ޓްރީ ޓޮޕް ހޮސްޕިޓަލުގެ ހިތާނީ ކޭމްޕްގައި ބައިވެރިވުމުގެ ފުރުސަތު އަންނަ ޖެނުއަރީ 10، ގެ ނިޔަލަށް ހުޅުވާލައިފި އެވެ.
އެ ކޭމްޕްގެ މަގްސަދަކީ ހިތާނު ކުރާ ކުދިންގެ ކޮންސަލްޓޭޝަން އިން ފެށިގެން ފޮލޯ-އަޕް އާއި ހަމައަށް ފަސޭހަ ކަމާއެކު އެންމެ ފުރިހަމައަށް ހިދުމަތްތައް ފޯރުކޮށްދިނުން ކަމުގައި ޓްރީ ޓޮޕުން ބުނެ އެވެ. މި ހިތާނީ ކޭމްޕުގައި އޮޕަރޭޝަނަށް ހަ ޑޮކްޓަރުން ހަރަކާތްތެރިވާނެ އެވެ.
އެ ކޭމްޕުގައި ހަރަކާތްތެރިވާ ޑޮކްޓަރުންގެ ތެރޭގައި އޮޕަރޭޝަނަށް ހާއްސަ ޑޮކްޓަރުން ތެރޭގައި ޑރ. ހުސެއިން ހަދިޔެވް އާއި ޑރ. އުކަތަމް އަބްދުއްލާޔެވް އާއި ޑރ. މައުމޫން އާސިމް އާއި ޑރ. މުހައްމަދު ޝަރީފް އާއި ޑރ. އަބްދުﷲ އުބައިދުގެ އިތުރުން، ކުޑަކަމުދާ ނިޒާމުގެ ހާއްސަ ޑޮކްޓަރު، ޑރ. މެހްމެތު އޮޑާ ހިމެނެ އެވެ.
ޓްރީ ޓޮޕް ހޮސްޕިޓަލުގެ ހިތާނީ ކޭމްޕްގައި ބައިވެރިވުމަށް ނަން ނޯޓުކުރުމުގެ އެންމެ ފަހު ދުވަހަކީ ޖެނުއަރީ 10، 2024 އެވެ.
ހިތާނީ ޕެކޭޖްގެ އަގަކީ 5000ރ. އެވެ. އަދި ކޮޓަރި އަޕްގްރޭޑް ކުރަން ބޭނުންވާނަމަ، ޕްރައިވެޓް ކޮޓަރިތަކަށް ހާއްސަ އަގުތަކެއް ހަމަޖެހިފައިވާކަމަށް އެ ހޮސްޕިޓަލުން މައުލޫމާތުދެ އެވެ.
ޓްރީ ޓޮޕް ހިތާނީ ކޭމްޕު ޕެކޭޖުން ފޯރުކޮށްދޭ ހިދުމަތްތައް
- އޮޕަރޭޝަންނަށް ހާއްސަ ޑޮކްޓަރު އަދި ހޭނައްތާ ޑޮކްޓަރު
- ކޮންސަލްޓޭޝަން
- ލެބް އިންވެސްޓިގޭޝަންސް
- ސަރޖަރީއަށްފަހު ދެވޭ ބޭސް
- ޑޭކެއާ ޔުނިޓް ހިދުމަތް
- ފޮލޯ އަޕް ކޮންސަލްޓޭޝަން
ޓްރީ ޓޮޕްގެ 3351610 ނަމްބަރަށް ގުޅައިގެން ހިތާނީ ކޭމްޕުގައި ބައިވެރިވާން ނަން ނޯޓު ކުރެވޭނެ އެވެ.
