އަސްލަމާއި ސަލީމް ވަކިކުރުމުގެ މައްސަލަ ގެންދިޔަ ސަބަބެއް ޕީއެންސީން ނުބުނި

ޕީއެންސީއަށް ގުޅުނު މަޖިލިސް މެންބަރުންނާއެކު، ރައީސް ޑރ. މުހައްމަދު މުއިއްޒު އާއި އިސް ވަޒީރު އަބްދުއްރަހީމް: މަޖިލީހުގެ ރައީސް އަދި ނައިބު ރައީސް ވަކިކުރަން ހުށަހެޅި އަނބުރާ ގެނެސްފި - ފޮޓޯ: އަދަދު

ޕީއެންސީއަށް ގުޅުނު މަޖިލިސް މެންބަރުންނާއެކު، ރައީސް ޑރ. މުހައްމަދު މުއިއްޒު އާއި އިސް ވަޒީރު އަބްދުއްރަހީމް: މަޖިލީހުގެ ރައީސް އަދި ނައިބު ރައީސް ވަކިކުރަން ހުށަހެޅި އަނބުރާ ގެނެސްފި - ފޮޓޯ: އަދަދު

ރައްޔިތުންގެ މަޖިލީހުގެ ރައީސް މުހައްމަދު އަސްލަމާއި ނައިބު ރައީސް އަހުމަދު ސަލީމް މަގާމުން ވަކިކުރަން ޕީއެންސީ/ޕީޕީއެމް ކޯލިޝަނުން ހުށަހެޅި މައްސަލައިގެ ނޯޓިސް ފޮނުވާފައި ވަނިކޮށް، 13 މެމްބަރެއްގެ ސޮއި އަނބުރާ ގެންދެވި ސަބަބުގެ ތަފުސީލު ދެވެން ނެތް ކަމަށް، ޕާލިމެންޓްރީ ގްރޫޕުން ބުނެފި އެވެ.

އެންމެ ބޮޑު އިދިކޮޅު ޕާޓީ އަދި މަޖިލީހުގެ މެޖޯރިޓީ ޕާޓީ، އެމްޑީޕީ އަށް ނިސްބަތްވާ އަސްލަމާއި ސަލީމް މަގާމުން ވަކިކުރަން ސޮއިކުރެއްވި މެމްބަރުންގެ ތެރެއިން ސޮއި ނެންގެވި މެމްބަރުން ފޮނުއްވި ސިޓީ "އަދަދު" ނޫހަށް ލިބިފައިވެ އެވެ. އޭގައި އެ ގޮތަށް ނިންމި ވަކި ސަބަބެއް ބުނެފައެއް ނެތެވެ.

ރައްޔިތުންގެ މަޖިލީހުގެ ރައީސް އަސްލަމް އަށް އެޑްރެސް ކުރައްވައި އިއްޔެ ފޮނުއްވި އެ ސިޓީގައި އޮންނަނީ، ސޮއި އަނބުރާ ގެންދަވަން އެ ބޭފުޅުން ބޭނުންވީ އަސްލަމް އާއި ސަލީމް "މަގާމުން ވަކިކުރުމުގެ މައްސަލަ މިވަގުތު ކުރިއަށް ގެންދަން ބޭނުން ނުވާތީ،" ކަމަށެވެ.

Advertisement

ޕީއެންސީގެ ޕާލިމެންޓްރީ ގްރޫޕްގެ ލީޑަރު އަދި މަޖިލީހުގެ މައިނޯރިޓީ ލީޑަރު މޫސާ ސިރާޖު "އަދަދު" ނޫހާ ވާހަކަ ދައްކަވަމުން ވިދާޅުވީ، މި ވަގުތަށް އެ ކަން ކުރަން ނުޖެހޭ ކަމަށް ނިންމީ ޕާލިމެންޓްރީ ގްރޫޕުގައި ވަރަށް ފުޅާކޮށް މަޝްވަރާ ކުރެއްވުމަށް ފަހު ކަމަށެވެ.

ނަމަވެސް މަޝްވަރާގެ ތަފުސީލު ދެއްވުމަށް ދެކޮޅު ހެއްދެވި އެވެ.

"އެ މަޝްވަރާތަކުގެ ތަފުސީލެއް އަޅުގަނޑަކަށް ނުއެއް ދެވޭނެ، ކޮންމެއަކަސް މި ވަގުތު ކުރަން ޖެހޭ ކަމަކަށް ނުފެންނާތީ [އަނބުރާ ނެގީ މައްސަލަ]،" ރައްޔިތުންގެ މަޖިލީހުގައި ފޮނަދޫ ދާއިރާ ތަމްސީލް ކުރައްވާ މެންބަރު ސިރާޖު ވިދާޅުވި އެވެ.

ސޮއި އަނބުރާ ގެންދެވި މެންބަރުންނަކީ؛

  1. އޭދަފުށީ ދާއިރާގެ މެމްބަރު އަހުމަދު ސަލީމް
  2. ފޮނަދޫ ދާއިރާގެ މެމްބަރު މޫސާ ސިރާޖު
  3. ނޮޅިވަރަމް ދާއިރާގެ މެމްބަރު މުހައްމަދު ނަޝީދު
  4. ތުލުސްދޫ ދާއިރާގެ މެމްބަރު އިބްރާހިމް ނަސީމް
  5. ފޭދޫ ދާއިރާގެ މެމްބަރު މުހައްމަދު ނިހާދު
  6. އިސްދޫ ދާއިރާގެ މެމްބަރު އަލީ ހަމީދު
  7. ނިލަންދޫ ދާއިރާގެ މެމްބަރު އަބްދުލްމުހުސިން ހަމީދު
  8. މުލަކު ދާއިރާގެ މެމްބަރު އިބްރާހިމް ނަސީރު
  9. މަތިވެރި ދާއިރާގެ މެމްބަރު ހަސަން ޒަރީރު
  10. ތޮއްޑޫ ދާއިރާގެ މެމްބަރު ހަސަން ޝިޔާން
  11. ގުރައިދޫ ދާއިރާގެ މެމްބަރު އިބްރާހިމް ޝާޒް
  12. ކުރެންދޫ ދާއިރާގެ މެމްބަރު އަބްދުލްޣަނީ އަބްދުލްހަކީމް
  13. ކޮމަންޑޫ ދާއިރާގެ މެމްބަރު މުހައްމަދު ރާޝިދު

ރައްޔިތުންގެ މަޖިލީހުގެ ގަވާއިދުގެ 205 ވަނަ މާއްދާގައި ބަޔާންކޮށްފައިވާ ގޮތުން މަޖިލީހުގެ ރައީސް އާއި ނައިބު ރައީސް މަގާމުން ވަކިކުރަން ހުށަހެޅޭނީ މަޖިލީހުގެ މެމްބަރުންގެ ހަތަރު ބައިކުޅަ އެއްބައި މެމްބަރުން ސޮއިކުރައްވައި ހުށަހަޅުއްވާ ގަރާރަކުންނެވެ. އެއީ މަދުވެގެން 20 މެމްބަރުންނެވެ.

އަސްލަމް އާއި ސަލީމްގެ އިތުބާރު ނެތްކަމުގެ މައްސަލައިގައި ސޮއިކުރެއްވި 23 މެމްބަރުންގެ ތެރެއިން 13 މެމްބަރެއްގެ ސޮއި ގެންދެވުމުން، އެ މައްސަލަ ކުރިއަށް ގެންދިއުމަށް ބޭނުންވާ ގާނޫނީ އަދަދު ވަނީ ގެއްލިފަ އެވެ. އެހެންވެ، މައްސަލައިގެ ނޯޓިސް ފޮނުވާފައި އޮތަސް އެ މައްސަލަ ދެން ކުރިއަށް ނުގެންދާނެ އެވެ.

މަޖިލީހުގައި ވެރިކަން ކުރާ ކޯލިޝަން ޕީއެންސީ/ޕީޕީއެމް ތަމްސީލްކުރައްވަނީ 16 މެންބަރެކެވެ. ސަރުކާރާއެކު، އެމްއެންޕީއަށް ނިސްބަތްވާ ދެ މެންބަރަކާއި އެމްޑީއޭގެ ދެ މެންބަރުން ވެސް ތިއްބަވަ އެވެ.

އިދިކޮޅު އެމްޑީޕީގެ 44 މެންބަރުން، އަދި އެ ޕާޓީއާއެކު މި ދުވަސްވަރު މަސައްކަތްކުރާ ޑިމޮކްރެޓްސްގެ 13 މެންބަރަކު ތިއްބަވަ އެވެ. ދެން ހިމެނެނީ އަމިއްލަ މެންބަރަކާއި ޖުމްހޫރީ ޕާޓީގެ ދެ މެންބަރެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox