ސަރުކާރުގެ އޮފިޝަލުން ރަސްމީ އެކައުންޓްތަކުން މޯދީއަށް މަލާމާތް ކުރުމުން ފާޑުކިޔުން އަމާޒުވެއްޖެ

ރައީސް ޑރ. މުހައްމަދު މުއިއްޒު އަރިހުގައި ޑެޕިއުޓީ ޔޫތު މިނިސްޓަރުން، މަރިޔަމް ޝިއުނާ އާއި މަލްޝާ ޝަރީފް: ސަރުކާރުގެ އިސް އޮފިޝަލުންތަކެއް މޯދީއަށް މަލާމާތްކޮށް ހަޖޫ ޖެހުމުން އާންމުން ވެސް އަންނަނީ ނުރުހުން ފާޅުކުރަމުން --- ފޮޓޯ

ރައީސް ޑރ. މުހައްމަދު މުއިއްޒު އަރިހުގައި ޑެޕިއުޓީ ޔޫތު މިނިސްޓަރުން، މަރިޔަމް ޝިއުނާ އާއި މަލްޝާ ޝަރީފް: ސަރުކާރުގެ އިސް އޮފިޝަލުންތަކެއް މޯދީއަށް މަލާމާތްކޮށް ހަޖޫ ޖެހުމުން އާންމުން ވެސް އަންނަނީ ނުރުހުން ފާޅުކުރަމުން --- ފޮޓޯ

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ސަރުކާރުގެ މަގާމުތަކަށް އައްޔަނުކުރައްވާފައިވާ ބައެއް ސީނިއާ އޮފިޝަލުން އަވައްޓެރި އިންޑިއާގެ ބޮޑުވަޒީރު ނަރެންދުރަ މޯދީއަށް ސޯޝަލް މީޑިއާގައި މަލާމާތްކުރުމާ ގުޅިގެން ފިޔަވަޅު އެޅުމަށް ގޮވާލާ އަޑުތައް ގަދަވެއްޖެ އެވެ.

އެކްސްގައި ދިވެހި ސަރުކާރުގެ އޮފިޝަލުންނާއި އިންޑިއާގެ ބައެއް ރައްޔިތުންނާއި ޓްރޯލް އެކައުންޓްތަކުގެ މެދުގައި ހޫނު ބަހުގެ ހަމަލާތަކެއް އަންނަނީ ބަދަލުކުރަމުންނެވެ. މިިކަމެއް ފެށުނީ ލަކްޝްދީބުގެ ޓޫރިޒަމް ޕްރޮމޯޓު ކުރުމަށް މޯދީ އާންމުކުރެއްވި ވީޑިއޯއަކާ އެކު އެވެ.

އެއަށްފަހު, އިންޑިއާގެ ޕޮލިޓިކަލް ކޮމެންޓްރީ ގެނެސްދޭ އެކައުންޓަކުން މޯދީގެ މި ވީޑިއޯ ސިފަކޮށްފައި ވަނީ ރާއްޖޭގެ ޓޫރިޒަމަށް އޮތް ހުރަހެއްގެ ގޮތުގަ އެވެ. އަދި, މިހާރު ރާއްޖޭގައި އޮތް ސަރުކާރަކީ "ޗައިނާގެ ޕަޕެޓް ސަރުކާރެއް" ކަމަށާއި އެ ވީޑިއޯގެ ސަބަބުން ލަކްޝްދީބަށް ޓޫރިސްޓުން އަންނަ ވަރު އިތުރުވާނެ ކަމަށް "މިސްޓާ ސިންހާ" ނަމަކަށް ކިޔާ އެކައުންޓުން ބުނެފައިވެ އެވެ.

Advertisement

އެއާއެކު ސަރުކާރުގެ އިސް މަގާމުތަކުގައި ތިއްބެވި އޮފިޝަލުން ވަނީ ސަރުކާރުގެ ދިފާއުގައި އެކްސްގައި ރައްދު ދީފަ އެވެ. އެކްސްގައި ވެރިފައިކޮށްފައި ހުރި ސަރުކާރުގެ އިސް އޮފިޝަލުންގެ އެކައުންޓުތައް މެދުވެރިކޮށް ބައެއް ބޭފުޅުން ވަނީ މޯދީއަށް މަލާމާތްކޮށް ހުތުރު ބަހުން މުހާތަބު ކޮށްފައިވެ އެވެ. އޭގެ ތެރޭގައި ޔޫތު މިނިސްޓްރީގެ ޑެޕިއުޓީ މިނިސްޓަރުން ކަމަށްވާ މަރިޔަމް ޝިއުނާ އާއި މަލްޝާ ޝަރީފް ހިމެނެ އެވެ.

މިހާރު ޑިލީޓްކޮށްފައިވާ ޓްވީޓެއްގައި ޝިއުނާ ވަނީ މޯދީއަކީ "ޖޯކަރެއް" ކަމަށާއި "އިޒްރޭލުގެ ޕަޕެޓް" އެއް ކަމަށް ސިފަކޮށްފަ އެވެ. އިންޑިއާގެ އެކައުންޓްތަކުން ވެސް ފާހަގަކުރަމުންދަނީ ސަރުކާރުގެ އޮފިޝަލެއްގެ ރަސްމީ އެކައުންޓުން މިފަދަ ޓްވީޓުތަކެއް ކުރުމަކީ ދެ ގައުމުގެ މެދުގައި އޮތް ގުޅުމަށް އެއްވެސް ވަރަކަށް ބެލުމެއް ނެތި ކޮށްފައިވާ ކޮމެންޓްތަކެއް ކަމަށް ބުނަމުންނެވެ.

އެކަމާ ގުޅިގެން ކުރީގެ ރައީސް މުހައްމަދު ނަޝީދު ކުރެއްވި ޓްވީޓެއްގައި ވިދާޅުވީ ރާއްޖޭގެ ސަލާމާތާއި ރައްކާތެރިކަމަށް އެހާ މުހިންމު އެކުވެރި ގައުމެއްގެ ލީޑަރަކާ ދެކޮޅަށް އެފަދަ ބަސްތަކެއް ބޭނުންކުރުމަކީ މުޑުދާރު އަމަލެއްގެ ގޮތުގައި ސިފަކޮށްފަ އެވެ.

"މި ކޮމެންޓުތަކާ ރައީސް މުއިއްޒުގެ ސަރުކާރުން ދުރުވާން ޖެހޭ އަދި މިއީ ސަރުކާރުގެ ސިޔާސަތެއް ނޫންކަން ސާފުކޮށް އިންޑިއާއަށް އަންގައިދޭން ޖެހޭ," ނަޝީދު ވިދާޅުވި އެވެ.

އަވައްޓެރި އެކުވެރި ގައުމުތަކުގެ ލީޑަރުންނާއި ސީނިއާ އޮފިޝަލުންނާ ދެކޮޅަށް އިހުތިރާމް ކުޑަކުރާ ސަރުކާރުގެ ބޭފުޅުންނާ ދެކޮޅަށް ފިޔަވަޅު އަޅަން ޖެހޭ ކަމަށް އެމްއާރުއެމްގެ ލީޑަރު އަދި މަޖިލީހުގެ ކުރީގެ މެމްބަރު އަހްމަދު ފާރިސް މައުމޫން ވެސް ވަނީ ވިދާޅުވެފަ އެވެ.

"އެފަދަ ކަންކަމާ ދެކޮޅަށް ފިޔަވަޅު ނާޅައިފިނަމަ, އެފަދަ އިހުތިރާމު ގެއްލޭ ކޮމެންޓުތަކަކީ ސަރުކާރުން ހިތްވަރު ދީގެން ކުރަމުންދާ ކަމެއްކަމަށް ބެލުމުގެ ފުރުސަތު އެބައޮތް," އެކްސްގައި ކުރެއްވި ޕޯސްޓެއްގައި ފާރިސް ވިދާޅުވެފައިވެ އެވެ.

ރާއްޖޭގެ ޓޫރިޒަމް އިންޑަސްޓްރީގައި މުހިންމު ރޯލެއް އަދާކުރަމުންދާ ބޯޓިން އެސޯސިއޭޝަންގެ ރައީސް އިސްމާއީލް ހަމީދު (ހައިރައިސް އިއްސޭ) ވެސް ވަނީ ސަރުކާރުގެ އިސް މަގާމުތަކުގައި ތިއްބަވާ ބޭފުޅުން ތަމްސީލުކުރައްވަނީ ގައުމު ކަމަށާއި ޕްރޮފެޝަނަލްކަން ދަމަހައްޓަން ޖެހޭ ކަމަށް ވިދާޅުވެފަ އެވެ. އޭނާ މި އަމަލު ސިފަކުރެއްވީ ގައުމަށް ބޮޑު ހުތުރެއްގެ ގޮތުގަ އެވެ.

މިދިޔަ ސަރުކާރުގައި ހެރިޓޭޖު މިނިސްޓަރުގެ ޖަގާމު ފުރުއްވި ޔުމްނާ މައުމޫން ވެސް ވަނީ ދައުލަތުގެ މަގާމުތައް ފުރުއްވާ ބޭފުޅުން ދައްކަވާ ވާހަކަތަކާ ގުޅިގެން ނުރަނގަޅު އަސަރުތަކެއް ކޮށްފާނެކަން ދަންނަން ޖެހޭނެ ކަމަށް ވެސް އޭނާ ވިދާޅުވެފަ އެވެ.

ކްލައިމެޓް އެންވޯއިގެ މަގާމުގައި ކުރިން ހުންނެވި ސަބްރާ ނޫރައްދީން ވެސް ވަނީ ސަރުކާރުގެ އޮފިޝަލުން އަމަލުކޮށްފައި ވަނީ ވަރަށް ޒިންމާދާރުކަން ކުޑަކޮށް ކަމަށް ވިދާޅުވެފަ އެވެ. އެއީ ނުރައްކާތެރި ސިޔާސީ ގޭމެއް ކަމަށް ސިފަކޮށް ސަބްރާ ވަނީ އެއީ ޕޮއިންޓް ޖެހުމަށް ކުރި ކަމެއް ކަމަށް ވިދާޅުވެފަ އެވެ.

މި ބޭފުޅުންގެ އިތުރުން ވެސް ގިނަ އަދަދެއްގެ ބަޔަކު އަންނަނީ ސަރުކާރުގެ ޒިންމާދާރު އިސް މަގާމުތަކެއްގައި ތިއްބެވި ބޭފުޅުން އަމަލުކޮށްފައިވާ ގޮތަށް ފާޑުކިޔަމުންނެވެ. އަދި, ވެރިފައި ކޮށްފައިވާ އެކައުންޓަކުން އިންޑިއާގެ ބޮޑުވަޒީރަށް މަލާމާތްކޮށްފައިވާތީ ޝިއުނާގެ އިސްތިއުފާއަށް ވެސް އަންނަނީ ގޮވާލަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox