ނޫސްވެރިކަމުގެ މިނިވަންކަން ކަށަވަރުކުރުމުގެ ހެޔޮ ނިޔަތް ސަރުކާރުގައި ނެތް ކަމަށް ބުނެ، ކޮމިޓީގައި ވެސް އެމްޖޭއޭއިން ބައިވެރި ނުވި!

ޑިސެމްބަރު 24، 2023 ގައި ސަރުކާރުން މީޑިއާތަކާއެކު، ދިވެހިރާއްޖޭގެ އަޑުގައި ބޭއްވި ބައްދަލުވުމުގައި ބައިވެރިވި ބައެއް ނޫސްވެރިން. -- ފޮޓޯ: އަދަދު

ޑިސެމްބަރު 24، 2023 ގައި ސަރުކާރުން މީޑިއާތަކާއެކު، ދިވެހިރާއްޖޭގެ އަޑުގައި ބޭއްވި ބައްދަލުވުމުގައި ބައިވެރިވި ބައެއް ނޫސްވެރިން. -- ފޮޓޯ: އަދަދު

ނޫސްވެރިކަމުގެ މިނިވަންކަން ކަށަވަރުކުރުމުގެ ހެޔޮ ނިޔަތް ސަރުކާރުގައި ނެތް ކަމަށް ބުނެ، ދިވެހި ނޫސްވެރިން ތަމްސީލު ކުރާ ޖަމްއިއްޔާ، މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ) އިން ކަންބޮޑުވުން ފާޅުކޮށް، އަދި ސަރުކާރުން އެކުލަވައިލި މީޑިއާ ކޮމިޓީގައި ވެސް އެ ޖަމިއްޔާއިން ބައިވެރި ނުވަން ނިންމައިފި އެވެ.

ސަރުކާރަށް ފާޑުކިޔާފައިވާ ލިޔުންތައް ޝާއިއުކުރާ ދެ ވެބްސައިޓަށް ރާއްޖެއިން ނުވަދެވޭ ގޮތަށް ބަންދުކުރުމާއި އެއަށް ފަހު "ފުރަތަމަ" ނޫސް ވެސް ބްލޮކު ކުރުމާއި ގުޅިގެން ނޫސްވެރިން ފާޅުކުރި ކަންބޮޑުވުންތަކާއި، ސަރުކާރަށް ކުރިމަތިވި ފާޑުކިޔުންތަކާ ގުޅިގެން، ޑިސެމްބަރު 24 ގައި މީޑިއާތަކާއެކު ސަރުކާރުން ދިވެހިރާއްޖޭގެ އަޑުގެ ސެނަކޯ މާލަމުގައި ބައްދަލުވުމެއް ބޭއްވި އެވެ.

އެ ބައްދަލުވުމުގައި އެމްޖޭއޭ އަދި އެޑިޓަރުންގެ ޖަމިއްޔާ، އެޑިޓާސް ގިލްޑުން އަދި ބައެއް ނޫސްތަކުން އެދުނީ ވެބްސައިޓުތައް ބްލޮކުކުރި ސަބަބު ހާމަކޮށް ދިނުމާއި، ބްލޮކުކުރި ވެބްސައިޓުތައް ދޫކޮށްލުމަށެވެ. އެ ބައްދަލުވުމުގައި އެމްޖޭއޭއިން ސަރުކާރަށް ގޮވައިލި ކަންކަމަކީ؛

Advertisement
  • ސަރުކާރަށް ފާޑުކިޔައި ލިޔުންތަކެއް ޝާއިއުކުރަމުން ދަނިކޮށް ބަންދުކޮށްފައިވާ ދެ ވެބްސައިޓް ބްލޮކްކޮށްފައިވާ ކުރުން ނިމުމަކަށް ގެނައުން.
  • ސަރުކާރުން ބްލޮކްކޮށްފައިވާ އަދި ބްލޮކްކުރަން އެދިފައިވާ ވެބްސައިޓްތަކަކީ ކޮބައިކަން ހާމަކުރުމާއި އެ ވެބްސައިޓްތައް ބްލޮކްކުރި ސަބަބުތައް ވެސް އާންމުންނަށް އެނގޭނޭހެން އާންމުކޮށް ހާމަކުރުން؛ އަދި ބްލޮކް ކުރުމަށް ފަހު އެކަން ނިމުމަކަށް ގެނެސްފައިވާ ސައިޓްތަކަކީ ކޮބައިކަން ވެސް ހާމަކުރުން.
  • ގާނޫނަކުން އިންތަކާއި ހުދޫތަކެއް ކަނޑައެޅިގެން ނޫން ގޮތަކަށް ސަރުކާރުން ދެން އިތުރަށް އިންޓަނެޓް ސެންސަޝިޕްގެ ބާރު ބޭނުން ނުކުރާނޭކަމުގެ ޔަގީންކަން ދިނުން.

އެމްޖޭއޭއިން ހުށަހެޅި މި ކަންކަމަށް ބައްދަލުވުމުގައި ބައިވެރިވި، މިނިވަން ޒިންމާދާރު މީޑިއާ އިންޑަސްޓްރީއެއް ރާއްޖޭގައި ގާއިމް ކުރުމަށް ވަކާލާތުކުރާ ހުރިހާ ސީނިއާ އެޑިޓަރުން ތާއިދު ކޮށްފައިވާ ކަަމަށް ވެސް އެ ޖަމިއްޔާއިން ބުންޏެވެ.

އެ ކަންކަން ޖަވާބެއް ދިނުމުގެ ބަދަލުގައި އެ ބައްދަލުވުމުގައި ސަރުކާރުން ބޭނުންވީ ނޫސްވެރިކަމުގެ މިނިވަންކަން ކަށަވަރުކުރުމާއި ނޫސްވެރިކަމުގެ ސިޔާސަތުތައް ކަނޑައެޅުމަށް ހަތް މެމްބަރުންގެ ކޮމިޓީއެއް އުފެއްދުމަށެވެ.

ނަމަވެސް އެ ބައްދަލުވުން ބޭއްވިތާ ތިން ދުވަސް ފާއިތުވެގެން ދިޔައިރު ވެސް އެމްޖޭއޭއިން ހުށަހެޅި ކަންކަމަށް ސަރުކާރުން ޖަވާބެއް ދީފައި ނުވާތީ ސަރުކާރުން އުފެއްދި އެ ކޮމިޓީގައި އެ ޖަމިއްޔާ ބައިވެރިނުވުމަށް މިހާރު ވަނީ ނިންމައިފަ އެވެ.

ނޫސްވެރިންނާއެކު ބޭއްވި ބައްދަލުވުމުގައި ގިނަ ވަޒީރުންތަކެއްް ވެސް ބައިވެރިވެވަޑައިގެންނެވި. -- ފޮޓޯ: އަދަދު
ނޫސްވެރިންނާއެކު ބޭއްވި ބައްދަލުވުމުގައި ގިނަ ވަޒީރުންތަކެއްް ވެސް ބައިވެރިވެވަޑައިގެންނެވި. -- ފޮޓޯ: އަދަދު

ނޫސްވެރިންނާއެކު ބޭއްވި ބައްދަލުވުމުގައި ގިނަ ވަޒީރުންތަކެއްް ވެސް ބައިވެރިވެވަޑައިގެންނެވި. -- ފޮޓޯ: އަދަދު

"ކަންކަން އިސްލާހުކުރުމުގެ ގުޑްވިލް އޮތްކަން ދެއްކުމުގެ ގޮތުން، ވަޒީރުން ވެސް ބައިވެރިވެވަޑައިގަތް އެ ބައްދަލުވުމުގައި މިކަންކަމުގެ ކަށަވަރުކަމަށް މި ޖަމްއިއްޔާއިން އެދުނު ނަމަވެސް އެ ބައްދަލުވުމަށް 48 ގަޑިއިރަށް ވުރެ ގިނަ ވަގުތު ފާއިތުވެގެން ދިޔަ ނަމަވެސް ސަރުކާރުން އެކަމަށް އެދެވޭ އެއްވެސް ޖަވާބެއް މި ޖަމްއިއްޔާއަށް ދީފައެއްނުވެ އެވެ،" ދިވެހި ނޫސްވެރިން ތަމްސީލުކުރާ އެންމެ ގިނަ ދުވަސްވީ ޖަމިއްޔާ، އެމްޖޭއޭއިން ރޭ ނެރުނު ބަޔާނެއްގައި ބުނެފައިވެ އެވެ.

"އެހެންކަމުން މި ޖަމްއިއްޔާގެ އެކްސްކޯއިން މިހާރު ނިންމާފައިވަނީ މީޑިއާގެ މިނިވަންކަން ކަށަވަރުކޮށް މީޑިއާގެ ސިޔާސަތުތައް ކަނޑައެޅުމުގެ މަގުސަދުގައި ކަމަށް ބުނެ އެ ބައްދަލުވުން ނިންމާލަމުން ނެގި ހަތް މެންބަރުންގެ ކޮމިޓީގައި މި ޖަމްއިއްޔާ ބައިވެރިނުވެ ތަނާޒުލްވުމަށެވެ."

އެގޮތަށް އެމްޖޭއޭއިން ނިންމީ ރައްޔިތުންގެ ހިޔާލުފާޅުކުރުމުގެ މިނިވަންކަމާއި މީޑިއާގެ މިނިވަންކަން އަދި ރައްޔިތުންނަށް މައުލޫމާތު އެނގުމާއި ދިނުމުގެ ހައްގު ކަށަވަރުކުރަން އިސްލާހީ ފިޔަވަޅު އަޅައި ސަރުކާރުގެ ގުޑްވިލް އޮތްކަން ދެއްކުމަށް ލިބުނު ފުރުސަތުގެ ބޭނުންހިފާފައި ނުވުމުން ކަމަށް އެ ޖަމިއްޔާގެ ބަޔާނުގައި ބުނެފައިވެ އެވެ.

ސަރުކާރު ބޭނުންވެގެން އުފެއްދި ހަތް މެމްބަރުންގެ ކޮމިޓީ އެކުލެވިފައިވާ ގޮތުން ނޫސްވެރިކަމުގެ މިނިވަންކަމާއި މިނިވަން ޒިންމާދާރު މީޑިއާއަކަށް ފަހިވާނޭ ގޮތަށް ނަތީޖާއެއް ނެރެވޭނޭ މައުނަވީ މަސައްކަތްތަކެއް އެ ކޮމިޓީގައި ތިބެގެން ކުރެވޭނޭ ކަމަށް ވެސް އެމްޖޭއޭއިން ގަބޫލެއް ނުކުރެ އެވެ. އަދި އެ ޖަމިއްޔާއި ބުނެފައި ވަނީ އެ ކޮމިޓީ އެކުލަވާލުމަށް ނަންތައް ހުށަހެޅުނު ގޮތާއި ވޯޓަށް އެހުނު ގޮތުގައި އިންސާފުވެރި ނޫން ގޮތްގޮތަށް ކަންކަން ގޮސްފައިވާ ކަމަށެވެ.

"މިގޮތަށް ކަންކަން ހިނގުމަކީ މި ޖަމްއިއްޔާއުން ނިހާޔަތަށް ހިތާމަކުރާ އަދި ކަންބޮޑުވާ ކަމެކެވެ. އަދި ދެފުއް ފެންނަ ހާމަކަން ބޮޑު އުސޫލެއް ނެތި އަދި ގާނޫނެއް ހެދުމެއް ނެތި އިންޓަނެޓް ސެންސަޝިޕްގެ ބާރު ބޭނުން ނުކުރުމަށް މި ޖަމްއިއްޔާއިން ސަރުކާރަށް ގޮވާލާ ގޮވާލުން ތަކުރާރުކުރުމެވެ،" އެމްޖޭއޭގެ ބަޔާނުގައިވެ އެވެ.

ސަރުކާރާ ފާޑުކިޔައި ލިޔުންތައް ޝާއިއުކުރާ ދެ ވެބްސިއިޓު ބަންދުކުރިކަން، އަދި ބަންދުކުރި ސަބަބު ސަރުކާރުން ރަސްމީކޮށް ބުނެފައެއް ނުވެ އެވެ. ސަރުކާރުގެ އޮފިޝަލުން ވިދާޅުވަމުން ދަނީ ރަޖިސްޓްރީކޮށްގެން ހިންގަމުންދާ ނޫހެއް ބަންދު ނުކުރާ ކަމަށެވެ. ނަމަވެސް "ފުރަތަމަ" ނޫހަކީ ރަޖިސްޓްރީކޮށްގެން ހިންގަމުންދާ ނޫހެކެވެ. ފާޑުކިޔުންތައް އަމާޒުވުމުން، އެ ނޫހުގެ ވެބްސައިޓަށް ވަދެވޭ ގޮތް ފަހުން ހެދި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox