނީގެ ހިންގުން ހަރުދަނާ ކުރަން އަޅާފައިވާ ބައެއް ފިޔަވަޅުތަކާ ގުޅޭ މައުލޫމާތު ވެސް މި ކޮމިޓީގައި ހިއްސާކުރި --- ފޮޓޯ: ރައްޔިތުންގެ މަޖިލިސަ

ސަރުކާރު ހިންގާ ޕީއެންސީގެ ފަރާތުން ވިހިވަނަ ރައްޔިތުންގެ މަޖިލީހަށް ވާދަކުރައްވާ ކެންޑިޑޭޓުންނަށް މިފްކޯއިން ހަދިޔާދީ ފޮޓޯ ނަގައި ސޯޝަލް މީޑިއާގައި އާއްމުކުރީ އެ ކެންޑިޑޭޓުންނަށް ތާއީދު ހޯދުމުގެ ނިޔަތުގައި ނޫން ކަމަށް މިފްކޯއިން މިއަދު ބުނެފި އެވެ.

މިފްކޯއިން ރާއްޖޭގެ ބާޒާރުގައި ވިއްކާ އެކި ބާވަތުގެ މަސްދަޅުތަކާއި އެހެން ބައެއް އުފެއްދުންތައް ހިމެނޭ ޕާރުސަލްތަކެއް، އެކުންފުނީގެ ސީއީއޯ އަހުމަދު ޝަމާހު ރަޝީދު، ޕީއެންސީގެ ބައެއް ކެންޑިޑޭޓުންނަށް ހަދިޔާކުރާ މަންޒަރު ފެންނަ ފޮޓޯތަކެއް ސޯޝަލް މީޑިއާ އެކްސްގައި އެކުންފުނީގެ ރަސްމީ އެކައުންޓުން އާއްމުކުރީ ފެބްރުއަރީ 1، ގަ އެެވެ. ކެންޑިޑޭޓުންގެ ނަމާއި ދާއިރާ ލިޔެ، މަރުހަބާގެ މެސެޖާ އެކު އާއްމުކުރި އެ ފޮޓޯތައް ފަހުން ޑިލީޓް ކުރި އެވެ

ރައްޔިތުންގެ މަޖިލީހުގެ މާފަންނު މެދު ދާއިރާގެ އެމްޑީޕީ މެންބަރު އިބްރާހީމް ރަޝީދު (ބޮންޑޭ)، މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެެސްއޯއީ ކޮމިޓީ) އަށް އެ މައްސަލަ ހުށަހެޅުއްވި އެވެ. މިފްކޯއާއި ޕްރައިވެޓައިޒޭޝަން އެންޑް ކޯޕޮރެޓޭޝަން ބޯޑް (ޕީސީބީ)ގެ ވެރިން ހާޒިރުކޮށްގެން އެ ކޮމިޓީން މިއަދު ބައްދަލުވުމެއް ބޭއްވި އެވެ.

އެ ބައްދަލުވުމުގައި މެމްބަރު ރަޝީދު ކުރެއްވި ސުވާލަށް ޖަވާބު ދެއްވަމުން މިފްކޯގެ ޕްރޮޖެކްޓް ޑިޕާޓްމަންޓްގެ ޖެނެރަލް މެނޭޖަރު މުއާޒް އަލީ ވިދާޅުވީ ކެންޑިޑޭޓުންނަށް ހަދިޔާ ދިނީ މިފްކޯއަށް ޒިޔާރަތްކުރައްވާ އިތްޒަތްތެެރިންނަށް ހަދިޔާ ދޭ އާއްމު އުސޫލުން ކަމަށެވެ.

"އޭގެ ތެރޭގައި [ހަދިޔާ ފޮށީގެ ތެރޭގައި] މިފްކޯގެ ޕްރޮޑަކްޓްތަކެއް މިހުންނަނީ. އެހެންވީމާ މާކެޓިންގެ ތެރެއިން ކުރެވޭ ކަމެއް އެ ކަމަކީ، މިފްކޯއަށް ވަޑައިގަންނަވާ ބޭފުޅުންނަށް ހަމަ ކާޓެސީއެއްގެ ގޮތުގައި ހަވާލުކުރެވޭ އެއްޗެއް،" މުއާޒް ވިދާޅުވި އެެވެ.

އޭނާ ވިދާޅުވީ އެ ދުވަސްވަރު މިފްކޯގެ ސީއީއޯ ބައްދަލުކުރައްވަން ވަރަށް ގިނަ ބޭފުޅުން އެދިވަޑައިގެންނެވި ކަމަށާއި އޭގެ ތެރޭގައި ހިމެނެނީ ހަމައެކަނި ސަރުކާރުގެ ކެންޑިޑޭޓުންނެއް ވެސް ނޫން ކަމަށެވެ.

"ދެން ސީއީއޯގެ ވަގުތު ހުރި ގޮތަށް ބަލާފައި އެބަހުރި ވަރަށް ގިނަ ބޭފުޅުންނަށް ވަގުތު ދެއްވާފައި،" މުއާޒް ވިދާޅުވި އެވެ.

އެ ބައްދަލުވުންތަކަށް ފަހު ހަދިޔާދޭ ފޮޓޯ އާއްމުކުރީ އެކަަމަށް ހާއްސަކޮށްފައި ތިބޭ މުވައްޒަފުން އަމިއްލައަށް ކަމަށާއި އެގޮތަށް ކަންތައް ނުވާނެ އިންތިޒާމް މިހާރު ހަމަޖައްސާފައި ވާނެ ކަމަށް ވެސް އޭނާ ވިދާޅުވި އެވެ.

މިފްކޯގެ ސީއީއޯ އަހުމަދު ސަމާހު ރަޝީދު ވިދާޅުވީ ހަދިޔާ ދޭ ފޮޓޯތައް ޓްވީޓް ކުރާ ހިސާބަށް ދިޔައީ ބަލަން ޖެހޭ ވަރަށް ނުބެލިގެން ކަމަށާއި (ވެރިންގެ) އެޕްރޫވަލް ވެސް ނުލިބި ކަމަށެވެ. ކުރިއަށް އޮތް ތަނުގައި އެކަހަލަ ކަންކަން ނުހިނގާނެކަން ކަށަވަރުކުރުމަށް ޓަކައި ފިޔަވަޅު އަޅާފައިވާ ކަމަށް ވެސް އޭނާ ވިދާޅުވި އެވެ.

"ދެން ވަރަށް ގިނަ ބޭބޭފުޅުންގެ ފޯންކޯލްތައް ލިބެމުން ދާން ފެށީމާ އަޅުގަނޑު އެރޭ ޓްވިޓާ ހޭންޑުލް ބަލައިލީވެސް، ބަލައިލީމާ އަޅުގަނޑަށް މީއްޗިހި ފެނުނީމާ ގުޅާފައި ބުނެފިން ވަގުތުން އޭއްޗިހި ހަމަ ޑިލީޓް ކުރަން. އެހެންވީމާ އަޅުގަނޑު ހަމަ އަންގައިގެން އޭއްޗިހި ޑިލީޓް ކުރީ،" ސަމާހު ވިދާޅުވި އެވެ.

އޭނާ ވިދާޅުވީ މިފްކޯގެ ވަސީލަތްތައް ބޭނުންކޮށްގެން ވަކި ކެންޑިޑޭޓަކަށް ކެމްޕޭން ކުރަން ވިސްނާފައި ނުވާނެ ކަމަށާ އެއީ މިފްކޯއިން ބޭނުންވާ ކަމެއް ނޫން ކަމަށެވެ.

"އަޅުގަނޑުމެން އެހެން ނަމަވެސް ވަރަށް ބޮޑަށް ބޭނުންވާނެ އަޅުގަނޑުމެންގެ ޕްރޮޑަކްޓްތައް އިޝްތިހާރުކޮށް އޭތި މާކެޓްކުރަން، ވީހާ ވެސް ގިނަ ބަޔަކާ ހަމަައަށް އޭއްޗިހި ގެނެސްދޭން،" ސަމާހު ވިދާޅުވި އެވެ.

ހަދިޔާ ދިނުން ތަކުރާރުކޮށް ދިފާއުކުރައްވަމުން އޭނާ ވިދާޅުވީ މިފްކޯގެ އިސްބޭފުޅުން ތަންތަނަށް ޒިޔާރަތްކުރާ އިރު އެ ހަދިޔާ ފޮށި ގެންދިއުމަކީ ވެސް ކުރިން ގެންގުޅުނު އުސޫލެއް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox