އިންޑިއާއަށް ހައްގު އިހުތިރާމު ނުދެންޏާ ނަތީޖާ ހިތިވާނެ: ނަޝީދު

ކުރީގެ ރައީސް މުހައްމަދު ނަޝީދު އަދި ރައީސް ޑރ. މުހައްމަދު މުއިއްޒު: އިންޑިއާއަށް އިހުތިރާމު އަދާ ނުކުރާނަމަ ނަތީޖާ ހިތިވާނެ ކަމަށް ނަޝީދު ވިދާޅުވި - ފޮޓޯ:

ކުރީގެ ރައީސް މުހައްމަދު ނަޝީދު އަދި ރައީސް ޑރ. މުހައްމަދު މުއިއްޒު: އިންޑިއާއަށް އިހުތިރާމު އަދާ ނުކުރާނަމަ ނަތީޖާ ހިތިވާނެ ކަމަށް ނަޝީދު ވިދާޅުވި - ފޮޓޯ:

އަވައްޓެރި އިންޑިއާއަކީ އަބަދުވެސް ރާއްޖެއާ އެކު ގާތް ގުޅުމެއް އޮންނަ ގައުމެއް ކަމަށާއި އެ ގައުމަށް ދޭން ޖެހޭ އިހުތިރާމު ނުދޭނަމަ އޭގެ ހިތްދަތިކަން ރާއްޖެއިން ތަޖުރިބާ ކުރަން ޖެހޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ނަޝީދުގެ ވެރިކަމުގައި ގާތް ގުޅުމެއް ބޭއްވި އިންޑިއާގެ ސިފައިން ރާއްޖޭގައި ތިބުމުން ސިފައިން ފޮނުވައިލުމަށާއި ބޭސްފަރުވާއާއި ކާބޯތަކެތީގެ ބާވަތްތަކުގައި ރާއްޖެއިން އިންޑިއާއަށް އޮންނަ ބަރޯސާވުން ކުޑަ ކުރުމަށް ފިޔަވަޅުތަކެއް އެޅުމަށް، ރައީސް ޑރ. މުހައްމަދު މުއިއްޒު ވަނީ ނިންމަވައިފަ އެވެ.

ރާއްޖޭގެ ވެރިކަން ތިން އަހަރެއްހާ ދުވަހު ކުރެއްވި ނަޝީދު އެކްސްގައި ލިޔުއްވީ، ރާއްޖޭން އެތައް ގަރުނަކު އަމިއްލަ މިނިވަން ވެރިކަމަކާއި ދައުލަތެއް ދަމަހައްޓާފައިވަނީ ގަދަބާރުގެ ބަދަލުގައި ވެރިންގެ ހިކުމަތްތެރި ސިޔާސަތުތަކާއި އުކުޅުތައް މެދުވެރިކޮށް ކަމަށެވެ.

Advertisement

"އަޅުގަނޑުމެންގެ [މިއަދުގެ] ވެރީން، ދުރުވިސްނުމާއި ބެލުން މަދުކޮށް، [ގާތް ގުޅުން އޮތް] ގައުމުތަކާ މެދު ނަފުރަތު އިސްކޮށް އެ މީހުންގެ މޭމަތީ ތަޅަން ފަށައިފިއްޔާ، ރާއްޖެއަށް ނަތީޖާ ހިތިވާނެ،" ރައްޔިތުންގެ މަޖިލީހުގެ ރައީސްކަން ވެސް ކުރައްވާފައިވާ ނަޝީދު ލިޔުއްވާފައިވެ އެވެ.

ނަޝީދު މިހެން ވިދާޅުވިއިރު މި މަހުގެ 15 ވަނަ ދުވަހުގެ ކުރިއަށް ރާއްޖޭގައި ތިބި އިންޑިއާ ސިފައިން ފޮނުވާލުމަށް ރައީސް ޑރ. މުއިއްޒު ވަނީ އެ ގައުމަށް އަންގަވައިފަ އެވެ. އެ ކަމުގެ މަޝްވަރާތަކަށް، ރާއްޖޭގައި ހުންނަވާ އިންޑިއާ ސަފީރާއެކު ހާރިޖިއްޔާއިން ބައްދަލުވުންތަކެއް ވެސް ވަނީ ބާއްވައިފަ އެވެ.

ބޭސްފަރުވާއަށް އިންޑިއާއަށް ބަރޯސާ ވުމުގެ ބަދަލުގައި، އާސަންދަ ހިދުމަތް ތައިލެންޑާއި ޔުނައިޓެޑް އެރެބް އެމިރެޓްސް (ޔޫއޭއީ) އިން ލިބޭނެ ގޮތް ހަމަޖެއްސުމަށް ވެސް ސަރުކާރުން ދަނީ މަސައްކަތް ކުރަމުންނެވެ. އަދި ކާޑުގެ ބާވަތްތައް ތުރުކީން ގެނައުމަށް ދަނީ މަސައްކަތް ކުރަމުންނެވެ.

ރައީސް މުއިއްޒު މި ކަންކަން އިއުލާން ކުރެއްވީ، ޗައިނާއަށް އެމަނިކުފާނު ކުރެއްވި ފުރަމާނަ ދަތުރުފުޅަށް ފަހު، ވެލާނާ އިންޓަނޭޝަނަލް އެއާޕޯޓުގައި ހުންނަވައި އެމަނިކުފާނު ދެއްވި ޕްރެސް ސްޓޭޓްމަންޓްގަ އެވެ.

އޭރު އިންޑިއާގެ ފިލްމީ ތަރިން ވެސް ހިމެނޭހެން ބައެއް މީހުން ރާއްޖޭގެ ޓުއަރިޒަމް ބޮއިކޮޓް ކުރުމުގެ ކެމްޕެއިނެއް ވެސް އޮތީ ފަށައިފަ އެވެ.

އެ މައްސަލަ ހޫނުވީ، އިންޑިއާގެ ބޮޑުވަޒީރު ނަރެންދްރަ މޯދީ އެ ގައުމުގެ ބެލުމުގެ ދަށުގައި އޮންނަ ޖަޒީރާ ރަށްތައް ކަމަށްވާ ލަކްޝަދީޕް ޕްރޮމޯޓް ކުރަން ނެރުއްވި ވީޑިއޯއަކަށް ދިވެހި ސަރުކާރުގެ ބައެއް އިސް ބޭފުޅުން އެކްސްގައި ރައްދު ދެއްވަން ފެއްޓެވެމުންނެވެ.

އިންޑިއާގެ ބޮޑު ވަޒީރު މޯދީއަށް ނިސްބަތްކޮށް އިހުތިރާމު ކުޑަ ބަސްތަކަކުން ޓްވީޓް ކުރެއްވި މައްސަލާގައި ޔޫތު މިނިސްޓްރީގެ ތިން ޑެޕިއުޓީ މިނިސްޓަރު ސަސްޕެންޑް ކޮށްފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox