ފޯމުގައި މައްސަލަ ނެތް މީހުންނަށް ފްލެޓުތައް ހަވާލުކުރަން އޭސީސީގެ މައްސަލައެއް ނެތް

މިނިވަން މުއައްސަސާތަކުގެ ކޮމިޓީގެ ބައްދަލުވުން: ބައްދަލުވުން ބޭއްވީ އާންމުން އެ ކޮމިޓީއަށް ހުށަހެޅި ސިޓީއަކާ ގުޅިގެން --- ފޮޓޯ: މަޖިލިސް

މިނިވަން މުއައްސަސާތަކުގެ ކޮމިޓީގެ ބައްދަލުވުން: ބައްދަލުވުން ބޭއްވީ އާންމުން އެ ކޮމިޓީއަށް ހުށަހެޅި ސިޓީއަކާ ގުޅިގެން --- ފޮޓޯ: މަޖިލިސް

ގެދޮރުވެރިޔާ ސްކީމަށް ޝަރުތު ހަމަވެ، ފޯމުތަކުގައި މައްސަލައެއް ނެތް މީހުންނަށް ފްލެޓުތައް ހަވާލު ކުރުމުގެ މަސައްކަތް ކުރިއަށް ގެންދަން ހައުސިން މިނިސްޓްރީގައި އެދިފައިވާނެ ކަމަށް އެންޓި ކޮރަޕްޝަން ކޮމިޝަން (އޭސީސީ)ގެ ރައީސް އާދަމް ޝާމިލް މިއަދު ވިދާޅުވެއްޖެ އެވެ.

ގެދޮރުވެރިޔާ ސްކީމަށް ހުށަހެޅި 20،000 އަށް ވުރެ ގިން ފޯމުގެ ތެރެއިން އޭސީސީން އިވެލުއޭޓު ކުރީ 4،048 ފޯމެވެ. މީގެ ތެރޭގައި ގިނައި ހުޅުމާލޭ ދެވަނަ ފިޔަވަހީގައި މިހާރު މަސައްކަތް ނިމެމުން އަންނަ ފްލެޓުތައް ލިބޭ ލިސްޓުގައި ހިމެނޭ ފޯމުތަކެވެ. އޭސީސީގެ ތަހުގީގަށް ފަހު އެ ކޮމިޝަނުން ބުނީ ޝަރުތު ހަމަވާ އަދި ފޯމުގައި މައްސަލައެއް ނެތީ އެންމެ 20.7 ޕަސެންޓު ފޯމެވެ.

ފްލެޓުތަކާ ގުޅޭ މައްސަލައިގައި އާންމު ފަރާތަކުން ފޮނުވި ސިޓީއަކާ ގުޅިގެން އޭސީސީ ހާޒިރުކޮށްގެން ކުރިއަށް ގެންދިޔަ ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީގައި، ޝާމިލް ވިދާޅުވީ މިހެން އެދުނަސް ފަހު ބަސް ބުނާނީ ކަމާ ގުޅޭ އިދާރާއިން ކަމަށެވެ.

Advertisement

"ފޯމުތައް އިވެލުއޭޓް ކޮށް ނިންމައި ކަންކަން ފާހަގަކުރުމުން، އެހިސާބުން ގޮތް ނިންމާނީ ޕަބްލިކް އެޑްމިނިސްޓްރޭޓަރު [ސަރުކާރުން]. އަޅުގަނޑުމެން ބުނެދޭނީ އަޅުގަނޑުމެންގެ ތަހުގީގުން ފާހަގަވީ މިކަންކަމޭ. އޭސީސީގެ މެންޑޭޓްގެ ތެރޭގައި ފޯމުތައް އިވެލުއޭޓް ކުރުމަށްފަހު ދެން ފޯމުތަކާ މެދު އަމަލު ކުރާނެ ގޮތެއް ކަނޑައެޅުމެއް ނޯވޭ. އަޅުގަނޑުމެންގެ ދައުރުގެ އިން ފަހަނައަޅައި ނުދާނެ ގޮތަކަށް މަސައްކަތްތައް ބައްޓަން ކުރުން އަމާޒަކީ،" ޝާމިލް ވިދާޅުވި އެވެ.

އެކަމަކު ހައްގުވެރިންނަށް ފްލެޓުތައް ހަވާލު ކުރުން ލަސްވެ، ހައްގު ގެއްލި، ކޮރަޕްޝަނަށް މަގުފަހިވާ ފަދަ ކަމެއް ހިނގާ ނަމަ އޭސީސީން އެ މައްސަލަ ބަލާނެ ކަމަށް ޝާމިލް ވިދާޅުވި އެވެ. އަދި ފްލެޓުތައް ހަވާލުކުރުމުގެ ޕްރޮސެސް އަވަސް ކުރުމަށް މިނިސްޓްރީން އޭސީސީގެ އެހީއަށް އެދެފިނަމަ އޭސީސީގެ މެންޑޭޓުގެ ތެރެއިން އެކަން ކޮށްދިނުމަށް އެހީވެދޭނެ ކަމަށް ވެސް ކަމަށް އޭނާ ވިދާޅުވި އެވެ.

އޭސީސީން މިހެން ބުނިއިރު ފޯމުތަކުގައި މައްސަލައެއް ނެތް މީހުންނަށް ވީހާވެސް އަވަހަކަށް ފްލެޓުތައް ހަވާލުކުރުމަށް ގޮވާލައި ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ ޑިމޮކްރެޓްސް މެމްބަރު އީވާ އަބްދުﷲ މަޖިލީހަށް މައްސަލައެއް ހުށަހަޅާފައިވެ އެވެ.

މައްސަލައިގެ ފަސްފަހަތް

ފްލެޓު ލިބޭނެ ކަމަށް ކުރީ ސަރުކާރުގެ ހައުސިން މިނިސްޓްރީން ކަނޑައެޅި މީހުންގެ ތެރެއިން 60 ޕަސެންޓު މީހުންގެ ޝަރުތުހަމަނުވާ ކަމަށް އޭސީސީގެ ތަހުގީގުން ފާހަގަކޮށްފައިވެ އެވެ. ޝަރުތު ފުރިހަމަވީީ ނަމަވެސް މައްސަލަ ހުރި ފޯމުތަކުގެ ނިސްބަތަކީ 19.7 ޕަސެންޓެވެ.

ޕޮއިންޓު ދިނުމުގައި ހުރި މައްސަލަތައް ފާހަގަކުރަމުން އޭސީސީން ބުނީ ފަސޭހައިން ކަށަވަރުކުރެވެން ހުރި މައުލޫމާތު ކަށަވަރުނުކޮށް، ހަމައެކަނި މީހުން ހުށަހެޅި މައުލޫމާތާއި ލިޔެކިޔުންތަކުގެ މައްޗަށް ބިނާކޮށް ފްލެޓު ދީފައިވާ ކަމަށެވެ.

އެ ކޮމިޝަނުގެ ތަހުގީގުން އެނގުނު ގޮތުގައި ކުރިން ފްލެޓު ލިބިފައިވާ މީހުންނަށާއި އާމްދަނީ ކެޓެގަރީން ޝަރުތު ހަމަނުވާ މީހުންނާއި މާލޭގައި ދިރިއުޅެފައި ނުވާ މީހުންނަށް ވެސް ފްލެޓު ލިބިފައިވެ އެވެ. އަދި ދަރިން ނެތް މީހުންނަށް ދަރިން ތިބި ކަމަށް ވެސް ޕޮއިންޓު ދީފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox