ގައްދޫ ކައުންސިލުން ރައީސް މުއިއްޒަށް ރައްދު ދީފި، ބުނީ އަޅުދާސްތުނުވާނެ ކަމަށް

ރައީސް ޑރ.މުހައްމަދު މުއިއްޒު ގައްދޫ ކައުންސިލްގެ މެމްބަރުންނާ ބައްދަލުކުރައްވަނީ. އެމަނިކުފާނު ހުވަދުއަތޮޅަށް ވަޑައިގެންނެވީ އިއްޔެ. ފޮޓޯ: ރައީސް އޮފީސް

ރައީސް ޑރ.މުހައްމަދު މުއިއްޒު ގައްދޫ ކައުންސިލްގެ މެމްބަރުންނާ ބައްދަލުކުރައްވަނީ. އެމަނިކުފާނު ހުވަދުއަތޮޅަށް ވަޑައިގެންނެވީ އިއްޔެ. ފޮޓޯ: ރައީސް އޮފީސް

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގދ. ގައްދޫއަށް ވަޑައިގެން އެ ރަށުގައި އިއްޔެ ބޭއްވެވި ޖަލްސާގައި ރަށު ކައުންސިލުގެ މެމްބަރުން ބައިވެރިނުުުވުމުން ފާޑުވިދާޅުވެފައި ވާތީ އެ ކައުންސިލުން ރައީސަށް މިއަދު ރައްދު ދީފި އެެވެ.

މުޅީން ވެސް ޕީޕީއެމްގެ މެމްބަރުން ތިއްބަވާ ގައްދޫ ކައުންސިލުން މިއަދު ނެރުނު ދިގު ބަޔާނެއްގައި ބުނީ ރައީސް ގައްދުއަށް ކުރައްވަނީ ރަސްމީ ދަތުރުފުޅެއް ކަަމަށް އެންގުމަށް ފަހު ފަހު ވަގުތު "ސިޔާސީ ހީލަތްތެރި މަގުސަދެއް ކުރިއަރުވަން ބޭނުންފުޅުވި" ދަތުރަކަށް ބަދަލުކޮށްލާފައިވާ ކަަމަށެވެ.

ގައްދޫ ކައުންސިލުގެ އިދާރާގައި އެ ކައުންސިލްގެ މެމްބަރުންނާ އެކު ބާއްވަން ނިންމެވި ބައްދަލުވުން އެހެން ތަނަކަށް ބަދަލުކުރި ކަމަށާއި އެގޮތަށް ބަދަލުކުރީ ކައުންސިލުގެ އިދާރާ އަކީ ރައްކާތެރި ތަނެއް ނޫން ކަމަށް ރައީސް ވިދާޅުވެފައި ކަމަށް ވެސް އެ ބަޔާނުގައި ބުންޏެވެ.

ގައްދޫ ކައުންސިލަށް ކުޑަައިމީސްވާ ގޮތަށް ސަރުކާރުގެ ވެރިން ކުރެއްވި ކަމަށް ބުނާ އެހެން ގިނަ ކަންތައްތަކެއް ތަފްސީލުކުރުމަށް ފަހު އެ ބަޔާނުގައި ބުނީ އެ ކައުންސިލުން ސިޔާސީ ގޮތުން ރައީސުލްޖުމްހޫރިއްޔާއަށް އަޅުދާސްތުނުވާނެ ކަމަށެވެ. އިއްޒަތްތެރިން ސޮއިކުރާ ފޮތުގައި ސޮއިނުކުރައްވާނެ ކަމަށް ރައީސް ވިދާޅުވި ކަމަށް ވެސް އެ ބަޔާނުގައި ބުނެފައިވެ އެވެ.

"...މި ކައުންސިލުން ސިޔާސީ ގޮތުން ރައީސުލްޖުމްހޫރިއްޔާ ބޭނުންފުޅުވާހާ ގޮތަކަށް އަޅުދާސްތުވެ ގުލާނެއް ނުކުރާނެެ،" ގައްދޫ ކައުންސިލްގެ ބަޔާނުގައި ބުންޏެވެ.

އެހެން ނަމަވެސް ގައްދޫ ރައްޔިތުންނަށް ސަރުކާރުން ކޮށްދޭން ބޭނުންވާ ހުރިހާ ކަމަކަށް އެއްބާރުލުން ދިނުމުގައި އެ ކައުންސިލް ދެމިއޮންނާނެ ކަމަށް ވެސް އެ ބަޔާނުގައި ބުންޏެވެ.

ގައްދޫގައި އިއްޔެ ބޭއްވި ޖަލްސާގައި ވާހަކަ ދައްކަވަމުން ރައީސް ވިދާޅުވީ، އެމަނިކުފާނު ކުރައްވަމުން ގެންދަވާ ދަތުރުފުޅުގައި ވަރަށް ގިނަ ކައުންސިލުތަކަކާއި ބައްދަލުކުރެއްވި ކަމަށެވެ. ނަމަވެސް، ގައްދޫ ކައުންސިލުން ލިބުނު އެއްބާރުލުން ކުޑަ ކަމަށް ރައީސް ވިދާޅުވި އެވެ.

"މިއަދާ ހަމައަށް އައިރުގަ މި ފެށި ދަތުރުތަކުގަ ވަރަށް ގިނަ ކައުންސިލުތަކަކާ ބައްދަލުވެއްޖެ. ނަމަވެސް މި ރަށުގެ ކައުންސިލުގެ އެއްބާރުލުން ތަންކޮޅެއް ކުޑަކޮށް މި ލިބުނީ. ވަރަށް ހިތާމަކުރާ ކަމެއް،" ކަންބޮޑުވުން ފާޅުކުރައްވަމުން ރައީސް ވިދާޅުވި އެވެ.

ރައީސް އިތުރަށް ވިދާޅުވީ، މީގެ ކުރިން ދިޔަ ރަށްތަކުން ވެސް އިދިކޮޅު ޕާޓީ، އެމްޑީޕީގެ ކައުންސިލަރުންނާއި ބައްދަލުކުރެއްވި ކަމަށާއި، އެ ބޭފުޅުން ޖަލްސާތަކުގައި ބައިވެރިވެ އެއްބާރުލުން ދޭކަން ރައީސް ފާހަަގަކުރެއްވި އެވެ.

"މިއަދާ ހަމައަށް އައިއިރުގަ އަޅުގަނޑުމެންނާ ސިޔާސީ ގޮތުން މުޅިން ހިޔާލު ތަފާތު ޕާޓީ، އެމްޑީޕީގެ ކައުންސިލުތަކުގެ ރައީސުން، މޭޔަރުން ހުރިހާ ރަށެއްގަ ވަރަށް ފުރިހަމައަށް ބައިވެރިވެވަޑައިގަތް. އެއީ އެކަންކަން ވާންޖެހޭނެ ގޮތަކީ،" ރައީސް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox